കുൽഭൂഷൻ ജാദവ്​ കേസ്​: രാജ്യാന്തര കോടതിയുടെ വിധി നിരാകരിച്ച്​​ പാകിസ്​താൻ

ന്യൂഡൽഹി: ഇന്ത്യൻ നാവികസേന ഉദ്യോഗസ്ഥനായ കുൽഭൂഷൻ ജാദവി​​െൻറ വധശിക്ഷ സ്​റ്റേ ചെയ്​ത അന്താരാഷ്​ട്ര നീതിന്യായ കോടതിയുടെ വിധി നിരാകരിച്ച്​ പാകിസ്​താൻ. ദേശീയ സുരക്ഷ സംബന്ധിച്ച കാര്യങ്ങളിൽ തീരുമാനമെടുക്കാൻ കോടതിക്ക്​ അധികാരമില്ലെന്ന വാദത്തിലാണ്​ പാകിസ്​താൻ വിദേശകാര്യ മന്ത്രാലയം.

കേസിൽ യഥാർഥ മുഖം മറച്ച്​ വെക്കാനാണ്​ ഇന്ത്യ ശ്രമിക്കുന്നതെന്ന്​ പാകിസ്​താൻ വക്​താവ്​ നഫീസ്​ സക്കറിയ പറഞ്ഞു. ജാദവിനെതിരെ ശക്​തമായ തെളിവുകൾ കോടതിയിൽ സമർപ്പിക്കുമെന്നും അദ്ദേഹം പറഞ്ഞു. കേസിനെ മനുഷ്യവകാശ വിഷയമായി ലോകത്തിന്​ മുന്നിൽ അവതരിപ്പിക്കാനുള്ള ശ്രമമാണ്​ ഇന്ത്യ നടത്തുന്നതെന്നും അദ്ദേഹം കുറ്റപ്പെടുത്തി.

ചാ​ര​നെ​ന്ന്​ ആ​രോ​പി​ച്ച്​ പാ​കി​സ്​​താ​ൻ തടവിലായ  ഇന്ത്യൻ പൗരനും മുന്‍ നാവികസേനാ ഉദ്യോഗസ്ഥനുമായ കുല്‍ഭൂഷണ്‍ ജാദവിന് പാക്​ സൈനിക കോടതി വിധിച്ച വധശിക്ഷ അന്താരാഷ്​ട്ര നീതിന്യായ കോടതി ഇന്നാണ്​ സ്റ്റേ ചെയ്തത്​. കേസിൽ അന്തിമ വിധി വരുന്നതുവരെ വധശിക്ഷ നടപ്പാക്കരുതെന്നും പാകിസ്​താനോട്​ കോടതി ആവശ്യപ്പെട്ടു. റോണി ഏബ്രഹാമി​​​​െൻറ അധ്യക്ഷതയിലുള്ള 11 അംഗ ബെഞ്ചാണ് വിധി പ്രസ്താവിച്ചത്. ഇന്ത്യയുടെയും കുൽഭൂഷൺ ജാദവി​​​​െൻറയും അവകാശങ്ങൾ സംരക്ഷിക്കപ്പെടേണ്ടതുണ്ടെന്ന് ചൂണ്ടിക്കാട്ടിയാണ് വധശിക്ഷ അന്താരാഷ്​ട്ര കോടതി ജാദവി​​​​െൻറ വധശിക്ഷ സ്​റ്റേ ചെയ്​തത്​.