കശ്​മീരിൽ കൊല്ലപ്പെട്ട ഹിസ്​ബ്​ കമാൻഡറുടെ മാതാവ്​ അറസ്​റ്റിൽ

ശ്രീനഗർ: 2018ൽ കൊല്ലപ്പെട്ട ഹിസ്ബുൽ മുജാഹിദീൻ കമാൻഡർ തൗസീഫ്​ ഷെയ്ക്കി​െൻറ മാതാവ്​ നസീമ ബാനുവിനെ യു.എ.പി.‌എ പ്രകാരം പൊലീസ്​ അറസ്​റ്റ്​ ചെയ്​തു. ഇവർ, രണ്ട് നാട്ടുകാരെ തീവ്രവാദ സംഘടനയിലേക്ക്​ റിക്രൂട്ട് ചെയ്യുന്നതിൽ പങ്കുവഹിച്ചിരുന്നുവെന്നും തൗസീഫിനൊപ്പം തോക്കുപയോഗിച്ച് ഫോ​േട്ടാക്ക്​ പോസ് ചെയ്തിരുന്നുവെന്നും പൊലീസ്​ അറിയിച്ചു.

2018ൽ തന്നെ നസീമക്കെതിരെ പൊലീസ്​ യു.എ.പി.എ ചുമത്തിയിരുന്നു. കുൽഗാമിലെ റാംപോറ ഖൈമോയിൽനിന്ന്​ ജൂൺ 20 നാണ് അറസ്റ്റിലായത്. തീവ്രവാദത്തിൽ പങ്കുണ്ടെന്ന തെളിവ്​ ലഭിച്ചതിനാലാണ്​ അറസ്​റ്റ്​ ചെയ്​തതെന്ന്​ കശ്മീരിലെ ഇൻസ്പെക്ടർ ജനറൽ വിജയ് കുമാർ പറഞ്ഞതായി ദ ഹിന്ദു റിപ്പോർട്ട്​ ചെയ്​തു. തീവ്രവാദികളുടെ കുടുംബത്തെ പൊലീസ്​ ലക്ഷ്യമിട്ടിട്ടില്ലെന്നും 2018 മുതൽ അവർ പൊലീസി​െൻറ കണ്ണുവെട്ടിച്ച്​ കഴിയുകയായിരുന്നുവെന്നും അദ്ദേഹം പറഞ്ഞു.

യുവാക്കളെ റിക്രൂട്ട് ചെയ്യുന്നതിലും ആയുധങ്ങളും വെടിക്കോപ്പുകളും സംഘടിപ്പിക്കുന്നതിലും അറസ്​റ്റിലായ സ്​ത്രീക്ക്​ പങ്കുണ്ടായിരുന്നുവെന്നും പൊലീസ്​ ആ​േരാപിച്ചു. നിയമവിരുദ്ധ പ്രവർത്തന നിരോധന നിയമത്തിലെ (യു‌.എ‌.പി.‌എ) 13 ബി, 17, 18, 18 ബി, 19, 39 വകുപ്പുകൾ പ്രകാരമാണ്​ ഇവർക്കെതിരെ 2018 ൽ കേസെടുത്തത്​.