Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകശ്​മീരിൽ ദുരന്തനിവാരണ...

കശ്​മീരിൽ ദുരന്തനിവാരണ ഫണ്ട്​ ഉപയോഗിച്ച്​ ബാരിക്കേഡുകൾ വാങ്ങിയെന്ന്​

text_fields
bookmark_border
കശ്​മീരിൽ ദുരന്തനിവാരണ ഫണ്ട്​ ഉപയോഗിച്ച്​ ബാരിക്കേഡുകൾ വാങ്ങിയെന്ന്​
cancel

ശ്​മീരിൽ ദുരന്തനിവാരണ ഫണ്ട്​ ഉപയോഗിച്ച്​ ബാരിക്കേഡുകൾ വാങ്ങിയെന്ന ആരോപണവുമായി ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രീസ് (കെ.സി.സി.ഐ). താഴ്വരയിലെ ബിസിനസ്സ് സ്ഥാപനങ്ങൾ അനിശ്ചിതമായി പൂട്ടിയിട്ടത് വ്യാപാര സമൂഹത്തി​െൻറ അവകാശങ്ങളുടെ ഗുരുതരമായ ലംഘനമാ​െണന്നും കെ.സി.സി.ഐ ആരോപിച്ചു.

ജില്ലാ ദുരന്ത നിവാരണ നിയമപ്രകാരം അടിസ്​ഥാനമേഖലയിൽ ചിലവഴിക്കേണ്ട പണമാണ്​ ബാരിക്കേഡുകൾ വാങ്ങുന്നതിന് ചെലവഴിച്ചതായി ആരോപണം ഉയർന്നിരിക്കുന്നത്​. എന്നാൽ അധികൃതർ ആരോപണം നിഷേധിച്ചു. ശ്രീനഗർ ഡി.ഡി.എം.എ ചെയർമാൻ കൂടിയായ ജില്ലാ മജിസ്‌ട്രേറ്റ് ഷാഹിദ് ഇക്ബാൽ ചൗധരി ആരോപണം തെറ്റാണെന്ന്​ പറഞ്ഞു.

'റോഡ് ബാരിക്കേഡുകൾക്കായി ഫണ്ടുകളൊന്നും ആവശ്യപ്പെടുകയോ വിനിയോഗിക്കുകയോ ചെയ്തിട്ടില്ല'-അദ്ദേഹം പറഞ്ഞു. ലോക്​ഡൗണിനിടയിലും ശ്രീനഗർ ഗോൾഫ് കോഴ്‌സ് പ്രമുഖർക്കായി തുറന്നുകിടക്കുകയാണെന്നും കെ‌.സി.‌സി.‌ഐ പറയുന്നു. കാശ്​മീരിൽ നിലവിൽ ജനജീവിതം ദുരിതമയമാണ്​. 13 മാസമായി കശ്​മീർ അടച്ചിട്ടിരിക്കുകയാണ്​.

സംസ്ഥാനത്തി​െൻറ പ്രത്യേക പദവി പിൻവലിച്ചതിനെത്തുടർന്നാണ്​ ആദ്യം നിയന്ത്രണങ്ങൾ ഏർപ്പെടുത്തിയത്​. അത്​ കഴിഞ്ഞപ്പോൾ ലോക്​ഡൗൺ വന്നു. കഴിഞ്ഞ ഓഗസ്റ്റ് മുതൽ കശ്മീർ പൂട്ടിയിരിക്കുകയാണെന്ന് കെ.സി.സി.ഐ ചൂണ്ടിക്കാട്ടി.

'പൊതുജനങ്ങളും ബിസിനസ്സ് സമൂഹവും പൂർണ്ണമായി സഹകരിച്ചിട്ടും സംരംഭങ്ങളെ തുടച്ചുനീക്കുകയും സമ്പദ്‌വ്യവസ്ഥയെ തകർക്കുകയും ചെയ്യുന്ന നീക്കമാണ്​ ഭരണക്കാർ നടത്തുന്നത്​. ശ്രീനഗർ അനിശ്ചിതമായി ലോക്​ഡൗണിൽ തുടരുന്നത് ഉപജീവനമാർഗം നേടാനുള്ള ബിസിനസ്സ് സമൂഹത്തി​െൻറ അവകാശങ്ങളുടെ ഗുരുതരമായ ലംഘനമാണ്'-കെ.സി.സി.ഐ ജോയിൻറ്​ സെക്രട്ടറി ഷെയ്ഖ് ജൗഹർ അലി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:lockdownkashmirdisaster fundsroad barriers
Next Story