കേരള സർവകലാശാല നിയമന അട്ടിമറി; 14 കൊല്ലത്തെ നിയമ യുദ്ധത്തിനൊടുവിൽ ബിന്ദുവിന് ജയം

ന്യൂഡൽഹി: കേരള സർവകലാശാല നടത്തിയ ​െലക്​ചറർ നിയമനത്തിലെ അട്ടിമറിക്കെതിരെ നിയമയുദ്ധം നടത്തിയ ടി.വി. ബിന്ദുവിന്​ 14 വർഷം നീണ്ട നിയമയുദ്ധത്തിനൊടുവിൽ വിജയം. 2007ൽ കേരള സർവകലാശാലയിൽ എജു​ക്കേഷൻ ഡിപ്പാർടുമെൻറിൽ ​െലക്​ചറർ പദവിയിലേക്ക്​ നടന്ന അഭിമുഖത്തിൽ പ​െങ്കടുത്ത ഏറ്റവും കൂടുതൽ യോഗ്യതയുള്ള തിരുവനന്തപുരത്തുകാരിയായ ബിന്ദുവിനെ നാലാഴ​്​ചക്കകം നിയമിക്കാൻ ജസ്​റ്റിസ്​ കെ.എം. ജോസഫ്​ അധ്യക്ഷനായ ബെഞ്ച്​ ഉത്തരവിട്ടു.

ജൂലൈ 29ന്​ തുടങ്ങിയ വാദം ചൊവ്വാഴ്​ച പൂർത്തിയാക്കിയാണ്​ 52 വയസ്സായ ബിന്ദുവിന്​ അനുകൂല ഉത്തരവ്​. ബിന്ദുവിന്​ ഒന്നാം റാങ്കിന്​ അർഹതയുണ്ടെന്നും അവർക്ക്​ കി​േട്ടണ്ട മാർക്ക്​ കിട്ടിയില്ലെന്നും അതിനാൽ അവരെ ​െലക്​ചററായി നിയമിക്കണമെന്നും ബെഞ്ച്​ ഉത്തരവിട്ടു. സുപ്രീംകോടതി ബാർ അസോസിയേഷൻ മുൻ ട്രഷറർ അഡ്വ. വി.കെ. ബിജുവാണ്​ ബിന്ദുവിനു​ വേണ്ടി ഹാജരായത്​. 2007ൽ അപേക്ഷ ക്ഷണിച്ച നാലു​ ഒഴിവുകളിൽ രണ്ടു​ ഒാപൺ ​േക്വാട്ടയും ഒന്നു​ പട്ടിക ജാതിക്കാരനും മറ്റൊന്ന്​ ഒ.ബി.സിക്കും സംവരണവ​ുമായിരുന്നുവെന്ന്​ ബിജു വാദിച്ചു.

ബിന്ദുവിന്​ പി.എച്ച്​.ഡി യോഗ്യതക്ക്​ പുറമെ പി.എച്ച്​.ഡി ഗൈഡായ യോഗ്യതയുമുണ്ടായിരുന്നു. എന്നാൽ പബ്ലിക്കേഷൻസിനുള്ള പത്തു​ മാർക്കിൽ ആറു​ മാർക്ക്​ മനഃപൂർവം തന്നില്ല. ഏറ്റവും യോഗ്യതയുള്ള ബിന്ദുവിന്​ അഭിമുഖത്തിൽ 14 മാർക്ക്​ നൽകിയപ്പോൾ ഇൗ യോഗ്യതയൊന്നുമില്ലാത്ത സിൻഡി​​േക്കറ്റ്​ അംഗത്തി​െൻറ ഭാര്യക്ക്​ 22 മാർക്ക് കൊടുത്തു. സിൻഡിക്കേറ്റ്​ അംഗത്തി​െൻറ ഭാര്യയെ അധ്യാപികയാക്കാൻ ബിന്ദുവി​െൻറ നിയമനം അട്ടിമറിക്കുകയായിരുന്നുവെന്നും ബിജ​ു ബോധിപ്പിച്ചു.സർവകലാശാലയുടെ നിയമന അട്ടിമറിക്കെതിരെ കേരള ഹൈകോടതിയെ സമീപിച്ചപ്പോൾ സിംഗ്​ൾ ബെഞ്ച്​ സർവകലാശാലയുടെ നിലപാട്​ സംശയാസ്​പദമാണെന്നും ബിന്ദുവി​െൻറ നിയമന കാര്യത്തിൽ പുനഃപരിശോധന വേണമെന്നും നിർദേശിച്ചു.

എന്നാൽ സർവകലാശാലയും നിയമനം കിട്ടിയവരും ഇതിനെതിരെ അപ്പീലിന്​ പോയി. അപ്പീലിൽ ഡിവിഷൻ ബെഞ്ച്​ സർവകലാ​ശാലക്ക്​ അനുകൂലമായ വിധി പുറപ്പെടുവിച്ചപ്പോഴാണ്​ ബിന്ദു സുപ്രീംകോടതിയിലെത്തിയത്​.