വ​നി​താ ഡോ​ക്ട​റു​ടെ ബ​ലാ​ത്സം​ഗ​ക്കൊ​ല; ചോ​ദ്യമുനയി​ൽ മു​ൻ പ്രി​ൻ​സി​പ്പൽ

കൊ​ൽ​ക്ക​ത്ത: ആ​ർ.​ജി ക​ർ മെ​ഡി​ക്ക​ൽ കോ​ള​ജി​ൽ പി.​ജി ഡോ​ക്ട​ർ ട്രെ​യി​നി​യെ ബ​ലാ​ത്സം​ഗം ചെ​യ്ത് കൊ​ല​പ്പെ​ടു​ത്തി​യ സം​ഭ​വ​ത്തി​ൽ മു​ൻ പ്രി​ൻ​സി​പ്പ​ൽ സ​ന്ദീ​പ് ഘോ​ഷി​ന്റെ ചോ​ദ്യം ചെ​യ്യ​ൽ തു​ട​രു​ന്നു. വെ​ള്ളി​യാ​ഴ്ച മു​ത​ൽ ഇ​തി​ന​കം നി​ര​വ​ധി മ​ണി​ക്കൂ​ർ ഇ​ദ്ദേ​ഹ​ത്തെ ചോ​ദ്യം ചെ​യ്തു​ക​ഴി​ഞ്ഞു. സി.​ബി.​ഐ​യു​ടെ സി​റ്റി ഓ​ഫി​സി​ൽ തി​ങ്ക​ളാ​ഴ്ച രാ​വി​ലെ​യാ​ണ് സ​ന്ദീ​പ് ഘോ​ഷ് വീ​ണ്ടും ചോ​ദ്യം ചെ​യ്യ​ലി​ന് ഹാ​ജ​രാ​യ​ത്.

മ​ര​ണ വി​വ​രം അ​റി​ഞ്ഞ​ശേ​ഷം എ​ന്തു ചെ​യ്തു, വി​വ​ര​മ​റി​ഞ്ഞെ​ത്തി​യ ഡോ​ക്ട​റു​ടെ മാ​താ​പി​താ​ക്ക​ളെ മൂ​ന്ന് മ​ണി​ക്കൂ​റോ​ളം കാ​ത്തു​നി​ർ​ത്തി​ച്ച​ത് എ​ന്തി​ന്, കൊ​ല​പാ​ത​കം ന​ട​ന്ന നാ​ലാം നി​ല​യി​ലെ സെ​മി​നാ​ർ ഹാ​ളി​നോ​ട് ചേ​ർ​ന്ന മു​റി​യി​ൽ ന​വീ​ക​ര​ണ പ്ര​വൃ​ത്തി ന​ട​ത്താ​ൻ നി​ർ​ദേ​ശി​ച്ച​ത് ആ​ര് തു​ട​ങ്ങി​യ വി​വ​ര​ങ്ങ​ളാ​ണ് സി.​ബി.​ഐ ചോ​ദി​ച്ച​ത്. ഓ​ർ​ത്തോ​പീ​ഡി​ക് ഡോ​ക്ട​ർ കൂ​ടി​യാ​യ സ​ന്ദീ​പ് ഘോ​ഷ് വ​നി​താ ഡോ​ക്ട​റു​ടെ മൃ​ത​ദേ​ഹം ക​ണ്ടെ​ത്തി ര​ണ്ടു ദി​വ​സം ക​ഴി​ഞ്ഞ​പ്പോ​ൾ പ്രി​ൻ​സി​പ്പ​ൽ സ്ഥാ​നം രാ​ജി​വെ​ച്ചി​രു​ന്നു.

അ​തി​നി​ടെ, കൊ​ല​യു​മാ​യി ബ​ന്ധ​പ്പെ​ട്ട് സ​മൂ​ഹ​മാ​ധ്യ​മ​ത്തി​ൽ ന​ട​ത്തി​യ പ്ര​തി​ക​ര​ണ​ത്തി​ന്റെ പേ​രി​ൽ ര​ണ്ട് മു​തി​ർ​ന്ന ഡോ​ക്ട​ർ​മാ​രെ ചോ​ദ്യം ചെ​യ്യാ​ൻ വി​ളി​പ്പി​ച്ച​തി​​ൽ പ്ര​തി​ഷേ​ധി​ച്ച് ഡോ​ക്ട​ർ​മാ​ർ ലാ​ൽ​ബ​സാ​റി​ലെ കൊ​ൽ​ക്ക​ത്ത പൊ​ലീ​സ് ആ​സ്ഥാ​ന​ത്തേ​ക്ക് മാ​ർ​ച്ച് ന​ട​ത്തി. കൊ​ൽ​ക്ക​ത്ത മെ​ഡി​ക്ക​ൽ കോ​ള​ജി​ന് മു​ന്നി​ൽ​നി​ന്ന് ആ​രം​ഭി​ച്ച മാ​ർ​ച്ച് ഫി​യേ​ഴ്സ് ലെ​യി​നി​ൽ പൊ​ലീ​സ് ത​ട​ഞ്ഞു.

ഡോ. ​കു​നാ​ൽ സ​ർ​ക്കാ​ർ, ഡോ. ​സു​ബ​ർ​ണ ഗോ​സ്വാ​മി എ​ന്നി​വ​ർ​ക്കാ​ണ് പൊ​ലീ​സ് നോ​ട്ടീ​സ് അ​യ​ച്ച​ത്. ഇ​രു​വ​രും തി​ങ്ക​ളാ​ഴ്ച പൊ​ലീ​സ് മു​മ്പാ​കെ ഹാ​ജ​രാ​യി. കൊ​ല്ല​പ്പെ​ട്ട ഡോ​ക്ട​റു​ടെ പേ​ര് സ​മൂ​ഹ​മാ​ധ്യ​മ​ത്തി​ൽ വെ​ളി​പ്പെ​ടു​ത്തി​യ​തി​ന് ഒ​രാ​ളെ അ​റ​സ്റ്റ് ചെ​യ്തു. കീ​ർ​ത്തി​സോ​ഷ്യ​ൽ എ​ന്ന ഇ​ൻ​സ്റ്റ​ഗ്രാം അ​ക്കൗ​ണ്ടി​ലാ​ണ് ഡോ​ക്ട​റു​ടെ ചി​ത്ര​വും പേ​രും പ്ര​സി​ദ്ധീ​ക​രി​ച്ച​ത്.

നീ​തി വേ​ഗ​ത്തി​ൽ ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് ആ​ർ.​ജി ക​ർ മെ​ഡി​ക്ക​ൽ കോ​ള​ജി​ലെ ജൂ​നി​യ​ർ ഡോ​ക്ട​ർ​മാ​ർ ന​ട​ത്തു​ന്ന സ​മ​ര​ത്തി​ൽ പൂ​ർ​വ വി​ദ്യാ​ർ​ഥി​ക​ളും പ​ങ്കു​ചേ​ർ​ന്നു. 1964 ബാ​ച്ചി​ലെ ഡോ​ക്ട​ർ ഉ​ൾ​പ്പെ​ടെ ധ​ർ​ണ​യി​ലും സ​മ​ര​ത്തി​ലും പ​​ങ്കെ​ടു​ത്തു. പ്രാ​യ​ത്തി​​ന്റെ അ​വ​ശ​ത​ക​ൾ മ​റ​ന്നാ​ണ് പ​ല​രും സ​മ​ര​ത്തി​നെ​ത്തി​യ​ത്. മെ​ഡി​ക്ക​ൽ കോ​ള​ജി​ൽ സം​ഭ​വി​ച്ച​ത് ചി​ന്തി​ക്കാ​നാ​കാ​ത്ത കാ​ര്യ​മാ​ണെ​ന്നും സ​മ​ര​വു​മാ​യി തെ​രു​വി​ലി​റ​ങ്ങേ​ണ്ട​ത് അ​നി​വാ​ര്യ​മാ​യെ​ന്നും മു​തി​ർ​ന്ന വ​നി​താ ഡോ​ക്ട​ർ പ​റ​ഞ്ഞു. ജൂ​നി​യ​ർ ഡോ​ക്ട​ർ​മാ​ർ ന​ട​ത്തു​ന്ന സ​മ​രം തി​ങ്ക​ളാ​ഴ്ച​യും സ​ർ​ക്കാ​ർ ആ​ശു​പ​ത്രി​ക​ളു​ടെ പ്ര​വ​ർ​ത്ത​നം സ്തം​ഭി​പ്പി​ച്ചു. ഒ.​പി വി​ഭാ​ഗം പ്ര​വ​ർ​ത്തി​ച്ചി​ല്ല.