Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightജഗൻെറ വാഗ്​ദാനത്തിന്​...

ജഗൻെറ വാഗ്​ദാനത്തിന്​ പുല്ലുവില; കശ്​മീരികളെ ഹൈദരാബാദിലെത്തിക്കാൻ അധികാരികൾ ചോദിച്ചത്​ 1.8 ലക്ഷം

text_fields
bookmark_border
ജഗൻെറ വാഗ്​ദാനത്തിന്​ പുല്ലുവില; കശ്​മീരികളെ ഹൈദരാബാദിലെത്തിക്കാൻ അധികാരികൾ ചോദിച്ചത്​ 1.8 ലക്ഷം
cancel
camera_alt????????????? ???????????????? ?.??.????.??.??.?? ????? 1.8 ????? ??????? ???????

ഹൈദരാബാദ്​: കഴിഞ്ഞ ദിവസമാണ്​ സംസ്​ഥാനത്തെ അന്തർസംസ്​ഥാന തൊഴിലാളികൾക്ക്​ സൗജന്യ യാത്രയും ഭക്ഷണവുമൊരുക്കുമെന്ന്​ ​ആന്ധ്ര പ്രദേശ്​ മുഖ്യമന്ത്രി വൈ.എസ്​. ജഗൻമോഹൻ ​റെഡ്ഡി പ്രഖ്യാപിച്ചത്​. എന്നാൽ സംസ്​ഥാനത്തെ പ്രാദേശിക ഭരണാധികാരികളും ട്രാൻസ്​പോർട്ട്​ കോർപറേഷൻ അധികൃതരും ഇതറിഞ്ഞ മട്ടില്ല.  പുട്ടപർത്തിയിൽ നിന്നും ഹൈദരാബാദ്​ വരെയുള്ള ബസ്​ സർവീസിനായി 80 കശ്​മീരി തൊഴിലാളികളോട്​ പ്രാദേശിക ഭരണകൂടം ആവശ്യപ്പെട്ടത്​ 1.80 ലക്ഷം രൂപയാണ്​. 

എന്നാൽ യാതൊരു വഴിയുമില്ലാതിരുന്ന തൊഴിലാളികളെ പ്രദേശത്തെ വ്യവസായ പ്രമുഖരും ഇരട്ട സഹോദരൻമാരായ രാമലക്ഷ്​മണൻമാർ സഹായിച്ചു. ഭക്ഷണവും പണവുമില്ലാതെ ഞെരുങ്ങി ജീവിച്ച ആ രണ്ടാഴ്​ച ഒരുദു​സ്വപ്​നം പോലെയാണ്​ ആ തൊഴിലാളികൾ ഓർക്കുന്നത്​. ഹൈദരാബാദിലെത്തിയാൽ കശ്​മീരിലേക്ക്​ ട്രെയിൻ സർവീസ്​ ഒരുക്കാമെന്ന്​ പ്രാദേശിക ഭരണകൂടം അവരെ അറിയിച്ചു. 436 കിലോമീറ്റർ അകലെയുള്ള ഹൈദരാബാദിലെത്താൻ അവർ സ്വന്തം നിലക്ക്​ ശ്രമി​ച്ചെങ്കിലും നടന്നില്ല. 

പ്രാദേശിക ഭരണകൂടം ഹൈദരാബാദിലേക്ക്​ ബസ്​ ഏർപെടുത്താമെന്ന്​ സമ്മതിച്ചു. എന്നാൽ പാവം തൊഴിലാളികൾ 1.82 ലക്ഷം രൂപ നൽകണമെന്ന്​ പറഞ്ഞു. ആകെ പാപ്പരായി കിടക്കുന്ന പാവം തൊഴിലാളികളെക്കൊണ്ട്​ എങ്ങനെയാണ്​ ഭീമമായ സംഖ്യ സംഘടിപ്പിക്കാനാവുന്നത്​.  തൊഴിലാളികളുടെ സങ്കടം കേട്ടറിഞ്ഞ്​ രാമ റാവുവും ലക്ഷ്​മണ റാവുവും എം.എൽ.എയെയും പ്രാദേശിക ഭരണകൂടത്തെയും സമീപിച്ചെങ്കിലും ഫലമൊന്നുമുണ്ടായില്ല. ഇതോടെ ഇരുവരും യാത്രക്കാവശ്യമായ പണം തൊഴിലാളികൾക്ക്​ കടമായി നൽകാൻ തയാറാകുകയായിരുന്നു. 

‘തൊഴിലാളികൾക്ക്​ സൗജന്യ യാത്രയൊരുക്കുമെന്ന്​ സർക്കാർ വലിയ വാഗ്​ദാനങ്ങളൊക്കെ നൽകും. മൂന്ന്​ ബസുകൾക്ക്​ 65000 രൂപ വെച്ചാണ്​ ഞങ്ങളോട്​ ആവശ്യപ്പെട്ടത്​. മടക്കയാത്രയുടെ ചെലവടക്കമാണ്​ ആ തുക’ -കശ്​മീരി ഷാളുകളും വസ്​ത്രങ്ങളും വിൽക്കുന്ന ഷെയ്​ഖ്​ താരീഖ്​ പറഞ്ഞു. എന്ത്​ വിറ്റിട്ടാ​െണങ്കിലും നാട്ടിലെത്തിയ ഉടൻ റാവു സഹോദരൻമാരുടെ പണം തിരികെ നൽകുമെന്ന്​ താരീഖ്​ പറഞ്ഞു. ‘അവർ പണം തിരികെ തരുമെന്നുറപ്പാണ്​. അതിനവർക്ക്​​ സാധിച്ചില്ലെങ്കിൽ ഞങ്ങളൊരു സാമൂഹ്യ സേവനം ചെയ്​തതായി കരുതും’ -ലക്ഷ്​മൺ റാവു പറഞ്ഞു. സ്വന്തം ഉടമസ്​ഥതയിൽ നിന്നുള്ള പെട്രോൾ പമ്പിൽ നിന്നും പണമെടുത്താണ്​ റാവു തൊഴിലാളികൾക്ക്​ പണം നൽകിയത്​. പുട്ടപർത്തിയിൽ നിന്നും ഹൈദരാബാദിലെത്തിയ ശേഷം ഉദ്ദംപൂരിലേക്കുള്ള യാത്ര സാധ്യമാകുമെന്ന പ്രതീക്ഷയിലാണ് കശ്​മീരി തൊഴിലാളികൾ. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:andhra pradeshMigrant workersYS Jagan Mohan Reddylockdownkashmiri workersputtaparthi
News Summary - Kashmiri labourers asked to pay Rs 1.8 lakh for bus ride till station- india
Next Story