ഗൗരി ല​േങ്കഷി​െൻറ ജീവിതവഴി കാമറയിലാക്കാൻ കവിത ല​േങ്കഷ്​

ബംഗളൂരു: മാധ്യമപ്രവർത്തകയും ആക്​ടിവിസ്​റ്റുമായിരുന്ന ഗൗരി ല​േങ്കഷി​െൻറ ജീവിതത്തെ ആസ്​പദമാക്കി സഹോദരിയും സംവിധായികയുമായ കവിത ല​േങ്കഷ്​ ഡോക്യുമെൻററി ഒരുക്കുന്നു. കൊല്ലപ്പെട്ട മാധ്യമപ്രവർത്തകരെ കുറിച്ച്​ ഡോക്യുമെൻററി തയാറാക്കാൻ നെതർലാൻറ്​സിലെ ഫ്രീപ്രസ്​ അൺലിമിറ്റഡ്​ അന്താരാഷ്​ട്ര തലത്തിൽ തെരഞ്ഞെടുത്ത നാലുപേരിൽ ഒരാളാണ്​ കവിത ല​േങ്കഷ്​. ഡോക്യുമെൻററിക്കായി ഗൗരിയ​ുടെ വിഡിയോ ദൃശ്യങ്ങളും മറ്റും ശേഖരിക്കുന്ന കവിത ​ൈവകാതെ ഇന്ത്യ മുഴുവൻ യാത്ര ചെയ്​ത്​ ചിത്രീകരണം പൂർത്തിയാക്കുമെന്ന്​ അറിയിച്ചു. ചിത്രം അന്താരാഷ്​ട്ര തലത്തിൽ പ്രദർശിപ്പിക്കുകയാണ്​ ലക്ഷ്യം​.

അർബൻ നക്​സലൈറ്റ്​ എന്നാണ്​ ചിലർ ഇപ്പോഴും ഗൗരിയെ വിശേഷിപ്പിക്കുന്നതെന്ന്​ ​ കവിത ല​േങ്കഷ്​ ചൂണ്ടിക്കാട്ടി. . ആയുധം താഴെ വെപ്പിച്ച്​ നക്​സലൈറ്റുകളെ മുഖ്യധാരയിലേക്ക്​ നയിക്കാൻ പരിശ്രമിച്ചയാളായിരുന്നു ഗൗരി. സമാധാനത്തിനും അവകാശങ്ങൾക്കും വേണ്ടിയാണ്​ അവർ പോരാടിയത്​. ഹിന്ദു വിരുദ്ധ എന്ന്​ ഗൗരിയെ ചിലർ വിളിക്കുന്നു. അവൾ ഹിന്ദുവായിരുന്നു; എന്നാൽ, ഹിന്ദുത്വത്തിനെതിരായിരുന്നു- കവിത ഒാർമിച്ചു. മലയാളിയായ ദീപു 'അവർ ഗൗരി'എന്ന പേരിൽ 2017ൽ ഡോക്യുമെൻററി തയാറാക്കിയിരുന്നു.

ബസവനഗുഡിയിലെ 'ഗൗരി ല​േങ്കഷ്​ പത്രികെ'യുടെ ഒാഫിസിൽനിന്ന്​ 2017 സെപ്​തംബർ അഞ്ചിന്​ ജോലി കഴിഞ്ഞുമടങ്ങിയ ഗൗരിയെ രാജരാജേശ്വരി നഗറിലെ വീട്ടുമുറ്റത്തുവെച്ച്​ രാത്രി എ​േട്ടാടെയാണ്​ ഹിന്ദുത്വ തീവ്രവാദികൾ വെടിവെച്ചുകൊലപ്പെടുത്തിയത്. രാജ്യം മുഴുവൻ പ്രതിഷേധം അലയടിച്ച സംഭവത്തിൽ നാലുവർഷമായിട്ടും കുറ്റകൃത്യം തെളിയിക്കാനായിട്ടില്ല. കർണാടക ഹൈക്കോടതിയിൽ കേസി​െൻറ വിചാരണ തുടരുകയാണ്​. ഇതുവരെ 18 ​േപർ അറസ്​റ്റിലായി.

മുഖ്യപ്രതികളെ ഒളിവിൽ പാർപ്പിക്കാൻ സഹായിച്ച കേസിലെആറാം പ്രതിയായ മോഹൻ നായകിനെതിരെ കർണാടക സംഘടിത കുറ്റകൃത്യം തടയൽ നിയമപ്രകാരം (കെ.സി.ഒ.സി.എ) ചുമത്തിയ കുറ്റം കർണാടക ഹൈകോടതി റദ്ദാക്കിയതിനെ എതിർത്ത്​ ഗൗരിയുടെ സഹോദരി കവിത ല​േങ്കഷ്​ സുപ്രീംകോടതിയെ സമീപിച്ചിരുന്നു. കഴിഞ്ഞ ജൂണിൽ സമർപ്പിച്ച ഹരജിയിൽ ജസ്​റ്റിസ്​ എ.എം. ഖാൻവിൽകാർ അധ്യക്ഷനായ ​ബെഞ്ച്​ കർണാടക സർക്കാരിനും ബന്ധപ്പെട്ട കക്ഷികൾക്കും നോട്ടീസ് അയച്ചിരുന്നു. ഹരജി അന്തിമവാദത്തിനായി ബുധനാഴ്​ച പരിഗണിക്കും