മുതിർന്നവർക്ക്​ സൗജന്യ അയോധ്യ യാത്രയുമായി​ കെജ്​രിവാൾ സർക്കാർ

ന്യൂഡൽഹി: അയോധ്യയിലേക്ക്​ മുതിർന്ന പൗരൻമാർക്ക്​ സൗജന്യ തീർഥയാത്ര പദ്ധതിയുമായി ഡൽഹി സർക്കാർ. ബുധനാഴ്​ച ചേർന്ന മന്ത്രി സഭ യോഗത്തിലാണ്​ പദ്ധതി പ്രഖ്യാപിച്ചത്​​. കഴിഞ്ഞ ദിവസം മുഖ്യമന്ത്രി അരവിന്ദ്​ കെജ്​രിവാൾ അയോധ്യ സന്ദർശിച്ചിരുന്നു. ഇതിന്​ പിന്നാലെയാണ്​ തീർഥ യാത്രാ പദ്ധതിയിൽ അയോധ്യ ഉൾപ്പെടുത്തുന്നത്

നിലവിൽ പുരി, ഹരിദ്വാർ, മഥുര, വൃന്ദാവൻ, വൈഷ്ണോ ദേവി, രാമേശ്വരം, ദ്വാരക തുടങ്ങിയ സ്ഥലങ്ങളിലേക്ക്​ മുതിർന്ന പൗരൻമാർക്കായി സൗജന്യ തീർഥ യാത്ര പദ്ധതി ഡൽഹി സർക്കാറിന്​ കീഴിലുണ്ട്​. എ.സി ട്രെയിൻ ടിക്കറ്റ്​, താമസം, ഭക്ഷണം, പ്രാദേശിക യാത്ര തുടങ്ങി എല്ലാ ചിലവും സർക്കാർ വഹിക്കും.

''എനിക്ക്​ രാമ പ്രതിമയെ തൊഴാനുള്ള ഭാഗ്യം ലഭിച്ചു. എല്ലാവർക്കും ഇതിനുള്ള അവസരം ലഭിക്കണമെന്ന്​ ഞാൻ ആഗ്രഹിക്കുന്നു. എനിക്കുള്ള അധികാരം ഉപയോഗിച്ച്​ ജനങ്ങൾക്ക്​ ഇവിടെ ദർശനം നൽകുന്നതിനുള്ള അവസരം നൽകും'' -ക്ഷേത്ര സന്ദർശനത്തിന്​ ശേഷം കെജ്​രിവാൾ പ്രതികരിച്ചു. ജയ്​ ശ്രീറാം ചേർത്തുള്ള ട്വീറ്റും കെജ്​​രിവാൾ പങ്കുവെച്ചിരുന്നു​.

രാമക്ഷേത്ര നിർമാണത്തിന്​ താനും സംഭാവന നൽകിയിട്ടുണ്ടെന്നും പക്ഷേ സംഭാവന നൽകുന്നത്​ എപ്പോഴും രഹസ്യമാക്കി വെക്കണമെന്നും കെജ്​രിവാൾ പറഞ്ഞു. വരാനിരിക്കുന്ന ഉത്തർപ്രദേശ്​ തെരഞ്ഞെടുപ്പിൽ ആംആദ്​മി പാർട്ടി മത്സരിക്കുന്നതിന്‍റെ മുന്നോടിയായി കൂടിയാണ്​ കെജ്​രിവാളിന്‍റെ അയോധ്യ പാക്കേജെന്ന്​ വിമർശനമുയ്രുന്നുണ്ട്​.

അതിനിടെ, കെജ്​രിവാളി​െൻറ അയോധ്യ സന്ദർശനത്തെ പരിഹസിച്ച്​ ബി.ജെ.പി എം.പി ഗൗതം ഗംഭീർ രംഗത്തുവന്നു. കെജ്​രിവാളി​​േൻറത്​ ഇരട്ടത്താപ്പാണെന്നും രാമജൻമഭൂമിയി​െലത്തി ത​െൻറ പാപങ്ങൾ കഴുകിക്കളയാനാണു അദ്ദേഹം ശ്രമിക്കുന്നതെന്നും ഗംഭീർ പറഞ്ഞു.