കാർത്തി ചിദംബരം കോടതിയിൽ; 14 ദിവസത്തെ കസ്റ്റഡി ആവശ്യപ്പെട്ട് സി.ബി.ഐ 

ന്യൂഡൽഹി: ഐ.എൻ.എക്‌സ് മീഡിയ കേസിൽ സി.ബി.ഐ അറസ്റ്റിലായ മുൻ ധനകാര്യ മന്ത്രി പി. ചിദംബരത്തി​​​​​​​​​ന്‍റെ മകനും എ.​െഎ.സി.സി അംഗവുമായ കാർത്തി ചിദംബരത്തെ കോടതിയിൽ ഹാജരാക്കി. ഡൽഹി സി.ബി.ഐ കോടതിയിലാണ് കാർത്തിയെ ഹാജരാക്കിയത്. 14 ദിവസത്തേക്ക് കസ്റ്റഡിയിൽ വിട്ടുതരണമെന്ന് കോടതിയിൽ സി.ബി.ഐ ആവശ്യപ്പെട്ടു.  

കാര്‍ത്തി ചിദംബരത്തെ ഒരു ദിവസത്തെ പൊലീസ് കസ്റ്റഡിയില്‍ വിടാന്‍ കഴിഞ്ഞ ദിവസം സി.ബി.ഐ കോടതി ഉത്തരവിട്ടിരുന്നു. ഐ.എൻ.എക്​സ്​ മീഡിയ കമ്പനിക്ക്​ വേണ്ടി വിദേശ നിക്ഷേപ ഇടപാടിൽ ഇടനിലക്കാരനായി കോഴ വാങ്ങിയെന്ന കേസിൽ പ്രതിയാക്കപ്പെട്ട കാർത്തി ​അന്വേഷണ ഏജൻസിയുമായി സഹകരിക്കാത്തതിനെ തുടർന്നാണ്​ അറസ്​റ്റ് ചെയ്തത്. കാർത്തി കേസിലെ മൂന്നാം പ്രതിയാണ്​.

വിദേശ നിക്ഷേപം സ്വീകരിക്കാനായി െഎ.എൻ.എക്​സ്​ മീഡിയ ടെലിവിഷൻ കമ്പനിക്ക്​ വിദേശ നിക്ഷേപ പ്രോല്‍സാഹന ബോര്‍ഡി​​​​​​​ന്‍റെ (എഫ്‌.ഐ.പി.ബി) അനുമതി ലഭ്യമാക്കിയതിലൂടെ ഡയറക്​ടർ ബോർഡംഗങ്ങളിൽ നിന്ന്​ 3.5 കോടി രൂപാ കോഴ വാങ്ങിയെന്നാണ്​ കേസ്.​ പി. ചിദംബരം ധനമന്ത്രിയായിരുന്ന 2007ല്‍ ധനമന്ത്രാലയത്തില്‍ സ്വാധീനം ചെലുത്തിയാണ്​ ​മൗറീഷ്യസില്‍ നിന്നും 300 കോടിയുടെ നിക്ഷേപം തരപ്പെടുത്താൻ അനുമതി വാങ്ങി നൽകിയത്​.

കമ്പനി ഡയറക്​ടർമാരായ പീറ്റർ മുഖർജി, ഇന്ദ്രാണി മുഖർജി എന്നിവരിൽ നിന്നാണ്​ കോഴ കൈപ്പറ്റിയത്​. കേസിൽ കാർത്തിയുടെ ചാർ​േട്ടഡ്​ അക്കൗണ്ടന്‍റ്​ എസ്. ഭാസ്​കര രാമൻ നേരത്തെ അറസ്​റ്റിലായിരുന്നു.