Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകെ.പി.സി.സി: ഒരാൾക്ക്​ ...

കെ.പി.സി.സി: ഒരാൾക്ക്​ ഒര​ു പദവി എന്ന മാനദണ്ഡം പാലിക്കണമെന്ന്​ ഹൈക്കമാൻഡ്​

text_fields
bookmark_border
ummanchandy-and-mullappally
cancel

ന്യുഡൽഹി: കെ.പി.സി.സി പുനഃസംഘടനയിൽ ഒരാൾക്ക്​ ഒരു​ പദവി എന്ന മാനദണ്ഡം പാലിക്കണമെന്ന്​ ഹൈക്കമാൻഡ്​ നിർദേശം. എം.പ ിമാരും എം.എൽ.എമാരും ഭാരവാഹികളായി വേണ്ട, എഴുപത്​ വയസ്സിന്​ മുകളിലുള്ളവരെ കെ.പി.സി.സിയിൽ നിന്ന്​ ഒഴിവാക്കണം, പത്ത ു വർഷമായി തുടരുന്ന ജനറൽ സെക്രട്ടറിമാരെ ഒഴിവാക്കണം എന്നീ നിർദേശങ്ങളും ഹൈക്കമാൻഡ്​ നൽകിയിട്ടുണ്ട്​​​.

അതേസമയം, നിലവിൽ എം.പിമാരായ കൊടിക്കുന്നിൽ സുരേഷിനേയും കെ. സുധാകരനേയും കെ.പി.സി.സി വർക്കിങ്​ പ്രസിഡൻറുമാരായി നിലനിർത്തണമെന്ന​ സംസ്ഥാന നേതൃത്വത്തിൻെറ അഭ്യർഥന ഹൈക്കമാൻഡ്​ അംഗീകരിച്ചു​. അതിനാൽ ഇവർ തൽസ്ഥാനത്ത്​ തുടരും.

പുനഃസംഘടന ചർച്ച അന്തിമ ഘട്ടത്തിലാണ​ുള്ളത്​​. കെ.പി.സി.സി അധ്യക്ഷൻ മുല്ലപ്പള്ളി രാമച​ന്ദ്രൻ, എ.ഐ.സി.സി സെക്രട്ടറി ഉമ്മൻചാണ്ടി, പ്രതിപക്ഷ നേതാവ്​ രമേശ്​ ചെന്നിത്തല എന്നിവർ സോണിയാഗാന്ധിയുമായും രാഹുൽ ഗാന്ധിയുമായും നടത്തിയ ചർച്ചയിലാണ് ഒറ്റപദവി സംബന്ധിച്ച​ മാനദണ്ഡം പാലിക്കണമെന്ന്​ നിർദേശം നൽകിയത്​.

നിയമസഭ തെരഞ്ഞെടുപ്പിന്​ ഒരു വർഷം മാത്രം ശേഷിക്കെ ജനപ്രതിനിധികൾ ഭാരവാഹികളാവുമ്പോൾ അത്​ പാർട്ടി പ്രവർത്തനങ്ങളെ ബാധിക്കുമെന്ന്​ വിലയിരുത്തിയാണ്​ അവരെ പട്ടികയിൽ ഉൾക്കൊള്ളിക്കേണ്ടതില്ലെന്ന്​ ഹൈക്കമാൻഡ്​ നിലപാടെടുത്തത്​​.

Show Full Article
TAGS:kpcc single position system high command kerala news malayalam news 
News Summary - kpcc; single position system should be executed; highcommand -kerala news
Next Story