Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപാർട്ടിയിൽനിന്നും...

പാർട്ടിയിൽനിന്നും സർക്കാരിൽനിന്നും അകന്നുനിൽക്കണമെന്ന് ബന്ധുക്കളോട് ശശികല

text_fields
bookmark_border
പാർട്ടിയിൽനിന്നും സർക്കാരിൽനിന്നും അകന്നുനിൽക്കണമെന്ന് ബന്ധുക്കളോട് ശശികല
cancel

ചെന്നൈ: അണ്ണാ ഡി.എം.കെ തലപ്പത്തേക്ക് ശശികല എത്തുമെന്ന അഭ്യൂഹങ്ങൾക്കിടെ പാർട്ടിയിൽനിന്നും സർക്കാരിൽനിന്നും അകന്നുനിൽക്കാൻ ബന്ധുക്കൾക്ക് ജയലളിതയുടെ തോഴി ശശികല മുന്നറിയിപ്പ് നൽകി. സഹോദരങ്ങൾ, അന്തരവന്മാർ തുടങ്ങിയ അടുത്ത ബന്ധുക്കൾക്കാണ് ബുധനാഴ്ച ശശികല നിർദേശം നൽകിയതെന്ന് ഒരു ദേശീയ മാധ്യമം റിപ്പോര്‍ട്ടു ചെയ്തു.

മന്ത്രിമാരോടും പ്രവർത്തകരോടും ബന്ധുക്കളുടെ നിർദേശങ്ങൾ അനുസരിക്കരുതെന്ന് ശശികല ആവശ്യപ്പെട്ടിട്ടുണ്ട്. ജയലളിതയുടെ വീടായ പോയസ് ഗാർഡനിലാണ് ശശികല ഇപ്പോൾ താമസിക്കുന്നത്. ബന്ധുക്കളെയെല്ലാം പോയസ് ഗാർഡനിൽ നിന്ന് പറഞ്ഞയക്കുമെന്നും സഹോദരഭാര്യ ഇളവരശി മാത്രം ഇവിടെ തുടരുമെന്നും അടുത്ത വൃത്തങ്ങൾ വ്യക്തമാക്കി.

അതേസമയം ബന്ധുക്കളെ അകമഴിഞ്ഞ് സഹായിക്കുന്നു എന്ന തനിക്കെതിരായ എക്കാലത്തെയും ആരോപണത്തിന് തടയിടാനും പ്രതിഛായ ഉയർത്താനുമാണ് ശശികല ലക്ഷ്യമിടുന്നതെന്ന് ആരോപണമുയർന്നിട്ടുണ്ട്. 2011ൽ ശശികലയെയും ബന്ധുക്കളെയും ജയലളിത പാർട്ടിയിൽനിന്നു പുറത്താക്കിയിരുന്നു. പിന്നീട് ശശികല മാത്രം തിരിച്ചെത്തിയെങ്കിലും ബന്ധുക്കളെ അടുപ്പിക്കാൻ ജയലളിത തയാറായില്ല. എന്നാൽ ജയലളിത അകറ്റിനിർത്തിയ ശശികലയുടെ ബന്ധുക്കൾ മരണശേഷമുള്ള കർമങ്ങളിലടക്കം പങ്കെടുത്തിരുന്നു.

Show Full Article
TAGS:Sasikalaa 
News Summary - Keep away from government and party: Sasikalaa tells family
Next Story