Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightകുംഭമേള 2021ൽ...

കുംഭമേള 2021ൽ നിശ്ചയിച്ച സമയത്തു തന്നെ നടക്കുമെന്ന്​ ഉത്തരാഖണ്ഡ്​ മുഖ്യമന്ത്രി

text_fields
bookmark_border
കുംഭമേള 2021ൽ നിശ്ചയിച്ച സമയത്തു തന്നെ നടക്കുമെന്ന്​ ഉത്തരാഖണ്ഡ്​ മുഖ്യമന്ത്രി
cancel

ഡെറാഡൂൺ: ഹരിദ്വാറിൽ കുംഭമേള 2021ൽ നിശ്ചയിച്ച സമയത്തു തന്നെ നടക്കുമെന്ന്​ ഉത്തരാഖണ്ഡ്​ മുഖ്യമന്ത്രി ത്രിവേദ സിങ്​ റവാത്ത്​. കുംഭമേളയു​ടെ ഒരുക്കങ്ങൾ സംബന്ധിച്ച്​ മുഖ്യമന്ത്രിയുടെ വസതിയിൽ ചേർന്ന യോഗത്തിലാണ്​ അദ്ദേഹം ഇങ്ങനെ അഭിപ്രായപ്പെട്ടത്​. 

‘‘ഹരിദ്വാറിൽ കുംഭമേള 2021ൽ മുൻനി​ശ്ചയിച്ച പ്രകാരം നടക്കും. എങ്ങനെ നടക്കുമെന്നും ചടങ്ങ്​ ഏത്​ രൂപത്തിലായിരിക്കുമെന്നും ആ സമയത്തെ സാഹചര്യം അനുസരിച്ച്​ തീരുമാനിക്കും’’ -മുഖ്യമന്ത്രി പറഞ്ഞു. 

മന്ത്രി മദൻ കൗശിക്​, അഖില ഭാരതീത അഖാഡ പരിഷത്ത്​ (എ.ബി.എ.പി) അധ്യക്ഷൻ നരേന്ദ്ര ഗിരി എന്നിവരും മറ്റ്​ അഖാഡ പ്രതിനിധികളും യോഗത്തിനെത്തിയിരുന്നു. അഖാഡയിലേക്കുള്ള റോഡ്​ പുനർനിർമാണം, ശുചിമുറികൾ ഉറപ്പാക്കൽ തുടങ്ങിയവക്കാണ്​ ​പ്രത്യേക പരിഗണന നൽകുന്നതെന്ന്​ മുഖ്യമന്ത്രി വ്യക്തമാക്കി. 

കുംഭമേളയിൽ പർവത നിരകൾക്ക്​ 13 അഖാഡകളുടെയും കുല​ദൈവങ്ങളു​െട പേര്​ നൽകണമെന്ന്​ എ.ബി.എ.പി അധ്യക്ഷൻ യോഗത്തിൽ മുഖ്യമന്ത്രിയോട്​ അഭ്യർഥിച്ചു. കൂടാതെ മറ്റ്​ ജോലികളോടൊപ്പം ജല വിതരണം, വൈദ്യുതി ബന്ധം, ശുചിമുറികളുടെ അറ്റകുറ്റ പണികൾ തുടങ്ങിയവയും ചെയ്​തു തരണമെന്നും അദ്ദേഹം ആവശ്യപ്പെട്ടു. 

തീർഥാടകർക്ക്​ മതിയായ ഭൗതിക സാഹചര്യങ്ങൾ ഒരുക്കുന്നതിനായി 13 അഖാഡകൾക്കും സാമ്പത്തിക സഹായം ലഭ്യമാക്കുന്ന കാര്യം സർക്കാറി​​െൻറ പരിഗണനയിലുണ്ടെന്ന്​​​ മുഖ്യമന്ത്രി പറഞ്ഞു. 

Show Full Article
TAGS:Haridwar Uttarakhand CM india news malayalam news 
Web Title - Kumbh Mela 2021 to be held on schedule: Uttarakhand CM -india news
Next Story