ഉന്നാവ്​ പെൺകുട്ടിയുടെ പിതാവിൻെറ കൊലപാതകം; കുൽദീപ്​ സിങ്​ സെങ്കാറിന്​ 10 വർഷം തടവ്​

ന്യൂഡൽഹി: ഉന്നാവ്​ ​പെൺകുട്ടിയുടെ പിതാവിൻെറ കൊലപാതക കേസിൽ ബി.ജെ.പി നേതാവും മുൻ എം.എൽ.എയുമായ​ കുൽദീപ്​ സിങ്​ സ െങ്കാറടക്കം ഏഴ്​ പ്രതികൾക്കും​ 10 വർഷം തടവ്​. ഡൽഹി കോടതിയാണ്​ ശിക്ഷ വിധിച്ചത്​. കുൽദീപ്​ സെങ്കാറിൻെറ സഹോദരൻ അതുൽ സെങ്കാറും കേസിൽ പ്രതിയാണ്​. നിലവിൽ ബലാൽസംഗ കേസിൽ ശിക്ഷ അനുഭവിക്കുകയാണ്​ സെങ്കാർ.

കുൽദീപ്​ സിങ്​ സെങ്കാർ 30 ലക്ഷം രൂപ പിഴയടക്കണമെന്നും കോടതിയുടെ ഉത്തരവിലുണ്ട്​. പിഴത്തുക കൊല്ലപ്പെട്ടയാളുടെ കുടുംബത്തിന്​ നൽകണമെന്നും കോടതി ഉത്തരവിട്ടു.

ജുഡീഷ്യൽ കസ്​റ്റഡിയിൽ വെച്ചാണ്​ പെൺകുട്ടിയുടെ പിതാവ്​ കൊല്ലപ്പെടുന്നത്​​. കുൽദീപ്​ സിങ്​ സെങ്കാറും കൂട്ടാളികളും ചേർന്ന്​ പെൺകുട്ടിയുടെ പിതാവിനെ മർദിച്ചു. തുടർന്ന്​ ആയുധ കേസിൽ ​പെടുത്തി അറസ്​റ്റ്​ ചെയ്യിപ്പിക്കുകയായിരുന്നു. കേസിൻെറ വിധി പ്രസ്​താവത്തിനിടെ പെൺകുട്ടിയുടെ പിതാവിൻെറ ശരീരത്തിൽ 18 മുറിവുകളേറ്റ കാര്യവും കോടതി ചൂണ്ടിക്കാട്ടിയിരുന്നു.