Begin typing your search above and press return to search.
proflie-avatar
Login
exit_to_app
exit_to_app
കുൽഭൂഷൺ ജാദവ്​ കേസ്​: അഭിഭാഷകനെ നിയമിക്കാൻ ഇന്ത്യക്ക്​ അവസരം നൽകണം –ഇസ്​ലാമാബാദ്​ ഹൈകോടതി
cancel
Homechevron_rightNewschevron_rightIndiachevron_rightകുൽഭൂഷൺ ജാദവ്​ കേസ്​:...

കുൽഭൂഷൺ ജാദവ്​ കേസ്​: അഭിഭാഷകനെ നിയമിക്കാൻ ഇന്ത്യക്ക്​ അവസരം നൽകണം –ഇസ്​ലാമാബാദ്​ ഹൈകോടതി

text_fields
bookmark_border

ഇസ്​ലാമാബാദ്​: ചാരവൃത്തി, ഭീകര പ്രവർത്തനം എന്നീ കുറ്റങ്ങൾ ചുമത്തി പാക്​ സൈനിക കോടതി വധശിക്ഷക്ക്​ വിധിച്ച ഇന്ത്യൻ നാവികസേന മുൻ ഉദ്യോഗസ്ഥൻ കുൽഭൂഷൺ ജാദവിനായി അഭിഭാഷകനെ നിയോഗിക്കാൻ ഇന്ത്യക്ക്​ ഒരു അവസരം കൂടി നൽകാൻ പാകിസ്​താൻ സർക്കാറിനോട്​ ഇസ്​ലാമാബാദ്​ ഹൈകോടതി ഉത്തരവിട്ടു. കേസിൽ കോടതിയെ സഹായിക്കാൻ മൂന്ന്​ മുതിർന്ന അഭിഭാഷകരെ അമിക്കസ്​ ക്യൂറിയായി നിയമിച്ചിട്ടുണ്ട്​. കേസ്​ വിശാല ബെഞ്ചിന്​ വിടാനും തീരുമാനിച്ചു. കേസ്​ സെപ്​റ്റംബർ മൂന്നിന്​ ഉച്ചക്ക്​ രണ്ടിനാണ്​ പരിഗണിക്കുക.

കോടതി ഉത്തരവ്​ വിദേശകാര്യ മന്ത്രാലയം വഴി ഇന്ത്യയെ അറിയിക്കാനും നിർ​േദശിച്ചിട്ടുണ്ട്​. ജാദവിനായി അഭിഭാഷകനെ നിയോഗിക്കണമെന്ന്​ ആവശ്യപ്പെട്ട്​ പാകിസ്​താൻ സർക്കാർ നൽകിയ കേസിൽ ചീഫ്​ ജസ്​റ്റിസ്​ അതാർ മിനാല്ലാഹ്​, ജസ്​റ്റിസ്​ മിയാൻഗുൽ ഒൗറംഗസീബ്​ എന്നിവർ അടങ്ങിയ ബെഞ്ചാണ്​ ഉത്തരവ്​ പുറപ്പെടുവിച്ചത്​.

അന്താരാഷ്​ട്ര നീതിന്യായ കോടതിവിധി കാര്യക്ഷമമായി നടപ്പാക്കുന്നുണ്ടെന്ന്​ ഉറപ്പുവരുത്താനാണ്​ സുപ്രീംകോടതി മുൻ പ്രസിഡൻറുമാരായ ആബിദ്​ ഹസൻ, ഹാമിദ്​ ഖാൻ, സുപ്രീംകോടതിയിലെ മുതിർന്ന അഭിഭാഷകൻ മഖ്​ദൂം അലി ഖാൻ എന്നിവരെ അമിക്കസ്​ ക്യൂറിമാരായി നിയമിച്ചത്​.

സൈനിക​ കോടതി വിധിക്കെതിരെ റിവ്യൂ ഹരജി നൽകാൻ കുൽഭൂഷൺ ജാദവ്​ വിസമ്മതിച്ചതായി പാകിസ്​താൻ സർക്കാർ കോടതിയിൽ പറഞ്ഞു. എന്നാൽ, ജാദവിനും ഇന്ത്യൻ സർക്കാറിനും ഒരു അവസരം കൂടി നൽകാനും ഇക്കാര്യം നയതന്ത്ര തലത്തിൽ ഇന്ത്യയെ അറിയിക്കാനുമായിരുന്നു കോടതി നിർദേശം. ഇക്കാര്യം ഉറപ്പാക്കാമെന്ന്​ പാക്​ സർക്കാർ അഭിഭാഷകൻ വ്യക്തമാക്കി.

2017ലാണ്​ സൈനിക കോടതി വധശിക്ഷ വിധിച്ചത്​്​. ഇന്ത്യ അന്താരാഷ്​ട്ര നീതിന്യായ കോടതിയെ സമീപിച്ചതിനെ തുടർന്ന്​ റിവ്യൂ ഹരജി നൽകാൻ അവസരം ഒരുങ്ങുകയായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kulbhushan Jadhav casemalayalam news
Next Story