ഖലിസ്​ഥാൻ ഭീകരതയെ അടിച്ചമർത്തിയ പൊലീസ്​ മേധാവി 

ന്യൂഡൽഹി: പഞ്ചാബിലെ ഖലിസ്​ഥാൻ ഭീകരതയെ വേരോടെ പിഴുതുകളയുന്നതിൽ നിർണായക പങ്കുവഹിച്ച പൊലീസ്​ മേധാവിയായിരുന്നു അന്തരിച്ച കെ.പി.എസ്​. ഗിൽ. പഞ്ചാബിൽ ഭീകരവാദം കൊടുമ്പിരികൊണ്ടിരുന്ന 80കളുടെ അവസാനമാണ്​ ഗിൽ പഞ്ചാബ്​ ഡി.ജി.പിയായി നിയമിതനാവുന്നത്​. 1988 മുതൽ 90 വരെയും പിന്നീട്​ 91 മുതൽ 95ൽ വിരമിക്കുന്നതുവരെയും സംസ്​ഥാന പൊലീസ്​ മേധാവിയായിരുന്നു അദ്ദേഹം. സ്​ഥാനമേറ്റ 1988ൽ സിഖുകാരുടെ വിശുദ്ധഗേഹമായ സുവർണക്ഷേത്രത്തിൽനിന്ന്​ ഖലിസ്​ഥാൻ ഭീകരവാദികളെ തുരത്താൻ നടത്തിയ ‘ഒാപറേഷൻ ബ്ലാക്ക്​ തണ്ടർ’ ആണ്​ ഗില്ലിന്​ താരപരിവേഷം നൽകിയത്​. 1984ൽ ഇന്ദിര ഗാന്ധിയുടെ കാലത്ത്​ അരങ്ങേറിയ ‘ഒാപറേഷൻ ബ്ലൂസ്​റ്റാറി’ൽനിന്ന്​ വ്യത്യസ്​തമായി സുവർണക്ഷേത്രത്തിന്​ കാര്യമായ കേടുപാടുണ്ടാക്കാതെ അവസാനിച്ച ഗില്ലി​​​െൻറ ഒാപറേഷനിൽ 67 ഭീകരവാദികൾ കീഴടങ്ങുകയും 43 ഭീകരർ കൊല്ലപ്പെടുകയും ചെയ്​തു. 

ഭീകരതക്കെതിരെ വിട്ടുവീഴ്​ചയില്ലാത്ത നടപടികൾ സ്വീകരിച്ചപ്പോൾ തന്നെ അതി​​​െൻറ ഭാഗമായി വ്യാപകമായ മനുഷ്യാവകാശ ലംഘനങ്ങൾ അരങ്ങേറിയിരുന്നതായി ഗില്ലിനെതിരെ ആരോപണമുയർന്നിരുന്നു. ഡി.ജി.പി ആയിരിക്കെ തന്നെ ലൈംഗിക അപവാദത്തിലുംപെ​ട്ടു അദ്ദേഹം. പാർട്ടിക്കിടെ ​ഗിൽ െഎ.എ.എസ്​ ഉദ്യോഗസ്​ഥയായിരുന്ന രൂപൻ ബജാജി​​​െൻറ ശരീരത്തിൽ കയറിപ്പിടിച്ചെന്ന ആരോപണം ഏറെ കോളിളക്കമുണ്ടാക്കിയിരുന്നു. ഇന്ത്യൻ ഹോക്കി ഫെഡറേഷൻ പ്രസിഡൻറായിരുന്നപ്പോഴും ഗില്ലിനെ വിവാദം വിടാതെ പിന്തുടർന്നു. അഴിമതിയാരോപണങ്ങളെ തുടർന്ന്​ ഇക്കാലത്ത്​ ഹോക്കി ഫെഡറേഷനെ ഇന്ത്യൻ ഒളിമ്പിക്​ അസോസിയേഷൻ സസ്​​െപൻഡ്​​ ചെയ്​തിരുന്നു.