സി.ബി.ഐ റെയ്ഡ് എത്രാമത്തെത്? അമർഷം പ്രകടിപ്പിച്ച് കാർത്തി ചിദംബരം

ന്യൂഡൽഹി: വിദേശ സാമ്പത്തിക ഇടപാടുകൾ സംബന്ധിച്ച് പുതിയ എഫ്.ഐ.ആർ രജിസ്റ്റർ ചെയ്ത് സി.ബി.ഐ റെയ്ഡ് നടത്തുന്നതിനെതിരെ അർമഷം പ്രകടിപ്പിച്ച് കോൺഗ്രസ് നേതാവ് കാർത്തി ചിദംബരം.

എത്രാമത്തെ തവണയുള്ള റെയ്ഡാണിത്. തനിക്ക് എണ്ണാൻ സാധിക്കുന്നില്ല - കാർത്തി ചിദംബരം ട്വീറ്റ് ചെയ്തു.

ഡൽഹിയിലെയും ചെന്നൈയിലെയും വസതികളിലും ഓഫീസുകളിലും സി.ബി.ഐ റെയ്ഡ് നടത്തിയതിന് പിറകെയാണ് കാർത്തിയുടെ ട്വീറ്റ് വന്നത്. ഏഴിടത്തായി ഒരേസമയമാണ് സി.ബി.ഐ റെയ്ഡ് നടത്തിയത്. ഡൽഹി, മുംബൈ, ചെന്നൈ, കാർത്തിയുടെ ലോക്സഭ മണ്ഡലമായ ശിവഗംഗ എന്നിവിടങ്ങളിലാണ് പരിശോധന നടന്നത്.