കേന്ദ്ര സാഹിത്യ അക്കാദമി തെരഞ്ഞെടുപ്പിൽ സംഘ്പരിവാർ അട്ടിമറി; സി. രാധാകൃഷ്ണന്​ തോൽവി

ന്യൂ​ഡ​ൽ​ഹി: കേ​ന്ദ്ര സാ​ഹി​ത്യ അ​ക്കാ​ദ​മി ജ​ന​റ​ൽ കൗ​ൺ​സി​ൽ തെ​ര​ഞ്ഞെ​ടു​പ്പി​ൽ സം​ഘ്​​പ​രി​വാ​ർ പാ​ന​ലി​ന്​ സു​പ്ര​ധാ​ന പ​ദ​വി​ക​ളി​ലൊ​ന്ന്​ ല​ഭി​ച്ചു. വൈ​സ്​ പ്ര​സി​ഡ​ന്‍റ്​ സ്ഥാ​ന​ത്തേ​ക്ക്​ ഔ​ദ്യോ​ഗി​ക പാ​ന​ലി​ൽ മ​ത്സ​രി​ച്ച അ​ക്കാ​ദ​മി​യു​ടെ വി​ശി​ഷ്ടാം​ഗ​വും മു​തി​ര്‍ന്ന എ​ഴു​ത്തു​കാ​ര​നു​മാ​യ സി. ​രാ​ധാ​കൃ​ഷ്​​ണ​ൻ ഒ​രു വോ​ട്ടി​ന്​ തോ​റ്റു. സം​ഘ്​​പ​രി​വാ​ർ പാ​ന​ലി​ൽ മ​ത്സ​രി​ച്ച ഡ​ൽ​ഹി സ​ർ​വ​ക​ലാ​ശാ​ല അ​ധ്യാ​പി​ക​യും ഹി​ന്ദി എ​ഴു​ത്തു​കാ​രി​യു​മാ​യ പ്ര​ഫ. കു​മു​ദ് ശ​ർ​മ​യാ​ണ് ഒ​രു വോ​ട്ടി​ന്​ വി​ജ​യി​ച്ച​ത്. കു​മു​ദ്​ ശ​ർ​മ​ക്ക്​ 50ഉം ​സി. രാ​ധാ​കൃ​ഷ്ണ​ന്​ 49ഉം ​വോ​ട്ടു​ക​ൾ​ ല​ഭി​ച്ചു.

പ്ര​സി​ഡ​ന്‍റ്​ സ്ഥാ​ന​ത്തേ​ക്ക്​ ഔ​ദ്യോ​ഗി​ക പ​ക്ഷ​ത്തി​ന്‍റ പാ​ന​ലി​ൽ മ​ത്സ​രി​ച്ച മാ​ധ​വ് കൗ​ശി​ക് വി​ജ​യി​ച്ചു. സം​ഘ്​​പ​രി​വാ​ർ പാ​ന​ലി​ന്​ വേ​ണ്ടി ക​ര്‍ണാ​ട​ക സം​സ്കൃ​ത സ​ര്‍വ​ക​ലാ​ശാ​ല മു​ന്‍ വൈ​സ് ചാ​ൻ​സ​ല​ർ മെ​ല്ലെ​പു​രം ജി. ​വെ​ങ്കി​ടേ​ശ​യാ​ണ് മ​ത്സ​രി​ച്ച​ത്. മാ​ധ​വ്​ കൗ​ശി​കി​ന്​ 60ഉം ​ജി. വെ​ങ്കി​ടേ​ശ​ക്ക്​ 35ഉം ​വോ​ട്ടു​ക​ളാ​ണ്​ ല​ഭി​ച്ച​ത്.

വൈ​സ് പ്ര​സി​ഡ​ന്‍റാ​കു​ന്ന​യാ​ള്‍ പി​ന്നീ​ട് പ്ര​സി​ഡ​ന്റാ​വു​ന്ന​തും പ്ര​സി​ഡ​ന്‍റ്, വൈ​സ് പ്ര​സി​ഡ​ന്‍റ്​ സ്ഥാ​ന​ങ്ങ​ളി​ല്‍ ഒ​രാ​ള്‍ ദ​ക്ഷി​ണേ​ന്ത്യ​യി​ല്‍നി​ന്നും മ​റ്റെ​യാ​ള്‍ ഉ​ത്ത​രേ​ന്ത്യ​യി​ല്‍നി​ന്നു​മു​ള്ള​തു​മാ​ണ്​ കീ​ഴ്വ​ഴ​ക്കം. ഇ​തു​പ്ര​കാ​രം നി​ല​വി​ലെ അ​ധ്യ​ക്ഷ​ന്‍ ച​ന്ദ്ര​ശേ​ഖ​ര ക​മ്പാ​ര്‍ സ്ഥാ​നം ഒ​ഴി​യു​ന്ന​തി​ലേ​ക്ക് വൈ​സ് പ്ര​സി​ഡ​ന്‍റാ​യി​രു​ന്ന മാ​ധ​വ് കൗ​ശി​കി​നെ പ്ര​സി​ഡ​ന്‍റാ​യും വൈ​സ്​ ​പ്ര​സി​ഡ​ന്‍റ്​ സ്ഥാ​ന​ത്തേ​ക്ക്​ സി. ​രാ​ധാ​കൃ​ഷ്ണ​നെ​യും തെ​ര​ഞ്ഞെ​ടു​ക്കാ​ൻ ധാ​ര​ണ​യി​ലെ​ത്തി​യി​രു​ന്നു. എ​ന്നാ​ൽ, അ​വ​സാ​ന നി​മി​ഷം കേ​ന്ദ്ര​സ​ർ​ക്കാ​ർ പി​ന്തു​ണ​യോ​ടെ സം​ഘ്​​പ​രി​വാ​ർ പാ​ന​ൽ അ​പ്ര​തീ​ക്ഷി​ത​മാ​യി മ​ത്സ​ര രം​ഗ​ത്തേ​ക്ക്​ എ​ത്തു​ക​യാ​യി​രു​ന്നു.

ജ​ന​റ​ല്‍ കൗ​ണ്‍സി​ലി​ല്‍ ആ​കെ 92 അം​ഗ​ങ്ങ​ളാ​ണു​ള്ള​ത്. ഇ​തി​ല്‍ പ​ത്തു​പേ​രെ കേ​ന്ദ്ര​സ​ര്‍ക്കാ​ര്‍ നാ​മ​നി​ര്‍ദേ​ശം ചെ​യ്യും. ബാ​ക്കി 82 പേ​രാ​ണ് സം​സ്ഥാ​ന​ങ്ങ​ളി​ല്‍നി​ന്നു​ള്ള​ത്. കേ​ര​ള​ത്തി​ല്‍നി​ന്ന് കെ.​പി. രാ​മ​നു​ണ്ണി, വി​ജ​യ​ല​ക്ഷ്മി, മ​ഹാ​ദേ​വ​ന്‍ ത​മ്പി എ​ന്നി​വ​രാ​ണു​ള്ള​ത്. കെ.​പി. രാ​മ​നു​ണ്ണി​യെ മ​ല​യാ​ള​ഭാ​ഷ ക​ൺ​വീ​ന​റാ​യി തെ​ര​ഞ്ഞെ​ടു​ത്തി​ട്ടു​ണ്ട്.

കേ​ന്ദ്ര​സ​ര്‍ക്കാ​റി​നു​കീ​ഴി​ല്‍ പ്ര​വ​ര്‍ത്തി​ക്കു​ന്ന സ്വ​ത​ന്ത്ര​സ്ഥാ​പ​ന​മാ​യ സാ​ഹി​ത്യ അ​ക്കാ​ദ​മി പി​ടി​ച്ചെ​ടു​ക്കാ​ൻ 2014ല്‍ ​ബി.​ജെ.​പി അ​ധി​കാ​ര​മേ​റ്റ​തു​മു​ത​ല്‍ ശ്ര​മം​ന​ട​ക്കു​ന്നു​ണ്ട്. ല​ളി​ത​ക​ലാ അ​ക്കാ​ദ​മി​യി​ലും സം​ഗീ​ത-​നാ​ട​ക അ​ക്കാ​ദ​മി​യി​ലും കേ​ന്ദ്രം നി​യോ​ഗി​ച്ച അ​ഡ്ഹോ​ക് സ​മി​തി​യാ​ണ് നി​ല​വി​ല്‍ ഭ​ര​ണം ന​ട​ത്തു​ന്ന​ത്.

സാ​ഹി​ത്യ അ​ക്കാ​ദ​മി​യു​ടെ​യും സ്വ​യം​ഭ​ര​ണാ​വ​കാ​ശം ഇ​ല്ലാ​താ​ക്കാ​നു​ള്ള നീ​ക്കം ന​ട​ക്കു​ന്ന​താ​യി ആ​രോ​പ​ണം ഉ​യ​രു​ന്ന​തി​നി​ടെ​യാ​ണ്​ തെ​ര​ഞ്ഞെ​ടു​പ്പി​ൽ സം​ഘ്​​പ​രി​വാ​ർ പാ​ന​ലി​ന്​ സു​പ്ര​ധാ​ന പ​ദ​വി​ക​ളി​ലൊ​ന്ന്​ ല​ഭി​ക്കു​ന്ന​ത്.