രഞ്​ജൻ ഗോഗോയിയുടേത്​ ജുഡീഷ്യറിയിലുള്ള വിശ്വാസം തകർക്കുന്ന നടപടി - കുര്യൻ ജോസഫ്​

ന്യൂഡൽഹി: സുപ്രീംകോടതി മുൻ ചീഫ്​ ജസ്​റ്റിസ്​ രഞ്​ജൻ ഗോഗോയിയുടെ രാജ്യസഭ പ്രവേശനത്തിൽ എതിർപ്പുമായി ജസ്​റ് റിസ്​ കുര്യൻ ജോസഫ്​. ഗോഗോയിയുടേത്​ ജുഡീഷ്യറിയു​െട സ്വാതന്ത്രവും ജനങ്ങളുടെ വിശ്വാസവും തകർക്കുന്ന നടപടിയാണെന്ന്​ സുപ്രീംകോടതി മുൻ ജഡ്​ജി കൂടിയായ കുര്യൻ​ ജോസഫ്​ പ്രതികരിച്ചു.

ജുഡീഷ്യറിയുടെ സ്വാതന്ത്ര്യം ഉയര്‍ത്തിപ്പിടിക്കുന്നതിൽ ധൈര്യം കാട്ടിയിരുന്ന ഗോഗോയിയു​െട ഇപ്പോഴത്തെ നടപടിയിൽ കുര്യൻ ജോസഫ്​ ആശ്ചര്യം രേഖപ്പെടുത്തി. ന്യായാധിപരുടെ നിക്ഷ്​പക്ഷതയിൽ​ ജനം സംശയിക്കുേമ്പാൾ രാജ്യത്തി​​െൻറ അടിത്തറക്കാണ്​ ഉലച്ചിൽ സംഭവിക്കുന്നതെന്നും അദ്ദേഹം കൂട്ടിച്ചേർത്തു.

ഗോഗോയിയു​െട നടപടിയിൽ പ്രതിഷേധിച്ച്​ ജസ്​റ്റിസ്​ മദന്‍ ബി ലോക്കൂർ നേരത്തേ രംഗത്തെത്തിയിരുന്നു. സുപ്രീം കോടതി ചീഫ് ജസ്റ്റിസായിരുന്ന ദീപക്​ മിശ്രയുടെ പ്രവർത്തന ശൈലിക്കെതിരെ 2018 ജനുവരി 8നു ജസ്​റ്റിസുമാരായ ജെ.ചേലമേശ്വര്‍, രഞ്​ജന്‍ ഗോഗോയ്​​, മദന്‍ ലോകുര്‍, കുര്യന്‍ ​ജോസഫ്​ എന്നിവർ ചേർന്നായിരുന്നു വാര്‍ത്താ സമ്മേളനം നടത്തിയിരുന്നത്​.