അഞ്ച്​ വർഷത്തിൽ യാഥാർഥ്യമായി കൊച്ചി​ മെട്രോ; അനന്തമായി നീണ്ട്​ കൊൽക്കത്ത മെട്രോ

കൊൽക്കത്ത: ശനിയാഴ്​ചയാണ്​ പ്രധാനമന്ത്രി നരേന്ദ്രമോദി കൊച്ചി മെട്രോ റെയിലി​​െൻറ ഉദ്​ഘാടനം ചെയ്​തത്​. മുൻ പ്രധാനമന്ത്രി മൻമോഹൻ സിങ് 2012 സെപ്​തംബറിലാണ്​ കൊച്ചി മെട്രോക്ക്​ തറക്കല്ലിട്ടത്​. എകദേശം അഞ്ച്​ വർഷം കൊണ്ട്​ 13 കിലോ മീറ്റർ നിളമുള്ള മെട്രോയുടെ ഒന്നാം ഘട്ടം പൂർത്തിയാക്കിയത്​. എന്നാൽ കൊൽക്കത്ത മെട്രോയുടെ വികസന പ്രവർത്തനങ്ങൾ ഒച്ചി​​െൻറ വേഗത്തിൽ ഇഴയുന്നുവെന്നാണ്​ റിപ്പോർട്ടുകൾ ചൂണ്ടിക്കാട്ടുന്നത്​. കൊൽക്കത്ത മെട്രോയുടെ നിർമാണ പുരോഗതിയിൽ റെയിൽവേ മന്ത്രാലയത്തിന്​ ഒട്ടും സംതൃപ്​തിയില്ലെന്നാണ്​ സൂചന. 

ഇൗ രീതിയിൽ മുന്നോട്ട്​ പോവുകയാണെങ്കിൽ 17 വർഷം കൊണ്ട്​ മാത്രമേ കൊൽക്കത്ത മെട്രോ പുർണമായി സജ്ജമാവുകയുള്ളു എന്നാണ്​ റെയിൽവേ മന്ത്രാലയത്തെ ഉദ്ധരിച്ച്​ ടൈംസ്​ ഒാഫ്​ ഇന്ത്യ റിപ്പോർട്ട്​ ചെയ്യുന്നത്​. 64 കിലോ മീറ്റർ ദൈർഘ്യമുള്ള പുതിയ മെട്രോ പൂർത്തിയാക്കാൻ 8,639 കോടി രൂപയാണ്​ ആകെ ചിലവ്​ വരിക. ഇതിൽ 2,018 കോടി രൂപയാണ്​ നിലവിൽ ചിലവഴിച്ചിട്ടുള്ളത്​.

2010--^11 സാമ്പത്തിക വർഷത്തിലാണ്​ കൊൽക്കത്ത മെട്രോയുടെ വികസന പ്രവർത്തനങ്ങൾ നടത്താൻ അനുമതി നൽകിയത്​. എന്നാൽ മെട്രോയുടെ കരാർ ഏൽപ്പിച്ചത്​ റെയിൽ വികാസ്​ നിഗം ലിമിറ്റഡ്​ എന്ന സ്ഥാപനത്തെയാണ്​. ആറ്​ മെട്രോ കോറിഡോറുകളാണ്​ കൊൽക്കത്തിയിൽ പൂർത്തിയാക്കേണ്ടത്​ ഇതിൽ ഒന്നി​​െൻറ പണിയിൽ മാത്രമേ ആശാവഹമായ പുരോഗതി ഉണ്ടായിട്ടുള്ളു.