Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകാസ്​ഗഞ്ചിൽ വീണ്ടും...

കാസ്​ഗഞ്ചിൽ വീണ്ടും അക്രമം; കേന്ദ്രം റിപ്പോർട്ട്​ ആവശ്യപ്പെട്ടു

text_fields
bookmark_border
കാസ്​ഗഞ്ചിൽ വീണ്ടും അക്രമം; കേന്ദ്രം റിപ്പോർട്ട്​ ആവശ്യപ്പെട്ടു
cancel

ല​ഖ്​​നോ: ഉ​ത്ത​ർ​പ്ര​ദേ​ശി​ലെ കാ​സ്​​ഗ​ഞ്ച്​ ജി​ല്ല​യി​ൽ റി​പ്പ​ബ്ലി​ക്​​ ദി​നാ​ഘോ​ഷ ച​ട​ങ്ങു​ക​ൾ​ക്കി​ടെ പൊ​ട്ടി​പ്പു​റ​പ്പെ​ട്ട വ​ർ​ഗീ​യ സം​ഘ​ർ​ഷ​വുമായി ബന്ധ​പ്പെട്ട്​ വീണ്ടും അക്രമം. വീടുകളും കടകളും തകർക്കപ്പെട്ടു. അതേസമയം, സംഘർഷം സംബന്ധിച്ച്​ കേന്ദ്രസർക്കാർ യു.പി സർക്കാറിനോട്​ റിപ്പോർട്ട്​ ആവശ്യപ്പെട്ടു. സംഘർഷം നിയന്ത്രിക്കാൻ ​സ്വീകരിച്ച നടപടി എന്തൊക്കെയാണെന്നും കേന്ദ്ര ആഭ്യന്തര മന്ത്രാലയം ചോദിച്ചു. 
ജില്ല ആസ്​ഥാനത്തുനിന്ന്​ 25 കിലോമീറ്റർ അകലെ അമൻപുരിൽ ഇൗദ്​ഗാഹി​​​െൻറ മതിൽ അക്രമികൾ ചൊവ്വാഴ്​ച തകർത്തു. മതിലി​​​െൻറ ഭാഗമായുണ്ടായിരുന്ന താഴികക്കുടമാണ്​ തകർത്തത്​. സ്​ഥിതി നിയന്ത്രണാധീനമാണെന്ന്​ പൊലീസ്​ പറഞ്ഞു. തിങ്കളാഴ്​ച രാത്രി 10.30ന്​ ഇന്ദിര മാർക്കറ്റ്​ മേഖലയിൽ കടക്ക്​​ തീവെച്ചു.  

ജില്ല ഭരണകൂടം മുൻകൈയെടുത്ത്​ രൂപവത്​കരിച്ച സമാധാന കമ്മിറ്റി ചൊവ്വാഴ്​ച വൈകീട്ട്​ യോഗം ചേർന്ന്​, സമാധാനം നിലനിർത്താൻ എല്ലാ സമുദായങ്ങളോടും ആഹ്വാനം ചെയ്​തു. 
സംഘർഷവുമായി ബന്ധപ്പെട്ട്​ 112 പേരാണ്​ ഇതുവരെ അറസ്​റ്റിലായത്​. ആറു കേസുകൾ രജിസ്​റ്റർ ചെയ്​തു. റിപ്പബ്ലിക്​ദിനത്തിൽ രാത്രി വൈകി ഇരുവിഭാഗങ്ങൾ തമ്മിൽ വെടിവെപ്പുണ്ടായതിനെ തുടർന്ന്​ ​ചന്ദൻ ഗുപ്​ത (22) കൊല്ലപ്പെട്ട കേസിൽ 10 പേരെയാണ്​ അറസ്​റ്റ്​ ചെയ്​തത്​.  

വീടുകൾ കയറി നടത്തിയ പരിശോധനയിൽ സ്​​േഫാടക വസ്​തുക്കളും മറ്റും കണ്ടെടുത്തു. ഇൗ കേസുകളിൽ കുറ്റക്കാർക്കെതിരെ ദേശസുരക്ഷ നിയമം (എൻ.എസ്​.എ) ചുമത്തുമെന്ന്​ പൊലീസ്​ മേധാവി അറിയിച്ചു. ദ്രുതകർമ സേനയും പ്രത്യേക സായുധസേനയും സംഘർഷ മേഖലയിൽ ഫ്ലാഗ്​ മാർച്ച്​ നടത്തി. കർഫ്യൂ നിലനിൽക്കുന്നു​. സംഘർഷ മേഖലയിൽ പൊലീസ്​ മോ​േട്ടാർ സൈക്കിൾ പട്രോളിങ്​​ ആരംഭിച്ചു. ആകാശ നിരീക്ഷണത്തിന്​ മൂന്ന്​ ​​​ഡ്രോൺ കാമറകൾ ഉ​പയോഗിക്കുന്നു​.  

ഒൗദ്യോഗിക കണക്കു​ പ്രകാരം ഒരാൾ മരിക്കുകയും രണ്ടുപേർക്ക്​ പരിക്കേൽക്കുകയും ചെയ്​തു. മൂന്നു കടകളും രണ്ട്​ ബസുകളും കാറുമാണ്​ തകർത്തത്​. അക്രമം അനുവദിക്കില്ലെന്ന്​ പറഞ്ഞ മുഖ്യമന്ത്രി യോഗി ആദിത്യനാഥ്​, കുറ്റക്കാർക്കെതിരെ കർശന നടപടിയെടുക്കുമെന്ന്​ മുന്നറിയിപ്പ്​ നൽകി. കാസ്​ഗഞ്ച്​ സംഘർഷമുണ്ടായശേഷം ആദ്യമായാണ്​ മുഖ്യമന്ത്രി പ്രതികരിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kasganj ViolenceInternal MinistryUttar PradeshYogi Adityanath
News Summary - Kasganj violence: explosives found - India news
Next Story