Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസംസ്ഥാന വിമാനം...

സംസ്ഥാന വിമാനം സ്വകാര്യ സ്വത്തല്ല; മഹാരാഷ്​ട്ര ഗവർണർക്ക്​ വിമാനം നിഷേധിച്ച സംഭവത്തിൽ ഫട്​നാവിസ്​

text_fields
bookmark_border
സംസ്ഥാന വിമാനം സ്വകാര്യ സ്വത്തല്ല; മഹാരാഷ്​ട്ര ഗവർണർക്ക്​ വിമാനം നിഷേധിച്ച സംഭവത്തിൽ ഫട്​നാവിസ്​
cancel

മുംബൈ: മഹാരാഷ്​ട്ര ഗവർണർ ഭഗത്​ സിങ്​ കോശിയാരിക്ക്​ ഡെറഡൂണിലേക്ക്​ പോകാൻ സംസ്​ഥാനത്തി​െൻറ വിമാനംഅനുവദിക്കാത്ത സംഭവത്തിൽ പ്രതികരണവുമായി മുൻ മുഖ്യമന്ത്രി ദേവേന്ദ്ര ഫട്​നാവിസ്​. സംസ്ഥാന വിമാനം സ്വകാര്യ സ്വത്തല്ലെന്നും മഹാ വികാസ്​ അഗാഡി സർക്കാറിന്​ സ്വാർത്ഥതയാണെന്നും ഫട്​നാവിസ്​ കുറ്റപ്പെടുത്തി.

ഡെറാഡൂണിലേക്ക്​ തിരിക്കാനിരുന്ന ഗവർണർക്ക്​ സർക്കാർ വിമാനം നിഷേധിച്ചതിനെ തുടർന്ന്​ അദ്ദേഹം മറ്റൊരു വിമാനത്തിലാണ്​ യാത്ര തിരിച്ചത്​. മുംബൈ വിമാനത്താവളത്തിൽ എത്തിയപ്പോഴാണ്​ വിമാനം നിഷേധിച്ച കാര്യം ഗവർണർ അറിയുന്നത്​.

''ഇത്​ തെറ്റായ കാര്യമാണ്​. കാരണം അദ്ദേഹം മഹാരാഷ്​ട്രയുടെ ഗവർണറാണ്​​. ഭരണഘടനയനുസരിച്ച് മുഖ്യമന്ത്രിയെയും സംസ്ഥാന മന്ത്രിമാരെയും നിയമിക്കാനുള്ള അധികാരം ഗവർണർക്കുണ്ട്. ഗവർണർ സംസ്ഥാന വിമാന സേവനങ്ങൾ ഉപയോഗിക്കാൻ ആഗ്രഹിക്കുന്നുവെങ്കിൽ അതിന്​ നിർദ്ദിഷ്ട നടപടിക്രമമുണ്ട്. അതിന്​ ഗവർണർ അപേക്ഷ സമർപ്പിക്കേണ്ടതുണ്ട്​. ഇൗ വിഷയത്തിൽ അത്​ ചെയ്​തിട്ടുണ്ട്​. അപേക്ഷ മുഖ്യമന്ത്രിക്കും ചീഫ്​ സെക്രട്ടറിക്കും ലഭിച്ചെങ്കിലും ഗവർണർക്ക്​ അനുമതി മനപൂർവം നിഷേധിക്കപ്പെടുകയാണുണ്ടായത്​. '' -ഫട്​നാവിസ്​ മാധ്യമപ്രവർത്തകരോട്​ പറഞ്ഞു.

ഗവർണർ വിമാനത്തിൽ കയറിയ ശേഷം അനുമതി നിഷേധിച്ച വിവരം അറിയിച്ചതിനെ തുടർന്ന് അദ്ദേഹത്തിന്​ വിമാനത്തിൽ നിന്ന് ഇറങ്ങേണ്ടിവന്നു. ഇതൊരു ബാലിശമായ പ്രവൃത്തിയാണ്. ത​െൻറ ജീവിതത്തിൽ ഇങ്ങനെ അഹംഭാവമുള്ള സർക്കാരിനെ കണ്ടിട്ടില്ല. മഹാരാഷ്​ട്രയു​ടെ ചരിത്രത്തിലെ കറുത്ത ദിനമാണി​തെന്നും അദ്ദേഹം കൂട്ടിച്ചേർത്തു.

Show Full Article
TAGS:Maharashtra governor Devendra Fadnavis maharashtra flight 
News Summary - Koshyari not allowed to travel in state plane; Black day in Maharashtra's history said Fadnavis
Next Story