Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനിയന്ത്രിതമായി...

നിയന്ത്രിതമായി സൗജന്യസേവനങ്ങൾ നൽകുന്നത്​ സമ്പദ്​ വ്യവസ്ഥക്ക്​ ഗുണകരം -കെജ്​രിവാൾ​

text_fields
bookmark_border
നിയന്ത്രിതമായി സൗജന്യസേവനങ്ങൾ നൽകുന്നത്​ സമ്പദ്​ വ്യവസ്ഥക്ക്​ ഗുണകരം -കെജ്​രിവാൾ​
cancel

ന്യൂഡൽഹി: ആം ആദ്​മി പാർട്ടി സർക്കാർ ഡൽഹിയിൽ സൗജന്യസേവനങ്ങൾ നൽകുന്നതിനെ വിമർശിച്ച ബി.ജെ.പി നേതാക്കൾക്ക്​ മറുപ ടിയുമായി മുഖ്യമന്ത്രി അരവിന്ദ്​ കെജ്​രിവാൾ. നിയന്ത്രിതമായ തോതിൽ സൗജന്യസേവനങ്ങൾ നൽകുന്നത്​ സമ്പദ്​ വ്യവസ്ഥ ക്ക്​ ഗുണകരമാണെന്നും അത​ുവഴി പാവങ്ങൾക്കെല്ലാം കൂടുതൽ സമ്പാദ്യം ലഭിക്കുമെന്നും അരവിന്ദ്​ കെജ്​രിവാൾ ട്വീറ്റ്​ ചെയ്​തു.

കെജ്​രിവാൾ സർക്കാർ ​വൈദ്യുതിയും വെള്ളവും സൗജന്യം നൽകി ​വോട്ടർമാരെ വശീകരിക്കുകയാണെന്ന്​ ഡൽഹി ബി.​ജെ.പി അധ്യക്ഷൻ മനോജ്​ തിവാരി വിമർശിച്ചിരുന്നു. ഇതെ തുടർന്നാണ്​ സൗജന്യസേവനങ്ങൾ ബജറ്റിനെയോ നികുതി​​യെയോ ബാധിക്കില്ലെന്ന്​ ​മുഖ്യമന്ത്രി മറുപടി നൽകിയത്​.

നിയന്ത്രിത തോതിൽ സൗജന്യങ്ങൾ നൽകുന്നത്​ സമ്പദ്​വ്യവസ്ഥക്ക്​ നല്ലതാണ്​. ഇത്​ പാവങ്ങൾക്ക്​ കൂടുതൽ സമ്പാദ്യം ലഭിക്കുന്നതിന്​ സഹായകമാകും. നിയന്ത്രിതമായി സൗജന്യസേവനം നൽകുന്നത്​ അധിക നികുതിക്കോ കമ്മി ബജറ്റിനോ കാരണമാകില്ല -കെജ്​രിവാൾ ട്വിറ്ററിലൂടെ വിശദീകരിച്ചു.

കഴിഞ്ഞ ദിവസം ഡൽഹിയിൽ പ്രചരണം നടത്തിയ അമിത്​ ഷാ ഉന്നയിച്ച ചോദ്യങ്ങൾക്കും കെജ്​രിവാൾ ശക്തമായ ഭാഷയിൽ മറുപടി നൽകിയിരുന്നു. ഡൽഹിയിൽ സൗജന്യ വൈ-ഫൈയും ചാർജിങ്​ സൗകര്യവും നൽകുന്നുണ്ടെന്നും 200യൂനിറ്റ്​ വൈദ്യുതി സൗജന്യമാണെന്നും കെജ്​രിവാൾ ട്വിറ്ററിലൂടെ വ്യക്തമാക്കി. വൈദ്യുതി, വെള്ളം, ഇൻറർനെറ്റ്​ വൈ-ഫൈ, സ്​ത്രീകൾക്ക്​ സൗജന്യയാത്ര, മുതിർന്ന പൗരൻമാർക്ക്​ സൗജന്യ തീർത്ഥാടന സൗകര്യം തുടങ്ങിയ പദ്ധതികളും എ.എ.പി സർക്കാർ നടപ്പിലാക്കിയിരുന്നു.

Show Full Article
TAGS:kejriwal bjp economics Freebies opposition india news 
News Summary - Kejriwal explains economics behind freebies to take on Opposition - India news
Next Story