You are here

200 രൂപയുടെ കടംവീട്ടാൻ കടൽ കടന്നൊരു എം.പി; വിശ്വസിക്കാനാകാതെ കാശിനാഥ്​

10:57 AM
11/07/2019
Kashinath Gawli, Richard Tongi
1. കാശിനാഥ്, 2. റിച്ചാർഡ്

മുംബൈ: കടം വാങ്ങിയവർ മുഖംതിരിച്ചു കടന്നുപോകുന്ന കാലത്ത്​ മൂന്ന്​ പതിറ്റാണ്ട്​ മുമ്പ്​ ബാക്കിവെച്ച 200 രൂപയുടെ കടംവീട്ടാൻ ഒരാൾ വരിക. അതും കടൽകടന്ന്​. ഒൗറംഗാബാദിലെ കാശിനാഥ്​ ഗാവ്​ലിക്ക്​ അതങ്ങ്​ വിശ്വസിക്കാൻ കഴിയുന്നില്ല. കടം വീട്ടാൻ വന്നതാക്കട്ടെ ചില്ലറക്കാരനുമല്ല കെനിയയിലെ പാർലമെന്‍റ് അംഗം റിച്ചാർഡ്​ തോൻഗി. 

തിങ്കളാഴ്​ചയാണ്​ കടം തിരിച്ചടക്കാൻ റിച്ചാർഡ്​ ഭാര്യയോടൊപ്പം കാശിനാഥി‍ന്‍റെ വീട്ടിൽ എത്തിയത്​. 1985ൽ ഒൗറംഗാബാദിലെ ഒരു കോളജിൽ മാനേജ്​മെന്‍റ് വിദ്യാർഥിയായിരുന്നു റിച്ചാർഡ്​. അന്ന്​ ഒൗറംഗാബാദിലെ വാംഖഡെ നഗറിലായിരുന്നു റിച്ചാർഡി‍ന്‍റെ താമസം. അവിടെ പലചരക്ക്​ കച്ചവടമായിരുന്നു കാശിനാഥിന്​. 

ആ ദാരിദ്ര കാലത്ത്​​ ഇവരാണ്​ എന്നെ സഹായിച്ചത്​. ഒരിക്കൽ ഇവിടെവന്ന്​ കടംവീട്ടുകയും നന്ദി പറയുകയും ചെയ്യണമെന്ന്​ ഏറെക്കാലമായുള്ള ചിന്തയാണ്​. ഇൗ മുഹൂർത്തം എന്നെ​ വികാരാധീനനാക്കുന്നു -റിച്ചാർഡ്​ പറഞ്ഞു. 

ഇന്ന്​ കാശിനാഥ്​ എഴുപതുകളിലാണ്​. ഉച്ചഭക്ഷണത്തിന്​ ഹോട്ടലിലേക്ക്​ പോകാൻ അവർ ശ്രമിച്ചെങ്കിലും ത​ന്‍റെ നിർബന്ധത്തിന്​ വഴങ്ങി അവരോടൊപ്പം വീട്ടിലെ ഭക്ഷണം കഴിച്ചുവെന്ന്​ റിച്ചാർഡ്​ പറഞ്ഞു. കാശിനാഥനെ ത​ന്‍റെ നാട്ടിലേക്ക്​ ക്ഷണിച്ചാണ്​ റിച്ചാർഡ്​ മടങ്ങിയത്​.

Loading...
COMMENTS