ഖാർഗെക്ക് പരസ്യ പിന്തുണയുമായി ഗെഹ്ലോട്ട്; പ്രതിപക്ഷമെന്ന നിലയിൽ കോൺഗ്രസിനെ കൂടുതൽ ശക്തമാക്കും

ജയ്പൂർ: കോൺഗ്രസ് പ്രസിഡന്‍റ് സ്ഥാനത്തേക്കുള്ള ഖാർഗെ-തരൂർ പോരാട്ടത്തിൽ മല്ലികാർജുൻ ഖാർഗെക്ക് പരസ്യപിന്തുണയുമായി മുതിർന്ന നേതാവും രാജസ്ഥാൻ മുഖ്യമന്ത്രിയുമായ അശോക് ഗെഹ്ലോട്ട്. പ്രതിപക്ഷമെന്ന നിലയിൽ ഖാർഗെ കോൺഗ്രസിനെ കൂടുതൽ ശക്തമാക്കുമെന്ന് ഗെഹ്ലോട്ട് അഭിപ്രായപ്പെട്ടു. ഈ കാലഘട്ടത്തിന്റെ ആവശ്യം എന്ന് പറഞ്ഞ് പ്രതിപക്ഷ നേതാക്കളോട് സംസാരിക്കാൻ കഴിവുള്ള അത്തരമൊരു വ്യക്തിയെ പാർട്ടി അധ്യക്ഷനായി തെരഞ്ഞെടുക്കണമെന്ന് ഗെഹ്ലോട്ട് ആവശ്യപ്പെട്ടു.

ഖാർഗെ സമ്പന്നമായ വ്യക്തിത്വമുള്ള പാർട്ടിയുടെ പരിചയ സമ്പന്നനായ നേതാവാണ്. ഒമ്പത് നിയമസഭ തെരഞ്ഞെടുപ്പുകളിലും രണ്ട് ലോക്‌സഭ തെരഞ്ഞെടുപ്പുകളിലും വിജയിച്ച വ്യക്തിയാണ്. രാജ്യസഭയിലെ പ്രതിപക്ഷ നേതാവായിരുന്നു. 50 വർഷത്തിലേറെ പ്രവർത്തന പരിചയമുണ്ട്.

കേന്ദ്രത്തിലോ നിയമസഭയിലോ ലോക്‌സഭയിലോ ദീർഘനാളത്തെ അനുഭവ സമ്പത്തുള്ളവൻ കോൺഗ്രസ് അധ്യക്ഷനാകണം. അതോടൊപ്പം, നേതാക്കളുമായുള്ള ബന്ധവും പ്രതിപക്ഷ നേതാക്കളുമായി സംസാരിക്കാനുള്ള കഴിവും അദ്ദേഹത്തിന് ഇന്നുണ്ട്, അത് കാലഘട്ടത്തിന്റെ ആവശ്യമാണെന്നും ഗെഹ്ലോട്ട് ചൂണ്ടിക്കാട്ടി.

എൻ.ഡി.എക്കെതിരെയാണ് എല്ലാ പ്രതിപക്ഷ നേതാക്കളും ഒരുമിച്ച് പോരാടേണ്ടത്. എല്ലാ പാർട്ടികളോടും ചേർന്ന് പോരാടാൻ കെൽപ്പുള്ള ഒരു വ്യക്തിത്വം ഉണ്ടാകണം. പ്രതിനിധികൾ ഖാർഗെയെ വൻ ഭൂരിപക്ഷത്തോടെ വിജയിപ്പിക്കുമെന്ന് പ്രതീക്ഷിക്കുന്നു. ജയിച്ച ശേഷം ഖാർഗെ നമ്മളെ നയിക്കും. പ്രതിപക്ഷമെന്ന നിലയിൽ പാർട്ടിയെ കൂടുതൽ ശക്തമാക്കും. ഇതാണ് എന്റെ ചിന്ത -വിഡിയോ ഗെഹ്ലോട്ട് വ്യക്തമാക്കി.

കോ​ൺ​ഗ്ര​സ്​ അ​ധ്യ​ക്ഷ​ സ്ഥാ​നാ​ർ​ഥി​ക​ളോ​ട്​ ഭാ​ര​വാ​ഹി​സ്ഥാ​ന​ങ്ങ​ൾ വ​ഹി​ക്കു​ന്ന പാ​ർ​ട്ടി ​നേ​താ​ക്ക​ൾ വി​വേ​ച​ന​പ​ര​മാ​യി പെ​രു​മാ​റു​ന്നു​ണ്ടെ​ന്നാണ് കഴിഞ്ഞ ദിവസം​ ശ​ശി ത​രൂ​ർ ആരോപിച്ചത്. ത​ന്‍റെ എ​തി​ർ​സ്ഥാ​നാ​ർ​ഥി മ​ല്ലി​കാ​ർ​ജു​ൻ ഖാ​ർ​ഗെ​ക്ക്​ പ​ര​സ്യ​മാ​യി പി​ന്തു​ണ പ്ര​ഖ്യാ​പി​ക്കു​ന്നു. അ​ദ്ദേ​ഹ​ത്തി​നു​വേ​ണ്ടി യോ​ഗം വി​ളി​ക്കു​ന്നു. ഇ​തൊ​ക്കെ തെ​ര​ഞ്ഞെ​ടു​പ്പി​ൽ എ​ല്ലാ സ്ഥാ​നാ​​ർ​ഥി​ക​ൾ​ക്കും തു​ല്യ​പ​രി​ഗ​ണ​ന ന​ൽ​കു​ക എ​ന്ന ന​യ​ത്തി​ന്​ വി​രു​ദ്ധ​മാ​ണെ​ന്ന്​ ത​രൂ​ർ പ​റ​ഞ്ഞിരുന്നു.

വി​വി​ധ സം​സ്ഥാ​ന​ങ്ങ​ൾ സ​ന്ദ​ർ​ശി​ച്ച​പ്പോ​ൾ ഒ​രു കൂ​ടി​ക്കാ​ഴ്ച​ക്കു​പോ​ലും പി.​സി.​സി പ്ര​സി​ഡ​ന്‍റു​മാ​ര​ട​ക്കം മു​തി​ർ​ന്ന നേ​താ​ക്ക​ൾ ത​യാ​റാ​യി​ല്ല. എ​ന്നാ​ൽ, ഖാ​ർ​ഗെ ചെ​ന്ന​പ്പോ​ൾ ഊ​ഷ്മ​ള​മാ​യി സ്വീ​ക​രി​ച്ചു. വോ​ട്ട​ർ​പ​ട്ടി​ക വെ​ച്ച്​ എ​ല്ലാ വോ​ട്ട​ർ​മാ​രെ​യും ബ​ന്ധ​പ്പെ​ടാ​ൻ​ത​ന്നെ ക​ഴി​യു​ന്നി​ല്ല. നി​ര​വ​ധി പേ​രു​ടെ മേ​ൽ​വി​ലാ​സ​മോ ഫോ​ൺ ന​മ്പ​റോ വോ​ട്ട​ർ​പ​ട്ടി​ക​യി​ൽ ഇ​ല്ല. അ​പൂ​ർ​ണ​മാ​യ പ​ട്ടി​ക​ക്ക്​ ആ​രെ​യും കു​റ്റ​പ്പെ​ടു​ത്താ​നി​ല്ലെന്നും ഡ​ൽ​ഹി പി.​സി.​സി​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ശ​ശി ത​രൂ​ർ ചൂണ്ടിക്കാട്ടിയിരുന്നു.