50 കോ​ടി രൂ​പ വി​ല​യു​ള്ള സ​ർ​ക്കാ​ർ ഭൂ​മി ഒ​മ്പ​ത് കോ​ടി രൂ​പ​ക്ക് വി​റ്റു; രാജസ്ഥാനിൽ ബി.​ജെ.പിക്കുമേൽ സ്വന്തം മന്ത്രിയുടെ ‘ബോംബ്’

ന്യൂ​ഡ​ൽ​ഹി: ലോ​ക്സ​ഭാ തെ​ര​ഞ്ഞെ​ടു​പ്പ് ര​ണ്ടാം ഘ​ട്ട​ത്തി​ലേ​ക്ക് ക​ട​ക്കു​ന്ന​തി​​നി​ടെ രാ​ജ​സ്ഥാ​നി​ൽ ബി.​ജെ.​പി​ക്കു​മേ​ൽ സ്വ​ന്തം മ​ന്ത്രി​യു​ടെ ‘ അ​ഴി​മ​തി ബോം​ബ്’. കി​ഴ​ക്ക​ൻ ജി​ല്ല​ക​ളി​ലേ​ക്ക് വെ​ള്ള​മെ​ത്തി​ക്കാ​നു​ള്ള പ​ദ്ധ​തി​ക്കി​ട​യി​ൽ ആ​രു​മ​റി​യാ​തെ 50 കോ​ടി രൂ​പ വി​ല​യു​ള്ള സ​ർ​ക്കാ​ർ ഭൂ​മി സ​ർ​ക്കാ​ർ കേ​വ​ലം ഒ​മ്പ​ത് കോ​ടി രൂ​പ​ക്ക് വി​റ്റ​തി​നെ​തി​രെ രാ​ജ​സ്ഥാ​ൻ കൃ​ഷി മ​ന്ത്രി കി​രോ​ഡി​ലാ​ൽ മീ​ണ മു​ഖ്യ​മ​ന്ത്രി ഭ​ജ​ൻ ലാ​ൽ ശ​ർ​മ​ക്ക് ക​ത്തെ​ഴു​തി. നി​യ​മ​വി​രു​ദ്ധ​മാ​യ ഭൂ​മി വി​ൽ​പ​ന അ​ടി​യ​ന്ത​ര​മാ​യി റ​ദ്ദാ​ക്കി കു​റ്റ​ക്കാ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്ക​ണ​മെ​ന്ന് മീ​ണ ക​ത്തി​ൽ ആ​വ​ശ്യ​​പ്പെ​ട്ടു.

രാ​ജ​സ്ഥാ​നി​ലെ കി​ഴ​ക്ക​ൻ ജി​ല്ല​ക​ളി​ലേ​ക്ക് വെ​ള്ള​മെ​ത്തി​ക്കാ​നു​ള്ള ഈ​സ്റ്റേ​ൺ രാ​ജ​സ്ഥാ​ൻ ക​നാ​ൽ പ്രോ​ജ​ക്ടി​ന്റെ (ഇ.​ആ​ർ.​സി.​പി) മ​റ​വി​ലാ​ണ് ആ​രു​മ​റി​യാ​തെ സ​ർ​ക്കാ​ർ ഭൂ​മി തു​ച്ഛ​വി​ല​ക്ക് വി​റ്റ​തെ​ന്ന് മീ​ണ മു​ഖ്യ​മ​ന്ത്രി​ക്ക​യ​ച്ച ക​ത്തി​ൽ ബോ​ധി​പ്പി​ച്ചു. കോ​ടി​ക​ളു​ടെ ക​ളി​ക​ളാ​ണി​തി​ൽ ന​ട​ന്ന​ത്. അ​ൽ​വ​ർ പ​ട്ട​ണ​ത്തി​ൽ​നി​ന്ന് ഇ.​ആ​ർ.​സി.​പി​യി​ലേ​ക്കു​ള്ള റോ​ഡി​ൽ ഡ​ൽ​ഹി ക​മ്പ​നി​യു​മാ​യി ചേ​ർ​ന്ന് ന​ട​ത്തി​യ ഭൂ​മി വി​ൽ​പ​ന​ക്കു​പി​ന്നി​ൽ പ്ര​വ​ർ​ത്തി​ച്ച​ത് ജ​ല​വി​ഭ​വ വ​കു​പ്പ് ഉ​ദ്യോ​ഗ​സ്ഥ​രാ​ണ്. 35 കോ​ടി​യി​ലേ​റെ ന​ഷ്ട​മാ​ണ് ഈ ​ഭൂ​മി വി​ൽ​പ​ന​യി​ലൂ​ടെ ഉ​ണ്ടാ​യ​തെ​ന്നും മീ​ണ വ്യ​ക്ത​മാ​ക്കി. 19ന് 12 ​ലോ​ക്സ​ഭാ മ​ണ്ഡ​ല​ങ്ങ​ളി​ലേ​ക്ക് ഒ​ന്നാം​ഘ​ട്ട വോ​ട്ടെ​ടു​പ്പ് ക​ഴി​ഞ്ഞ രാ​ജ​സ്ഥാ​നി​ൽ അ​വ​ശേ​ഷി​ക്കു​ന്ന 13 സീ​റ്റു​ക​ളി​ലേ​ക്ക് ര​ണ്ടാം ഘ​ട്ട വോ​ട്ടെ​ടു​പ്പ് ന​ട​ക്കാ​നി​രി​ക്കേ​യാ​ണ് കൃ​ഷി മ​ന്ത്രി കി​രോ​ഡി​ലാ​ൽ മീ​ണ​യു​ടെ ഗു​രു​ത​ര​മാ​യ ആ​രോ​പ​ണം.