ലോക കോഫി സമ്മേളനത്തിൽ കേരളത്തി​ന്റെ രുചിവൈവിധ്യം

ബം​ഗ​ളൂ​രു: പാ​ല​സ് ഗ്രൗ​ണ്ട്സി​ൽ ന​ട​ക്കു​ന്ന ലോ​ക കോ​ഫി സ​മ്മേ​ള​ന​ത്തി​ൽ കാ​പ്പി രു​ചി​വൈ​വി​ധ്യ​വു​മാ​യി കേ​ര​ള​വും. കേ​ര​ള പ​വി​ലി​യ​ൻ കേ​ന്ദ്ര വാ​ണി​ജ്യ-​വ്യ​വ​സാ​യ മ​ന്ത്രി പി​യൂ​ഷ് ഗോ​യ​ൽ ഉ​ദ്ഘാ​ട​നം ചെ​യ്തു. കേ​ര​ള​ത്തി​ന്റെ പ​ര​മ്പ​രാ​ഗ​ത വാ​സ്​​തു​ശി​ൽ​പ ചാ​തു​രി​യി​ലാ​ണ് പ​വി​ലി​യ​ൻ ഒ​രു​ക്കി​യി​രി​ക്കു​ന്ന​ത്. കാ​പ്പി മേ​ഖ​ല​യു​മാ​യി ബ​ന്ധ​പ്പെ​ട്ട 14 സം​രം​ഭ​ക, വ്യ​ക്തി​ഗ​ത യൂ​നി​റ്റു​ക​ളും കേ​ര​ള​ത്തെ പ്ര​തി​നി​ധാ​നം ചെ​യ്ത് പ​​ങ്കെ​ടു​ക്കു​ന്നു​ണ്ട്.

കാ​പ്പി ഉ​ൽ​പാ​ദ​ന​ത്തി​ൽ രാ​ജ്യ​ത്ത് ര​ണ്ടാം സ്​​ഥാ​ന​മാ​ണ് കേ​ര​ള​ത്തി​നു​ള്ള​ത്. 72,000 ട​ണ്ണാ​ണ് കേ​ര​ള​ത്തി​ന്റെ ഉ​ൽ​പാ​ദ​നം. രാ​ജ്യ​ത്തെ മൊ​ത്തം ഉ​ൽ​പാ​ദ​ന​ത്തി​ന്റെ 20 ശ​ത​മാ​നം വ​രു​മി​ത്. വ​യ​നാ​ട്, ഇ​ടു​ക്കി, പാ​ല​ക്കാ​ട് ജി​ല്ല​ക​ളി​ലാ​ണ് സം​സ്​​ഥാ​ന​ത്ത് പ്ര​ധാ​ന​മാ​യും കാ​പ്പി ഉ​ൽ​പാ​ദ​നം ന​ട​ക്കു​ന്ന​ത്. രാ​ജ്യാ​ന്ത​ര വി​പ​ണി​യി​ലും ആ​ഭ്യ​ന്ത​ര വി​പ​ണി​യി​ലും ആ​വ​ശ്യ​ക്കാ​രേ​റെ​യു​ള്ള, ഭൗ​മ​സൂ​ചി​ക പ​ട്ടി​ക​യി​ൽ ഇ​ടം പി​ടി​ച്ച വ​യ​നാ​ട​ൻ റോ​ബ​സ്റ്റ കോ​ഫി​യാ​ണ് പ​വി​ലി​യ​നി​ലെ മു​ഖ്യ ആ​ക​ർ​ഷ​ണം. ഇ​ടു​ക്കി​യി​ലെ കീ​ഴാ​ന്തൂ​ര്‍ കാ​പ്പി പ​രി​ച​യ​പ്പെ​ടു​ത്തു​ന്ന സ്റ്റാ​ളു​മു​ണ്ട്. കീ​ഴാ​ന്തൂ​രി​ലെ ഗോ​ത്ര ക​ര്‍ഷ​ക വ​നി​ത​ക​ള്‍ ഉ​ൽ​പാ​ദി​പ്പി​ക്കു​ന്ന അ​റ​ബി​ക്ക കാ​പ്പി​യു​മാ​യാ​ണ് കീ​ഴാ​ന്തൂ​രി​ലെ മ​ഹാ​ല​ക്ഷ്മി​യും സം​ഘ​വും സ​മ്മേ​ള​ന​ത്തി​ലെ​ത്തി​യ​ത്.

ഉ​യ​ർ​ന്ന പ്ര​ദേ​ശ​ങ്ങ​ളി​ൽ വ​ള​രു​ന്ന അ​റ​ബി​ക്ക കാ​പ്പി​യാ​ണ് ഇ​വ​ര്‍ കൃ​ഷി ചെ​യ്യു​ന്ന​ത്. കീ​ഴാ​ന്തൂ​ര്‍ ഗ്രാ​മം 5,000 അ​ടി ഉ​യ​ര​ത്തി​ലാ​യ​തി​നാ​ല്‍ ന​ല്ല വി​ള​വ് ല​ഭി​ക്കു​ന്നു​ണ്ട്. പൂ​ര്‍ണ​മാ​യും ജൈ​വ​കൃ​ഷി രീ​തി​യാ​യ​തി​നാ​ൽ ഇ​വി​ട​ത്തെ കാ​പ്പി​ക്കു​രു​വി​ന് ആ​വ​ശ്യ​ക്കാ​രേ​റെ​യാ​ണ്. മ​ണ​ര്‍ക്കാ​ട് സോ​ഷ്യ​ല്‍ സ​ര്‍വി​സ് സൊ​സൈ​റ്റി​യാ​ണ് കാ​പ്പി​ക്കു​രു സം​ഭ​രി​ക്കു​ന്ന​ത്. കീ​ഴാ​ന്തൂ​ര്‍ സ​ബ് ഗ്രൂ​പ്പാ​ണ് സം​ഭ​രി​ച്ച് ഇ​വ​ര്‍ക്ക് കൈ​മാ​റു​ന്ന​ത്. കോ​ട്ട​യ​ത്ത് പ്ര​വ​ര്‍ത്തി​ക്കു​ന്ന ക​യ​റ്റു​മ​തി ക​മ്പ​നി വ​ഴി കീ​ഴാ​ന്തൂ​ര്‍ കാ​പ്പി ക​ട​ല്‍ ക​ട​ക്കു​ന്നു​ണ്ട്.

ത​മി​ഴ്‌​നാ​ട്, ആ​ന്ധ്ര​പ്ര​ദേ​ശ്, ഒ​ഡി​ഷ തു​ട​ങ്ങി​യ സം​സ്ഥാ​ന​ങ്ങ​ളു​ടെ പ​വി​ലി​യ​നു​ക​ളും സ​മ്മേ​ള​ന​ത്തി​ലു​ണ്ട്. കൂ​ര്‍ഗി​ലെ സ്വ​സ്ത സെ​ന്റ​ര്‍ ഫോ​ര്‍ സ്‌​പെ​ഷ​ല്‍ എ​ജു​ക്കേ​ഷ​ന്‍ ആ​ന്‍ഡ് റി​ഹാ​ബി​ലി​റ്റേ​ഷ​നി​ലെ അ​ന്തേ​വാ​സി​ക​ൾ നി​ര്‍മി​ച്ച ഉ​ൽ​പ​ന്ന​ങ്ങ​ളും ശ്ര​ദ്ധേ​യ​മാ​ണ്.

ച​ണം കൊ​ണ്ടു​ള്ള സ​ഞ്ചി​ക​ള്‍, മേ​ശ​വി​രി, മ​റ്റ് അ​ല​ങ്കാ​ര വ​സ്തു​ക്ക​ള്‍ തു​ട​ങ്ങി​യ​വ​യാ​ണു​ള്ള​ത്. കാ​പ്പി വ്യ​വ​സാ​യ​വു​മാ​യി ബ​ന്ധ​പ്പെ​ട്ട ഉ​പ​ക​ര​ണ​ങ്ങ​ളു​ടെ പ്ര​ദ​ര്‍ശ​ന​വും വി​വി​ധ സ്റ്റാ​ളു​ക​ളി​ലു​ണ്ട്. കോ​ഫി മേ​ഖ​ല​യി​ലെ സം​രം​ഭ​ങ്ങ​ൾ, ഉ​പ​ക​ര​ണ​ങ്ങ​ൾ, നൂ​ത​ന ഉ​ൽ​പാ​ദ​ന വി​പ​ണ​ന രീ​തി​ക​ൾ തു​ട​ങ്ങി​യ​വ മ​ന​സ്സി​ലാ​ക്കാ​ൻ അ​വ​സ​ര​മു​ണ്ട്.

കൂ​ടാ​തെ വ്യ​ത്യ​സ്ത കാ​പ്പി​ക​ള്‍ രു​ചി​ച്ചു​നോ​ക്കാ​നും സൗ​ക​ര്യ​മു​ണ്ട്. പാ​ല​സ് ഗ്രൗ​ണ്ടി​ലൊ​രു​ക്കി​യ കൃ​ത്രി​മ കാ​പ്പി​ത്തോ​ട്ടം കാ​പ്പി​യു​ടെ ഉ​ൽ​പാ​ദ​ന​ന​ത്തി​ന്റെ വി​വി​ധ ഘ​ട്ട​ങ്ങ​ൾ വി​ശ​ദീ​ക​രി​ക്കു​ന്ന​താ​ണ്.

വി​ത്തി​ല്‍നി​ന്ന് പാ​നീ​യ​മാ​യി കാ​പ്പി എ​ത്തു​ന്ന​തു​വ​​രെ​യു​ള്ള ഓ​രോ ഘ​ട്ട​വും വ്യ​ക്ത​മാ​ക്കു​ന്ന​താ​ണ് കോ​ഫി ബോ​ര്‍ഡ് ത​യാ​റാ​ക്കി​യ തോ​ട്ടം. 80ല​ധി​കം രാ​ജ്യ​ങ്ങ​ളി​ൽ നി​ന്നു​ള്ള 2400ഓ​ളം നേ​താ​ക്ക​ളും പ്ര​തി​നി​ധി​ക​ളും പ​​ങ്കെ​ടു​ക്കു​ന്ന സ​മ്മേ​ള​നം വ്യാ​ഴാ​ഴ്ച അ​വ​സാ​നി​ക്കും.