Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവാളെടുത്തവർ...

വാളെടുത്തവർ കെജ്​രിവാളാൽ...

text_fields
bookmark_border
വാളെടുത്തവർ കെജ്​രിവാളാൽ...
cancel

എന്തൊക്കെയായിരുന്നു? ഇന്ത്യ-പാകിസ്​താൻ യുദ്ധമെന്ന്​ വിശേഷിപ്പിക്കൽ, ഭീകരനെന്ന്​ മുദ്രകുത്തൽ, തീവ്രവാദികൾ ക്ക്​ ബിരിയാണി വിളമ്പുന്നെന്ന വെളിപ്പെടുത്തൽ... ഒടുവിൽ ഡൽഹിയിൽ കെജ്​രിവാളിനെതിരെ വാളെടുത്തപ്പോൾ പവനായിയുടെ ഗതിയായി ബി.ജെ.പിക്ക്​.

വിദ്വേഷ രാഷ്​ട്രീയത്തിനല്ല, വികസന രാഷ്​ട്രീയത്തിനാണ്​ ജനഹൃദയങ്ങളിൽ സ്​ഥാനമുണ്ടാകു കയെന്ന വ്യക്​തമായ സന്ദേശം നൽകിയിരിക്കുകയാണ്​ ഡൽഹിയിലെ വോട്ടർമാർ. ചൂലെടുത്ത്​ അടിച്ചുവാരി വിഭാഗീയതയെയും വർ ഗീയതയെയും ഇന്ത്യയിൽ നിന്നുതന്നെ തുടച്ചുനീക്കണമെന്ന പ്രഖ്യാപനം കൂടിയായി അത്​. നെഗറ്റീവ്​ കാമ്പയിൻ തിരിച്ചടി യാകുമെന്ന്​ ബി.ജെ.പിക്ക്​ അറിയാഞ്ഞിട്ടല്ല. രാഹുൽ ഗാന്ധി തുടരെ തുടരെ ‘ചൗക്കിദാർ ചോർ ഹേ’ എന്ന്​ കളിയാക്കിയപ്പേ ാൾ നരേന്ദ്ര മോദിയുടെ ജനസമ്മതി കൂടിയത്​ അവർ കണ്ടതാണ്​.

എന്നിട്ടും ഡൽഹിയിൽ കെജ്​രിവാളിനെതിരെ വിദ്വേഷ പ്രസ ംഗം അഴിച്ചുവിടേണ്ടി വന്നു ബി.ജെ.പിക്ക്​. കാരണം, അതല്ലാതെ മറ്റൊരു അസ്​ത്രവും അവരുടെ ആവനാഴിയിൽ അവശേഷിച്ചിരുന്ന ില്ല. തിരികെ അധിക്ഷേപിക്കാൻ തുനിഞ്ഞില്ല എന്നിടത്താണ്​ കെജ്​രിവാളെന്ന രാഷ്​ട്രീയ തന്ത്രശാലിയുടെ വിജയം​. വികസ ന നേട്ടങ്ങൾ ജനങ്ങളിലെത്തിച്ച്​ ‘ഇനിയും ഞാൻ കൂടെയുണ്ട്​’ എന്ന ഉറപ്പ്​ നൽകുന്നതിലാണ്​ കെജ്​രിവാൾ ശ്രദ്ധിച്ചത ്​. അത്​ വിജയം കാണുകയും ചെയ്​തു.

കെജ്​രിവാളിനെ ഭീകരനെന്ന്​ മുദ്രകുത്താനായിരുന്നു ബി.ജെ.പി തുടക്കം മുതൽ ശ്ര ദ്ധിച്ചിരുന്നത്​. കേ​ന്ദ്രമന്ത്രി പ്രകാശ്​ ജാവഡേക്കറും എം.പി പർവേഷ്​ വർമയുമൊക്കെ എല്ലായിടത്തും ഈ പ്രയോഗം ത ിരുകിക്കയറ്റി. ഫലം വന്നപ്പോൾ ‘രാഷ്​ട്രീയ ഭീകരനാണ്​’ താനെന്ന്​ കെജ്​രിവാൾ തെളിയിക്കുകയും ചെയ്​തു. ഇന്ത്യയും പാകിസ്​താനുമാണ്​ ഡൽഹിയിൽ ഏറ്റുമുട്ടുന്നതെന്നായിരുന്നു ​ബി.ജെ.പി സ്​ഥാനാർഥി കപിൽ മിശ്രയുടെ ‘കണ്ടെത്തൽ’. ‘ഇന് ത്യ ജയിച്ചു’ എന്ന്​ പ്രതികരിച്ച്​ അതിനും മറുപടി നൽകി കെജ്​രിവാൾ. ഗുരുതര ആരോപണവുമായിട്ടാണ്​ യു.പി. മുഖ്യമന്ത്രി യോഗി ആദിത്യനാഥ്​ ഡൽഹിയിൽ പ്രചാരണത്തിനെത്തിയത്​.

ശാഹീൻ ബാഗിൽ പൗരത്വ ഭേദഗതി നിയമത്തിനെതിരെ സമരം നടത്തുന്നവർക്ക്​ കെജ്​രിവാൾ ബിരിയാണിയാണ്​ വിളമ്പുന്നെന്നും മോദിയുടെ നേതൃത്വത്തിൽ ബി.ജെ.പി തീവ്രവാദികൾക്ക്​ വെടിയുണ്ടയാണ്​ വിളമ്പുന്നതെന്നുമാണ്​ യോഗിക്ക്​ വെളിപാടുണ്ടായത്​. 1987ൽ കാരാഗ്​പുർ ഐ.ഐ.ടിയിൽ പഠിച്ചുകൊണ്ടിരിക്കെ 19 വയസ്സുകാരി​യെ പീഡിപ്പിച്ച കേസിൽ കെജ്​രിവാൾ പ്രതിയായിരുന്നെന്ന വ്യാജ വാർത്ത വരെ പ്രചരിപ്പിക്കേണ്ട ഗതികേടിലെത്തി ബി.ജെ.പി. ശൈത്യകാലത്തെ ഡൽഹിയേക്കാൾ തണുപ്പിലായിരുന്ന കോൺഗ്രസാക​ട്ടെ, ഒരു കടന്നാക്രമണത്തിനും ചെന്നുമില്ല.

വിഭജന തന്ത്രത്തെ തകർത്ത വികസന മന്ത്രം

ചാണക്യതന്ത്രത്തി​​െൻറ ശൗര്യമൊന്നും പണ്ടേ പോലെ ഫലിക്കുന്നില്ലെന്ന വിളിച്ചുപറയലാണ്​ ഡൽഹിയിൽ കണ്ടത്​. പഴയ ബി.ജെ.പി അധ്യക്ഷനും പുതിയ ബി.ജെ.പി അധ്യക്ഷനും വീടുവീടാന്തരം വർഗീയ ചേരിതിരിവി​​െൻറ സന്ദേശവുമായി കയറിയിറങ്ങിയപ്പോൾ, അഞ്ചുവർഷത്തെ ഭരണത്തി​​െൻറ പ്രോഗ്രസ്​ കാർഡുമായാണ്​ കെജ്​രിവാറും കൂട്ടരും വോട്ടർമാരെ കണ്ടത്​.

അയോധ്യവിധിയും ശ്രീരാമ ട്രസ്​റ്റ്​ രൂപവത്കരണവും സി.എ.എയും എൻ.ആർ.സിയും ശാഹീൻ ബാഗുമൊക്കെ ബി.ജെ.പി പ്രചാരണത്തിൽ വാരിവിതറിയപ്പോൾ വൈദ്യുതി, കുടിവെള്ളം, വിദ്യാഭ്യാസം, ആരോഗ്യ സംരക്ഷണം തുടങ്ങി പാർട്ടിയുടെ പേര്​ അന്വർഥമാക്കും വിധം സാധാരണക്കാരുടെ പ്രശ്​നങ്ങൾ ഉയർത്തിപ്പിടിച്ചു ആം ആദ്​മി പാർട്ടി. അമിത്​ ഷായുടെയും ജെ.പി. നഡ്​ഡയുടെയും വിഭജന തന്ത്രങ്ങളേക്കാൾ കെജ്​രിവാളി​​െൻറ വികസന മന്ത്രമാണ്​ ജനമനസുകളിൽ കുടിയേറിയതെന്ന്​ മാത്രം.

രണ്ടു തവണ മോദിയും യോഗി ആദിത്യനാഥ്​, വിജയ് രൂപാനി, ദേവേന്ദ്ര ഫഡ്‌നാവിസ്, ബിപ്ലബ് ദേബ്, ശിവരാജ് സിങ്​ ചൗഹാന്‍ തുടങ്ങിയ മുഖ്യമന്ത്രിമാരും മുന്‍മുഖ്യമന്ത്രിമാരും 240 എം.പിമാരും 70 കേന്ദ്രമന്ത്രിമാരും ദല്‍ഹിയില്‍ വോട്ട് തേടിയിറങ്ങിയിട്ടും ഫലമുണ്ടായില്ല. അന്യമതവിദ്വേഷവും വര്‍ഗീയതയും ആളിക്കത്തിക്കാന്‍ കേന്ദ്ര ആഭ്യന്തരമന്ത്രി മൗനാനുവാദവും നൽകി. സാമുദായിക ധ്രുവീകരണമുണ്ടാക്കാനുള്ള ബി.ജെ.പിയുടെ ശ്രമങ്ങളെ എതിർത്ത്​ അതിനെ ശക്​തിപ്പെടുത്താതിരിക്കാൻ കെജ്​രിവാൾ പ്രത്യേകം ശ്രദ്ധിക്കുകയും ചെയ്​തു.

സി.എ.എ, ശാഹീൻ ബാഗ്​ തുടങ്ങിയ വിഷയങ്ങളിൽ കടുപ്പമേറിയ നിലപാടൊന്നും കെജ്​രിവാളി​​െൻറ ഭാഗത്ത്​ നിന്നുണ്ടായില്ല. ഹിന്ദു വിഭാഗങ്ങൾക്ക്​ ഭൂരിപക്ഷമുള്ള ഡൽഹിയിൽ താനും ഹിന്ദുവാണെന്ന്​ ഉറപ്പിക്കാനുള്ള ശ്രമങ്ങൾ നടത്തുകയും ചെയ്​തു. ഇതിനായി തെരഞ്ഞെടുപ്പിന്​ ഒരാഴ്​ച മുമ്പ്​ ഹനുമാൻ ക്ഷേത്രത്തിൽ ദർശനത്തിനെത്തി.

വിജയിച്ച ശേഷം വോട്ടർമാരെ അഭിസംബോധന ചെയ്​തപ്പോളും ‘ഇത്​ ഹനുമ​ാ​​െൻറ കൂടി വിജയമാണെന്ന്​’ പറയാനും മടിച്ചില്ല.
പൗരത്വ വിഷയത്തിലുണ്ടായ സംഘർഷങ്ങളിലൊന്നും കാര്യമായ പ്രതികരണത്തിന്​ തയാറാകാഞ്ഞപ്പോൾ തന്നെ കെജ്​രിവാൾ പരിക്കേറ്റവർക്ക്​ ചികിത്സ സൗകര്യമൊരുക്കുകയും ചെയ്​തു. നിർഭയ കേസിലെ വധശിക്ഷ വൈകുന്നത്​ വരെ ബി.ജെ.പി പ്രചാരണ വിഷയങ്ങളാക്കിയെങ്കിലും കാര്യമായ ചലനം ഉണ്ടാക്കിയുമില്ല.

കഴിഞ്ഞ ലോക്‌സഭ തെരഞ്ഞെടുപ്പ്​ ഫലം പരിശോധിച്ചാല്‍ ഡൽഹിയിലെ 70-ല്‍ 65 മണ്ഡലങ്ങളിലും ബി.ജെ.പിക്കായിരുന്നു ലീഡ്. അഞ്ച് സീറ്റില്‍ കോണ്‍ഗ്രസ് മുന്നിലെത്തി. ‘ആപ്​’ ആക​ട്ടെ, ഇ​പ്പോളത്തെ കോൺഗ്രസി​​െൻറ അവസ്​ഥയിലും- വട്ടപൂജ്യം. ബി.ജെ.പിയുടെ ഈ ആത്​മവിശ്വാസത്തെ ഒമ്പത്​ മാസം കൊണ്ട് തകർത്ത കെജ്​രിവാൾ 2024ല്‍ വെല്ലുവിളിയാകുമോയെന്ന ആ​ശങ്ക അവർക്ക്​​ തള്ളിക്കളയാനുമാകില്ല.

വിശ്വാസ്യതയുടെ ‘എ.കെ. ബ്രാൻഡ്​’

‘അഞ്ച് വര്‍ഷത്തെ സര്‍ക്കാറി​​െൻറ പ്രവര്‍ത്തനങ്ങളില്‍ തൃപ്​തരാണെങ്കില്‍ മാത്രം എനിക്ക്​ വോട്ട് ചെയ്യുക’ എന്നത്​ മാത്രമായിരുന്നു കെജ്​രിവാളി​​​െൻറ അഭ്യർഥന. ‘ഞാൻ സ്​കൂൾ നിർമിക്കാമെന്ന്​ പറയുന്നു, ആശുപത്രി നിർമിക്കാമെന്ന്​ പറയുന്നു, അവർ കെജ്​രിവാളിനെ തോൽപിക്കാമെന്നും. എന്താണ്​ വേണ്ടതെന്ന്​ നിങ്ങൾ തീരുമാനിക്കൂ’ എന്ന്​ കെജ്​രിവാൾ പറഞ്ഞതിൽ സ്വന്തം പ്രവൃത്തിയിലെ ആത്​മവിശ്വാസവും സ്വന്തം വോട്ടർമാരോടുള്ള വിശ്വാസവും പ്രതിഫലിച്ചിരുന്നു.

ഡല്‍ഹി നിവാസികള്‍ക്ക് 24 മണിക്കൂര്‍ വൈദ്യുതി മുടക്കമില്ലാതെ ലഭ്യമാക്കും, ഡല്‍ഹി ജന്‍ ലോക്​പാല്‍ ബില്‍ പാസാക്കും, ഭരണഘടനാ സംരക്ഷണ പ്രവര്‍ത്തനങ്ങളെ ശക്തിപ്പെടുത്തുന്നതിനായി മുഴുവന്‍ സ്‌കൂളുകളിലും ദേശഭക്തി ക്ലാസുകള്‍ സംഘടിപ്പിക്കും, സ്ത്രീസുരക്ഷയ്ക്കായുള്ള വര്‍മ്മ കമ്മിറ്റി നിര്‍ദേശങ്ങള്‍ നടപ്പാക്കും , 3,000 'മൊഹല്ല സഭകള്‍' രൂപവത്​കരിക്കും , ശുചീകരണ സമയത്ത് തൊഴിലാളി മരിച്ചാല്‍ കുടുംബത്തിന് ഒരുകോടി ധനസഹായം വിതരണം ചെയ്യും തുടങ്ങിയ വാഗ്​ദാനങ്ങളാണ്​ ഈ തെരഞ്ഞെടുപ്പിൽ നൽകിയത്​.

കഴിഞ്ഞ തെരഞ്ഞെടുപ്പില്‍ നല്‍കിയ 70 വാഗ്​ദാനങ്ങളില്‍ 90 ശതമാനവും തുടങ്ങാനോ പൂര്‍ത്തീകരിക്കാനോ കഴിഞ്ഞതിനാൽ പാവപ്പെട്ടവരെയും മധ്യവര്‍ഗക്കാരെയും ഒരുപോലെ തൃപ്​തിപ്പെടുത്താനുമായി. മെട്രോയിലും പൊതുഗതാഗങ്ങളിലും സ്ത്രീകള്‍ക്കായി സൗജന്യയാത്ര നല്‍കിയും സ്​ത്രീസുരക്ഷ ഉറപ്പാക്കിയും ‘ഡൽഹിയുടെ മകൻ’ എന്ന ഇമേജ്​ വനിത വോട്ടർമാർക്കിടയിലും ഉണ്ടാക്കിയെടുത്തു.

പറയുന്നത്​ നടപ്പാക്കാൻ സാധിക്കുമെന്നു തെളിയിച്ച​ ‘എ.കെ (അരവിന്ദ്​ കെജ്​രിവാൾ) ബ്രാൻഡി’ൽ വിശ്വാസമർപ്പിക്കാൻ ഡൽഹിക്കാർക്ക്​ അധികം ആലോചിക്കേണ്ടി വന്നില്ല. ആള്‍ക്കൂട്ടമെന്നു വിളിച്ച് പരിഹസിച്ചവരെ വെല്ലുവിളിച്ച്​ ഇന്ദ്രപ്രസ്ഥത്തി​​െൻറ അധികാര കസേരയില്‍ ഇരിപ്പുറപ്പിച്ച ആൾക്ക്​ അത്​ എളുപ്പവുമായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:aapArvind Kejriwalmalayalam newsdelhi election 2020delhi election newsIndia News
News Summary - Kejriwal: Victory of a common man -India news
Next Story