സം​സ്ഥാ​ന വി​ദ്യാ​ഭ്യാ​സ​ന​യ​വു​മാ​യി ക​ർ​ണാ​ട​ക; പ്ര​ത്യേ​ക ക​മീ​ഷ​ൻ രൂ​പ​വ​ത്ക​രി​ച്ചു

ബം​ഗ​ളൂ​രു: ക​ർ​ണാ​ട​ക​ക്ക് സ്വ​ന്ത​മാ​യി സം​സ്ഥാ​ന വി​ദ്യാ​ഭ്യാ​സ​ന​യം (എ​സ്.​ഇ.​പി) രൂ​പ​വ​ത്ക​രി​ക്കാ​നാ​യി കോ​ൺ​ഗ്ര​സ് സ​ർ​ക്കാ​ർ പ്ര​ത്യേ​ക ക​മീ​ഷ​ൻ രൂ​പ​വ​ത്ക​രി​ച്ചു. യു.​ജി.​സി മു​ൻ മേ​ധാ​വി​യും പ്ര​മു​ഖ വി​ദ്യാ​ഭ്യാ​സ പ്ര​വ​ർ​ത്ത​ക​നു​മാ​യ പ്ര​ഫ. സു​ഖ്ദേ​വ് തൊ​രാ​ട്ട് ആ​ണ് ക​മീ​ഷ​ൻ ചെ​യ​ർ​മാ​ൻ. കേ​ന്ദ്ര സ​ർ​ക്കാ​റി​ന്റെ ദേ​ശീ​യ വി​ദ്യാ​ഭ്യാ​സ ന​യം (എ​ൻ.​ഇ.​പി) മു​ൻ ബി.​ജെ.​പി സ​ർ​ക്കാ​ർ ക​ർ​ണാ​ട​ക​യി​ൽ ന​ട​പ്പാ​ക്കി​യി​രു​ന്നു.

എ​ന്നാ​ൽ പു​തു​താ​യി അ​ധി​കാ​ര​മേ​റ്റ കോ​ൺ​ഗ്ര​സ് സ​ർ​ക്കാ​ർ എ​ൻ.​ഇ.​പി പി​ൻ​വ​ലി​ക്കു​ക​യും അ​ടു​ത്ത അ​ധ്യ​യ​ന​വ​ർ​ഷ​ത്തേ​ക്കാ​യി സം​സ്ഥാ​ന​ത്തി​ന് സ്വ​ന്ത​മാ​യി വി​ദ്യാ​ഭ്യാ​സ ന​യം രൂ​പ​വ​ത്ക​രി​ക്കു​മെ​ന്ന് വാ​ഗ്ദാ​നം ന​ൽ​കു​ക​യും ചെ​യ്തി​രു​ന്നു. 2024 ഫെ​ബ്രു​വ​രി 28ന് ​പു​തി​യ ന​യ​ത്തി​ന്റെ ക​ര​ട് റി​പ്പോ​ർ​ട്ട് ക​മീ​ഷ​ൻ സ​മ​ർ​പ്പി​ക്കും. വി​ര​മി​ച്ച ഐ.​എ.​എ​സ് ഉ​ദ്യോ​ഗ​സ്ഥ​ർ, എ​ഴു​ത്തു​കാ​ർ, പ്ര​ഫ​സ​ർ​മാ​ർ, വി​ദ്യ​ഭ്യാ​സ പ്ര​വ​ർ​ത്ത​ക​ർ എ​ന്നി​വ​ര​ട​ങ്ങി​യ 17 പേ​രാ​ണ് ക​മീ​ഷ​ൻ അം​ഗ​ങ്ങ​ൾ. യോ​ഗേ​ന്ദ്ര യാ​ദ​വ് അ​ട​ക്കം എ​ട്ടു​പേ​രെ ക​മീ​ഷ​ന്റെ വി​ഷ​യ വി​ദ​ഗ്ധ​ന്മാ​രാ​യും ഉ​പ​ദേ​ശ​ക​രാ​യും നി​യോ​ഗി​ച്ചി​ട്ടു​മു​ണ്ട്. ക​ർ​ണാ​ട​ക വി​ദ്യാ​ഭ്യാ​സ ഗ​വേ​ഷ​ണ പ​രി​ശീ​ല​ന വ​കു​പ്പും ഉ​ന്ന​ത വി​ദ്യാ​ഭ്യാ​സ കൗ​ൺ​സി​ലും ക​മീ​ഷ​നു​വേ​ണ്ട എ​ല്ലാ സ​ഹാ​യ​ങ്ങ​ളും ന​ൽ​കും. ഉ​ന്ന​ത വി​ദ്യാ​ഭ്യാ​സ വ​കു​പ്പ് സ്​​പെ​ഷ​ൽ ഓ​ഫി​സ​ർ ഡോ. ​ഭാ​ഗ്യ​വ​ന എ​സ്. മു​ഡി​ഗൗ​ഡ്ര​യാ​ണ് ക​മീ​ഷ​ൻ മെം​ബ​ർ സെ​ക്ര​ട്ട​റി.

എ​ൻ.​ഇ.​പി ന​ട​പ്പാ​ക്കു​ന്ന​തി​നാ​യി സം​സ്ഥാ​ന പാ​ഠ്യ​പ​ദ്ധ​തി ച​ട്ട​ക്കൂ​ട് രൂ​പ​വ​ത്​​ക​രി​ക്കാ​നു​ള്ള നി​ർ​ദേ​ശ​ങ്ങ​ൾ ന​ൽ​കാ​നാ​യി മു​ൻ ബി.​ജെ.​പി സ​ർ​ക്കാ​ർ പ്ര​ത്യേ​ക ക​മ്മി​റ്റി രൂ​പ​വ​ത്​​ക​രി​ച്ചി​രു​ന്നു. ജ​നാ​ധി​പ​ത്യ​വി​രു​ദ്ധ കാ​ര്യ​ങ്ങ​ൾ പാ​ഠ്യ​പ​ദ്ധ​തി​യി​ൽ​പെ​ടു​ത്ത​ൽ, വെ​ജി​റ്റേ​റി​യ​ൻ ഭ​ക്ഷ​ണ​ത്തി​ന് പ്രാ​മു​ഖ്യം ന​ൽ​ക​ൽ, പൗ​രാ​ണി​ക കാ​ര്യ​ങ്ങ​ളും ഐ​തി​ഹ്യ​ങ്ങ​ളും ച​രി​ത്ര സ​ത്യ​ങ്ങ​ളാ​യി അ​വ​ത​രി​പ്പി​ക്ക​ൽ തു​ട​ങ്ങി ഈ ​ക​മ്മി​റ്റി ന​ൽ​കി​യ നി​ർ​ദേ​ശ​ങ്ങ​ളി​ൽ വ്യാ​പ​ക എ​തി​ർ​പ്പ് ഉ​യ​ർ​ന്നി​രു​ന്നു. കു​ട്ടി​ക​ളി​ൽ തെ​റ്റാ​യ അ​റി​വും വി​വേ​ച​ന​വും ഉ​ണ്ടാ​ക്കു​ന്ന​തും ഭ​ര​ണ​ഘ​ട​ന വി​രു​ദ്ധ​വു​മാ​ണെ​ന്ന് ക​ണ്ടെ​ത്തി​യ​തി​നാ​ലാ​ണ് സി​ദ്ധ​രാ​മ​യ്യ സ​ർ​ക്കാ​ർ എ​ൻ.​ഇ.​പി പി​ൻ​വ​ലി​ച്ച​ത്. സം​സ്ഥാ​ന​ത്തെ സ്കൂ​ൾ, ഉ​ന്ന​ത വി​ദ്യാ​ഭ്യാ​സ മേ​ഖ​ല​യെ സൂ​ക്ഷ്മ​മാ​യി വി​ല​യി​രു​ത്തി ഗു​ണ​നി​ല​വാ​ര​മു​ള്ള വി​ദ്യാ​ഭ്യാ​സം വ്യാ​പി​പ്പി​ക്കാ​നു​ള്ള നി​ർ​ദേ​ശ​ങ്ങ​ൾ പു​തി​യ ക​മീ​ഷ​ൻ ന​ൽ​കു​മെ​ന്ന് സ​ർ​ക്കാ​ർ ഉ​ത്ത​ര​വി​ൽ പ​റ​യു​ന്നു. ഗു​ണ​നി​ല​വാ​ര​മു​ള്ള വി​ദ്യാ​ഭ്യാ​സം തു​ല്യ​മാ​യി എ​ല്ലാ​വ​ർ​ക്കും ല​ഭ്യ​മാ​ക്ക​ൽ, ശാ​സ്ത്രീ​യ അ​റി​വു​ക​ൾ ന​ൽ​ക​ൽ, ജ​നാ​ധി​പ​ത്യ മൂ​ല്യ​ങ്ങ​ൾ വ​ള​ർ​ത്ത​ൽ, ന​ല്ല പൗ​ര​ന്മാ​രാ​ക്കാ​ൻ ധാ​ർ​മി​ക മൂ​ല്യ​ങ്ങ​ൾ കു​ട്ടി​ക​ളെ പ​ഠി​പ്പി​ക്ക​ൽ, തൊ​ഴി​ൽ വി​പ​ണി​ക്ക് അ​നു​യോ​ജ്യ​മാ​യ പ്ര​ഫ​ഷ​ന​ൽ വി​ദ്യാ​ഭ്യാ​സം ന​ൽ​ക​ൽ തു​ട​ങ്ങി​യ കാ​ര്യ​ങ്ങ​ളി​ൽ ക​മീ​ഷ​ൻ നി​ർ​ദേ​ശം ന​ൽ​കു​മെ​ന്നും ഉ​ത്ത​ര​വി​ൽ പ​റ​യു​ന്നു.