ലോക്​ഡൗൺ ലംഘിച്ച്​ കർണാടകയിൽ ഉത്സവം; പ​​ങ്കെടുത്തത്​ ആയിരങ്ങൾ  -VIDEO

ബംഗളൂരു: കോവിഡ്​ 19 വ്യാപനം തടയാൻ കർശന നിയന്ത്രണങ്ങളുമായി നീങ്ങുന്നതിനിടെ കർണാടക രാമനഗരയിൽ ആയിരക്കണക്കിനാളുകൾ പ​ങ്കെടുത്ത ഉത്സവം അരങ്ങേറി. ഗ്രാമപഞ്ചായത്ത്​ വികസന ഒാഫിസറുടെ അനുമതിയോടെയാണ്​ വ്യാഴാഴ്​ച മാരമ്മ ദേവീ ഉത്സവം ​നടന്നത്​. 

സാമൂഹിക അകലം പാലിക്കാതെയും മാസ്​ക്​ ധരിക്കാതെയും ആളുകൾ​ ഉത്സവത്തിൽ പ​ങ്കെടുത്തതി​​​െൻറ വിഡിയോയും ചിത്രങ്ങളും പുറത്തുവന്നു. കൈയിൽ താലങ്ങളുമായി അണിനിരന്ന ഭക്​തർ കൊറോണ വൈറസിൽനിന്ന്​ തങ്ങളെ രക്ഷിക്കാൻ കൂടി മാരമ്മദേവിയോട്​ പ്രാർഥിച്ചതായി മാധ്യമങ്ങൾ റിപ്പോർട്ട്​ ചെയ്​തു. 

തുടർന്ന്​ തഹസിൽദാറുടെ റിപ്പോർട്ട്​ പ്രകാരം പഞ്ചായത്ത്​ വികസന ഒാഫിസർ എൻ.സി.കൽമാത്തയെ രാമനഗര ഡെപ്യൂട്ടി കമ്മീഷണർ സസ്​പ​​െൻറ്​ ചെയ്​തു. സർക്കാറി​​​െൻറ കണക്കുപ്രകാരം, ഗ്രീൻസോണിൽ ഉൾപെടുന്ന ജില്ലയാണ്​ രാമനഗര. എന്നാൽ, സമീപ ജില്ലകളായ മൈസൂരുവും ബംഗളൂരുവും റെഡ്​സോണിലാണ്​. 

ഉത്സവം സംഘടിപ്പിച്ചവർക്കെതിരെ കർശന നടപടി സ്വീകരിക്കുമെന്ന്​ കർണാടക ഉപമുഖ്യമന്ത്രി ഡോ. സി.എൻ. അശ്വത്​ നാരായൺ പറഞ്ഞു. സംഭവിക്കാൻ പാടില്ലാത്തതാണ്​ അരങ്ങേറിയതെന്നും അദ്ദേഹം പറഞ്ഞു.

അതിനിടെ, പുതുതായി 45 പേർക്കുകൂടി കോവിഡ്​ സ്​ഥിരീകരിച്ചതോടെ കർണാടകയിൽ രോഗബാധിതരുടെ എണ്ണം 1,032 ആയി. ഇത​ുവരെ 35 പേരാണ്​ സംസ്​ഥാനത്ത്​ മരണപ്പെട്ടത്​.  

The irony : Hundreds gather at a village in Ramanagar for a religious fair, prayers included an appeal to the Gods to get rid of the #CoronaVirus. All this while they violate norms to contain the virus.
No #Masks.
No #SocialDistanacing. #COVID19 #COVIDー19 #lockdown pic.twitter.com/3uvSE2694v

— Deepak Bopanna (@dpkBopanna) May 14, 2020