പ്രതിപക്ഷ നേതാക്കൾക്കെതിരെ ചാര സോഫ്​റ്റ്​ വെയർ ആക്രമണം ​​–കെ.സി. വേണുഗോപാൽ

ന്യൂ​ഡ​ൽ​ഹി: ഒ​രി​ട​വേ​ള​ക്കു​ശേ​ഷം വീ​ണ്ടും സ​ജീ​വ​മാ​യി ചാ​ര സോ​ഫ്​​റ്റ്​ വെ​യ​ർ വി​വാ​ദം. താ​ന​ട​ക്ക​മു​ള്ള പ്ര​തി​പ​ക്ഷ നേ​താ​ക്ക​ളു​ടെ ഫോ​ൺ ചോ​ർ​ത്താ​ൻ ശ്ര​മം സ​ജീ​വ​മാ​​ണെ​ന്ന്​ കോ​ൺ​ഗ്ര​സ്​ എം.​പി കെ.​സി. വേ​ണു​ഗോ​പാ​ൽ പ​റ​ഞ്ഞു. ചാ​ര സോ​ഫ്​​റ്റ് വെ​യ​ർ ആ​ക്ര​മ​ണം സ്ഥി​രീ​ക​രി​ച്ച്​ ആ​പ്പി​ൾ ക​മ്പ​നി ന​ൽ​കി​യ മു​ന്ന​റി​യി​പ്പ്​ സ​ന്ദേ​ശം പു​റ​ത്തു​വി​ട്ടാ​യി​രു​ന്നു കെ.​സി. വേ​ണു​ഗോ​പാ​ലി​​​​ന്റെ ആ​രോ​പ​ണം. പെ​ഗാ​സ​സ്​ പോ​ലെ ചാ​ര സോ​ഫ്​​റ്റ്​ വെ​യ​റു​ക​ളു​ടെ ആ​ക്ര​മ​ണം നേ​രി​ട്ട ഐ​ഫോ​ണ്‍ ഉ​പ​ഭോ​ക്താ​ക്ക​ള്‍ക്ക് ആ​പ്പി​ൾ മു​ന്ന​റി​യി​പ്പ് ന​ൽ​കി​യ​തി​ന് പി​ന്നാ​ലെ​യാ​ണ് കെ.​സി. വേ​ണു​​ഗോ​പാ​ൽ എം.​പി​ക്കും സ്‌​പൈ​വെ​യ​ര്‍ മു​ന്ന​റി​യി​പ്പ് ല​ഭി​ച്ച​ത്.

‘നി​ങ്ങ​ളു​ടെ പ്രി​യ​പ്പെ​ട്ട ചാ​ര സോ​ഫ്​​റ്റ്​ വെ​യ​റി​നെ എ​​ന്റെ ഫോ​ണി​ലേ​ക്കും അ​യ​ച്ച​തി​ന്​ പ്ര​ധാ​ന​മ​ന്ത്രി ​ന​രേ​ന്ദ്ര മോ​ദി​ക്ക്​ ന​ന്ദി’ എ​ന്നാ​യി​രു​ന്നു കെ.​സി. വേ​ണു​ഗോ​പാ​ലി​ന്റെ എ​ക്​​സി​ലെ കു​റി​പ്പ്. മോ​ദി സ​ർ​ക്കാ​ർ ഭ​ര​ണ​ഘ​ട​നാ വി​രു​ദ്ധ​മാ​യാ​ണ്​ പ്ര​വ​ർ​ത്തി​ക്കു​ന്ന​തെ​ന്ന്​ കെ.​സി. വേ​ണു​ഗോ​പാ​ൽ പ​റ​ഞ്ഞു. രാ​ഷ്ട്രീ​യ എ​തി​രാ​ളി​ക​ളു​ടെ സ്വ​കാ​ര്യ​ത​യി​ലേ​ക്ക്​ ക​ട​ന്നു​ക​യ​റു​ന്ന ഭ​ര​ണ​ഘ​ട​നാ വി​രു​ദ്ധ ന​ട​പ​ടി​യെ ന​ഖ​ശി​ഖാ​ന്തം എ​തി​ർ​ക്കും -അ​ദ്ദേ​ഹം തു​ട​ർ​ന്നു.