Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഹിന്ദി ഭാഷ...

ഹിന്ദി ഭാഷ അടിച്ചേൽപിക്കാൻ ശ്രമിച്ച ആയുഷ്​ സെക്രട്ടറിക്കെതിരെ നടപടി വേണം -എച്ച്​.ഡി. കുമാരസ്വാമി

text_fields
bookmark_border
kumaraswamy
cancel

ബംഗളൂരു: ഹിന്ദി ഭാഷ അടിച്ചേൽപിക്കുന്ന തരത്തിൽ സർക്കാർ ചടങ്ങിൽ പ്രസ്​താവന നടത്തിയ ആയുഷ്​ വകുപ്പ്​ സെക്രട്ടറിക്കെതിരെ നടപടിയെടുക്കണമെന്ന്​ ജെ.ഡി-എസ്​ നേതാവും കർണാടക മുൻ മുഖ്യമന്ത്രിയുമായ എച്ച്​.ഡി. കുമാരസ്വാമി. ആയുഷ്​ മന്ത്രാലയം സംഘടിപ്പിച്ച ഒാൺലൈൻ പരിശീലനത്തിൽ സംസാരിക്കുന്നതിനിടെയാണ്​ സെക്രട്ടറി രാജേഷ്​ കൊ​േട്ടച്ച വിവാദ പരാമർശം നടത്തിയത്​. ഹിന്ദി സംസാരിക്കാനറിയാത്തവർക്ക്​ പരിപാടിയിൽനിന്ന്​ വിട്ടുപോകാമെന്നും തനിക്ക്​ ഇംഗ്ലീഷ്​ നന്നായി സംസാരിക്കാനറിയില്ലെന്നുമാണ്​ അദ്ദേഹം വ്യക്തമാക്കിയത്​.

ഹിന്ദി ഭാഷ മറ്റുള്ളവർക്കുമേൽ അടിച്ചേൽപിക്കുന്ന നാണംകെട്ട പ്രവണതയാണിതെന്ന്​ ചൂണ്ടിക്കാട്ടി ട്വീറ്റ്​ ചെയ്​ത കുമാരസ്വാമി, ഇത്​ ഇംഗ്ലീഷ്​ സംസാരിക്കരുതെന്ന അഭ്യർഥനയാണോ എന്നും​ ചോദിച്ചു. എല്ലാ ഭാഷകളും ഇന്ത്യയിലെ ഫെഡറൽ സംവിധാനത്തി​െൻറ ഭാഗമാണെന്നും ആയുഷ്​ സെക്രട്ടറിയുടേത്​ ഭരണഘടനാ വിരുദ്ധ പ്രസ്​താവനയാണെന്നും അദ്ദേഹം ചൂണ്ടിക്കാട്ടി.

വിവാദ സംഭവം പരാമർശിച്ച്​, ഹിന്ദി സംസാരിക്കാത്തവർക്കുനേരെയുള്ള വിവേചനമാണിതെന്ന്​ ചൂണ്ടിക്കാട്ടി തമിഴ്​നാട്ടിൽനിന്നുള്ള ഡോക്​ടർമാർ ആയുഷ്​ മന്ത്രാലയത്തിന്​ കഴിഞ്ഞദിവസം കത്തയച്ചിരുന്നു. തമിഴ്​നാട്ടിൽ ഡി.എം.കെ നേതാവ്​ സ്​റ്റാലിൻ അടക്കം നിരവധി രാഷ്​ട്രീയ നേതാക്കളും വിഷയം ഏറ്റുപിടിച്ചിരുന്നു.

എന്നാൽ, വിവാദം കെട്ടിച്ചമച്ചതാണെന്നാണ്​ രാജേഷ്​ കൊ​േട്ടച്ചയുടെ വാദം. താൻ ഹിന്ദിയിലും ഇംഗ്ലീഷിലും സംസാരിക്കുമെന്ന്​ അറിയിച്ചിരുന്നു. ഉത്തരേന്ത്യയിൽനിന്നുള്ള പ്രതിനിധികൾ ഹിന്ദിയിൽ സംസാരിക്കാനാണ്​ തന്നോട്​ ആവശ്യപ്പെട്ടത്​. എന്നാൽ, ചിലർ ഇംഗ്ലീഷിൽ മാത്രം സംസാരിക്കണമെന്ന്​ ആവശ്യപ്പെട്ട്​ ബഹളംവെച്ചു. പറ്റില്ലെന്നും ഹിന്ദിയിലും ഇംഗ്ലീഷിലും സംസാരിക്കുമെന്നും താൻ മറുപടി പറഞ്ഞെങ്കിലും അവർ കേട്ടില്ലെന്ന്​ ആയുഷ്​ സെക്രട്ടറി പറഞ്ഞു.

Show Full Article
TAGS:hindi federalism HD Kumaraswami 
Next Story