Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightവികാരനിർഭരം ഈ...

വികാരനിർഭരം ഈ കൂടിക്കാഴ്ച; ഏഴ് മാസത്തിന് ശേഷം ഡോ. കഫീൽ ഖാൻ ഉമ്മയെ കണ്ടു

text_fields
bookmark_border
വികാരനിർഭരം ഈ കൂടിക്കാഴ്ച; ഏഴ് മാസത്തിന് ശേഷം ഡോ. കഫീൽ ഖാൻ ഉമ്മയെ കണ്ടു
cancel

ജയ്പൂർ: ഏഴ് മാസത്തെ അന്യായ തടങ്കലിനൊടുവിൽ മോചിതനായ ഡോ. കഫീൽ ഖാൻ ഉമ്മയെയും കുടുംബാംഗങ്ങളെയും സന്ദർശിച്ചു. വികാരനിർഭരമായ അന്തരീക്ഷത്തിലായിരുന്നു ബുധനാഴ്ച വൈകീട്ട് ജയ്പൂരിൽ വെച്ച് കൂടിക്കാഴ്ച. കുടുംബാംഗങ്ങളെയും കുഞ്ഞുങ്ങളെയും കണ്ട് സ്നേഹപ്രകടനത്തിന് ശേഷം ഉമ്മ കാണാനായെത്തിയപ്പോൾ കഫീൽ ഖാന് പിടിച്ചുനിൽക്കാനായില്ല. മാതാവിന്‍റെ കരങ്ങളിൽ ഒതുങ്ങി ഒരു കുഞ്ഞിനെ പോലെ അദ്ദേഹം തേങ്ങിക്കരഞ്ഞപ്പോൾ കണ്ടുനിന്നവരുടെ മിഴികളും ഈറനണിഞ്ഞു.

പൗ​ര​ത്വ സ​മ​ര​ത്തി​ല്‍ പ​ങ്കെ​ടു​ത്ത​തി​ന്‍റെ പേരിലാണ് അ​ന്യാ​യ കുറ്റം ചുമത്തി ഡോ. കഫീൽ ഖാനെ ജയിലിൽ അടച്ചത്. ദേശസുരക്ഷാ നിയമം കൂടി ചുമത്തിയതോടെ ജാമ്യം പോലും നിഷേധിക്കപ്പെട്ട് തടങ്കലിലായിരുന്നു അദ്ദേഹം.

കഫീൽ ഖാന്‍റെ മാതാവ് നുസ്ഹത്ത് പർവീനാണ് ഹേബിയസ് കോർപസ് ഹരജിയുമായി അലഹബാദ് ഹൈകോടതിയെ സമീപിച്ചത്. തുടർന്ന് കഫീൽ ഖാനെ ഉടൻ മോചിപ്പിക്കണമെന്ന് ചൊവ്വാഴ്ച രാവിലെ ഹൈകോടതി ഉത്തരവിടുകയായിരുന്നു. ഡോ. ​ക​ഫീ​ല്‍ ഖാ​നു​മേ​ല്‍ നി​യ​മ​വി​രു​ദ്ധ​മാ​യി ചു​മ​ത്തി​യ ദേ​ശ​സുരക്ഷാ നിയമം റദ്ദാക്കിക്കൊണ്ടായിരുന്നു വിധി. കഫീൽ ഖാനെതിരെ ചുമത്തിയ കുറ്റങ്ങൾ നിലനിൽക്കാത്തതും കേസുകൾ അനാവശ്യമാണെന്നും ചീഫ് ജസ്റ്റിസ് ഗോവിന്ദ് മാഥൂർ അധ്യക്ഷനായ ബെഞ്ച് വ്യക്തമാക്കുകയായിരുന്നു. ത​നി​ക്കെ​തി​രെ ഉ​ന്ന​യി​ച്ച കു​റ്റാ​രോ​പ​ണ​ങ്ങ​ളി​ല്‍ സ്വ​ന്തംഭാ​ഗം പറയാൻ ഒരവസരം പോലും കഫീൽ ഖാന് നൽകിയില്ലെന്ന് കോടതി കുറ്റപ്പെടുത്തുകയും ചെയ്തു.

പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ 2019 ഡി​സം​ബ​ര്‍ 13ന് അ​ലീ​ഗ​ഢ് മു​സ്​​ലിം സ​ര്‍വ​ക​ലാ​ശാ​ല​യി​ല്‍ ക​ഫീ​ല്‍ ഖാ​ന്‍ ന​ട​ത്തിയ പ്രസംഗം വി​ദ്വേ​ഷ​വും അ​ക്ര​മ​വും വ​ള​ര്‍ത്തു​ന്ന​താണെന്ന് ആരോപിച്ചായിരുന്നു ഇദ്ദേഹത്തെ യു.പി സർക്കാർ ജയിലിലടച്ചത്. എന്നാൽ, ക​ഫീ​ല്‍ ഖാ​ന്‍റെ പ്രസംഗം വി​ദ്വേ​ഷ​വും അ​ക്ര​മ​വും വ​ള​ര്‍ത്തു​ന്നതല്ലെന്നും ഐക്യത്തിന് ആഹ്വാനം ചെയ്യുന്നതാണെന്നും കോടതി അഭിപ്രായപ്പെട്ടിരുന്നു.


Show Full Article
TAGS:dr. khafeel khan 
Next Story