കൊടകര കുഴൽപ്പണക്കേസ്​ കുറ്റപത്രത്തിന്​ നാളേക്ക്​ ഒരുവർഷം; മിണ്ടാട്ടമില്ലാതെ ഇ.ഡി

തൃ​ശൂ​ർ: ബി.​ജെ.​പി നേ​താ​ക്ക​ൾ പ്ര​തി​സ്ഥാ​ന​ത്തു​ള്ള കൊ​ട​ക​ര കു​ഴ​ല്‍പ്പ​ണ ക​വ​ര്‍ച്ച​ക്കേ​സി​ല്‍ കു​റ്റ​പ​ത്രം സ​മ​ർ​പ്പി​ച്ചി​ട്ട്​ ശ​നി​യാ​ഴ്ച​ ഒ​രു​വ​ർ​ഷം. അ​ന്ത​ർ സം​സ്ഥാ​ന കു​ഴ​ൽ​പ്പ​ണ ക​ട​ത്താ​യ​തി​നാ​ൽ അ​ന്വേ​ഷി​ക്ക​ണ​മെ​ന്ന്​ കാ​ണി​ച്ച്​ എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റി​ന് ആ​ഭ്യ​ന്ത​ര വ​കു​പ്പ് ന​ൽ​കി​യ ക​ത്ത് ഇ​പ്പോ​ഴും 'പ​രി​ശോ​ധി​ച്ചു​കൊ​ണ്ടി​രി​ക്കു​ക​യാ​ണ്​'. എ​ന്നാ​ൽ, ഇ​തു​സം​ബ​ന്ധി​ച്ച് പൊ​ലീ​സി​ൽ​നി​ന്നോ കോ​ട​തി​യി​ൽ​നി​ന്നോ ഒ​രു​രേ​ഖ​യും ഇ.​ഡി ഇ​തു​വ​രെ ശേ​ഖ​രി​ച്ചി​ട്ടി​ല്ല.

2021 ഏ​പ്രി​ൽ മൂ​ന്നി​ന് പു​ല​ർ​ച്ച​യാ​ണ് തെ​ര​ഞ്ഞെ​ടു​പ്പു​ചെ​ല​വി​ന്​ ക​ർ​ണാ​ട​ക​യി​ൽ​നി​ന്ന്​ എ​ത്തി​ച്ച മൂ​ന്ന​ര കോ​ടി രൂ​പ കൊ​ട​ക​ര​യി​ൽ വാ​ഹ​നാ​പ​ക​ട​മു​ണ്ടാ​ക്കി ത​ട്ടി​യെ​ടു​ത്ത​ത്.

ത​ട്ടി​യെ​ടു​ത്ത സം​ഘ​ത്തി​ലെ സ്ത്രീ​ക​ള​ട​ക്കം 22 പേ​രെ പൊ​ലീ​സ് അ​റ​സ്റ്റ് ചെ​യ്ത് ര​ണ്ട് കോ​ടി​യോ​ളം രൂ​പ ക​ണ്ടെ​ത്തി.

ബാ​ക്കി പ​ണ​ത്തെ​ക്കു​റി​ച്ചും പ​ണം വ​ന്ന​ത് എ​വി​ടെ​നി​ന്ന്, ആ​ർ​ക്കു​വേ​ണ്ടി എ​ന്നീ കാ​ര്യ​ങ്ങ​ളി​ലും വ്യ​ക്ത​ത​യി​ല്ല. പ​ണം ബി.​ജെ.​പി കേ​ര​ള​ത്തി​ൽ തെ​ര​ഞ്ഞെ​ടു​പ്പി​ന് ചെ​ല​വ​ഴി​ക്കാ​ൻ കൊ​ണ്ടു​വ​ന്ന​താ​ണെ​ന്നും സം​സ്ഥാ​ന നേ​താ​ക്ക​ളു​ടെ​യ​ട​ക്കം അ​റി​വോ​ടെ​യാ​ണ് എ​ത്തി​ച്ച​തെ​ന്നു​മു​ള്ള കേ​ര​ള പൊ​ലീ​സി​ന്‍റെ നി​ഗ​മ​ന​ങ്ങ​ൾ കേ​ന്ദ്ര ഏ​ജ​ൻ​സി​ക്ക് കൈ​മാ​റി​യെ​ങ്കി​ലും ഇ.​ഡി പ്രാ​ഥ​മി​കാ​ന്വേ​ഷ​ണ​ത്തി​നു​പോ​ലും ത​യാ​റാ​യി​ട്ടി​ല്ല.

ക​ഴി​ഞ്ഞ വ​ർ​ഷം ജൂ​ലൈ 23ന് ​കേ​സി​ൽ ആ​ദ്യ കു​റ്റ​പ​ത്ര​വും സെ​പ്​​റ്റം​ബ​റി​ൽ അ​ധി​ക റി​പ്പോ​ർ​ട്ടും കൈ​മാ​റി.

അ​റ​സ്റ്റി​ലാ​യ മു​ഴു​വ​ൻ പ്ര​തി​ക​ളും ഇ​പ്പോ​ൾ ജാ​മ്യ​ത്തി​ലാ​ണ്. സെ​പ്​​റ്റം​ബ​റി​ൽ പ്ര​തി​ക​ളെ വീ​ണ്ടും ചോ​ദ്യം ചെ​യ്ത​തി​ൽ കു​റ​ച്ചു​കൂ​ടി പ​ണം ക​ണ്ടെ​ടു​ത്തു, ഒ​രാ​ളെ​കൂ​ടി പ്ര​തി​ചേ​ർ​ത്തു. പി​ന്നീ​ട്​ ഒ​ന്നും ഉ​ണ്ടാ​യി​ട്ടി​ല്ല.

ബി.​ജെ.​പി സം​സ്ഥാ​ന പ്ര​സി​ഡ​ന്‍റ്​ കെ. ​സു​രേ​ന്ദ്ര​നും മ​ക​നു​മ​ട​ക്കം 19 ബി.​ജെ.​പി നേ​താ​ക്ക​ൾ പൊ​ലീ​സി​ന്‍റെ കു​റ്റ​പ​ത്ര​ത്തി​ൽ സാ​ക്ഷി​ക​ളാ​ണ്. ധ​ര്‍മ​രാ​ജ​ന്‍റെ ഫോ​ണ്‍ കാ​ളു​ക​ളു​ടെ അ​ടി​സ്ഥാ​ന​ത്തി​ലാ​ണ്​ അ​ന്വേ​ഷ​ണം സു​രേ​ന്ദ്ര​നി​ലേ​ക്ക് എ​ത്തി​യ​ത്. സു​രേ​ന്ദ്ര​നെ ചോ​ദ്യം ചെ​യ്യു​ക​യു​മു​ണ്ടാ​യി.

കേ​സു​മാ​യി ബ​ന്ധ​പ്പെ​ട്ട് രാ​ജ്യ​സ​ഭ​യി​ൽ സി.​പി.​എം എം.​പി ഡോ. ​വി. ശി​വ​ദാ​സ​ന്‍റെ ചോ​ദ്യ​ത്തി​ന് ക​ള്ള​പ്പ​ണ​ക്കേ​സു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ വെ​ളി​പ്പെ​ടു​ത്തു​ന്ന​ത് പൊ​തു​താ​ൽ​പ​ര്യ​ത്തി​ന് എ​തി​രാ​ണെ​ന്നും അ​ത് അ​ന്വേ​ഷ​ണ​ത്തെ ദോ​ഷ​ക​ര​മാ​യി ബാ​ധി​ക്കു​മെ​ന്നും ഇ.​ഡി പ്രാ​ഥ​മി​കാ​ന്വേ​ഷ​ണം തു​ട​ങ്ങി​യെ​ന്നു​മാ​ണ്​ ക​ഴി​ഞ്ഞ ദി​വ​സം കേ​ന്ദ്ര ധ​ന​സ​ഹ​മ​ന്ത്രി പ​ങ്ക​ജ് ചൗ​ധ​രി മ​റു​പ​ടി ന​ൽ​കി​യ​ത്.

എ​ന്നാ​ൽ, സ്വ​ർ​ണ​ക്ക​ട​ത്ത് കേ​സും നാ​ഷ​ന​ൽ ഹെ​റാ​ൾ​ഡ് കേ​സും 'മു​റു​ക്കി'​നി​ർ​ത്തു​ന്ന ഇ.​ഡി​ക്ക്​ കൊ​ട​ക​ര കേ​സി​ൽ താ​ൽ​പ​ര്യ​മി​ല്ലാ​ത്ത മ​ട്ടാ​ണ്.