പശ്​ചിമബംഗാളിൽ ബി.ജെ.പിയുടെ സി.എ.എ അനുകൂല റാലി പൊലീസ്​ തടഞ്ഞു; നേതാക്കൾ കസ്​റ്റഡിയിൽ

കൊൽക്കത്ത: കൊൽക്കത്തിയിൽ ബി.ജെ.പിയുടെ സി.എ.എ അനുകൂല റാലി പൊലീസ്​ തടഞ്ഞു. സംസ്ഥാന അധ്യക്ഷൻ കൈലാസ്​ വിജയവർഗീയ, മുകുൾ റോയ്​ തുടങ്ങിയവരെ കസ്​റ്റഡിയിലെടുത്തു. ദക്ഷിണ കൊൽക്കത്തയിലെ ടോളിഗുംഗ മേഖലയിലാണ്​ റാലി നടത്തിയത്​.

അനുമതിയില്ലാതെയാണ്​ റാലി നടത്തി​െ​യന്ന്​​ കുറ്റത്തിനാണ്​ ബി.ജെ.പി നേതാക്കളെ പൊലീസ്​ കസ്​റ്റഡിയിലെടുത്തത്​. സി.എ.എക്കെതിരെ അതിശക്​തമായ സമരവുമായി മമത ബാനർജിയും തൃണമൂൽ കോൺഗ്രസും മ​ുന്നോട്ട്​ പോകുന്നതിനിടെയാണ്​ ബി.ജെ.പി നേതാക്കൾ കസ്​റ്റഡിയിലായത്​.

മതസൗഹാർദം തകർക്കുന്നതിനായാണ്​ ബി.ജെ.പിയുടെ സി.എ.എ റാലിയെന്ന്​ തൃണമൂൽ കോൺഗ്രസ്​ ആരോപിച്ചു. സർക്കാറിൻെറ അനുമതിയില്ലാതെയാണ്​ റാലി സംഘടിപ്പിച്ചതെന്നും തൃണമൂൽ കോൺഗ്രസ്​ വക്​താവ്​ പറഞ്ഞു.