കൊൽക്കത്തയിൽ കോവിഡ് വാക്​സിൻ സ്വീകരിച്ച നഴ്​സ്​ ബോധരഹിതയായി

കൊൽക്കത്ത: വാക്​സിൻ സ്വീകരിച്ച്​ നിമിഷങ്ങൾക്കകം ബോധരഹിതയായ നഴ്​സിനെ ആശുപത്രിയിൽ പ്രവേശിപ്പിച്ചു. കൊൽക്കത്തയിലെ ഡോ. ബി.സി റോയ്​ ആശുപത്രിയിൽ നഴ്​സായ 35കാരിയാണ്​ ബോധരഹിതയായത്​.

വാക്​സിൻ സ്വീകരിച്ച്​ നിമിഷങ്ങൾക്കുള്ളിൽ വിറയൽ അനുഭവപ്പെടുകയും അസ്വസ്ഥതയുള്ളതായി കൂടെയുള്ളവരോട്​ പറയുകയും ചെയ്​തു. ഉടൻ നിരീക്ഷണ മുറിയിൽ ബോധരഹിതയാവുകയായിരുന്നു.

അലർജി മൂലം സംഭവിച്ചതാകാമെന്നും ഭയപ്പെടാനില്ലെന്നും മുതിർന്ന ആരോഗ്യ വകുപ്പ്​ ഉദ്യോഗസ്ഥൻ പറഞ്ഞു. നഴ്​സിന്​​ പുറമെ 13 പേർക്ക്​ വാക്​സിൻ സ്വീകരിച്ച് അസ്വസ്ഥതകൾ റിപ്പോർട്ട്​ ചെയ്​തതായി അധികൃതർ അറിയിച്ചു.