കശ്മീര്‍ ഇന്ത്യയുടെ ആഭ്യന്തര പ്രശ്‌നം; പാകിസ്താൻ ഇടപെടേണ്ടതില്ല -രാഹുല്‍

ന്യൂഡല്‍ഹി: ജമ്മുകശ്മീര്‍ വിഷയത്തില്‍ പാകിസ്താനെതിരെ കോണ്‍ഗ്രസ് നേതാവ് രാഹുല്‍ ഗാന്ധി. കേന്ദ്ര സര്‍ക്കാരുമ ായി പലകാര്യങ്ങളിലും വിയോജിപ്പികളുണ്ടെങ്കിലുംകശ്മീര്‍ ഇന്ത്യയുടെ ആഭ്യന്തര പ്രശ്‌നം മാത്രമാണെന്ന് രാഹുല്‍ വ ്യക്തമാക്കി. ട്വിറ്ററിലൂടെയായിരുന്നു രാഹുലിന്റെ പ്രതികരണം. കശ്മീലെ ഇന്ത്യൻ ഇടപെടൽ സംബന്ധിച്ച് പാകിസ്താന്‍ യു.എന്നില്‍ നല്‍കിയ നോട്ടീസില്‍ രാഹുലിൻെറ പേര് പരാമര്‍ശിച്ചിരുന്നു. ഇതിന് പിന്നാലെയാണ് രാഹുൽ ട്വീറ്റിലൂടെ നിലപാട് വ്യക്തമാക്കിയത്.

There is violence in Jammu & Kashmir. There is violence because it is instigated and supported by Pakistan which is known to be the prime supporter of terrorism across the world.

— Rahul Gandhi (@RahulGandhi) August 28, 2019

പല വിഷയങ്ങളിലും ഞാൻ ഈ സർക്കാരുമായി വിയോജിക്കുന്നു. പക്ഷേ ഇത് ഞാൻ വ്യക്തമാക്കാം. കശ്മീർ ഇന്ത്യയുടെ ആഭ്യന്തര പ്രശ്‌നമാണ്, അതിൽ പാകിസ്താനോ മറ്റേതെങ്കിലും വിദേശ രാജ്യമോ ഇടപെടേണ്ടതില്ല, ജമ്മു കശ്മീരിൽ അക്രമമുണ്ട്. ലോകമെമ്പാടുമുള്ള ഭീകരതയുടെ പ്രധാന പിന്തുണക്കാരനായി അറിയപ്പെടുന്ന പാകിസ്ഥാൻെറ പ്രചോദനവും പിന്തുണയുമാണ് അക്രമത്തിന് കാരണം- രാഹുൽ ഗാന്ധി ട്വീറ്റ് ചെയ്തു.

കശ്മീരിനായുള്ള പ്രത്യേക പദവി എടുത്ത് കളഞ്ഞ കേന്ദ്ര തീരുമാനത്തിനെതിരെ രാഹുൽ രംഗത്തെത്തിയിരുന്നു. കശ്മീരിലെ സ്ഥിതിഗതികൾ വിലയിരുത്താൻ പോയ രാഹുലിനെയും പ്രതിപക്ഷ സംഘത്തെയും ശ്രീനഗര്‍ വിമാനത്താവളത്തില്‍ തടഞ്ഞിരുന്നു.