കർണാടകയിൽ ബിയർ ലോറി മറിഞ്ഞു; കുപ്പികൾക്കായി കോവിഡിനെ മറന്ന്​ ജനം -വിഡിയോ

ബംഗളൂരു: കോവിഡിന്‍റെ രണ്ടാം തരംഗം രാജ്യത്തെ രൂക്ഷമാവുകയാണ്​. ഏകദേശം മൂന്ന്​ ലക്ഷം പേർക്കാണ്​ കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചത്​. രോഗം പ്രതിരോധിക്കാനായി സാമൂഹിക അകലം പാലിക്കണമെന്ന്​ ആരോഗ്യ പ്രവർത്തകരും സർക്കാറുകളും നിരന്തരമായി ആവശ്യപ്പെടുന്നുണ്ടെങ്കിലും ഇതെല്ലാം പലപ്പോഴും ലംഘിക്കുകയാണ്​. അത്തരമൊരു സംഭവമാണ്​ കർണാടകയിലുണ്ടായത്​.

കഴിഞ്ഞ ദിവസം കർണാടകയിലെ ചിക്ക്​മംഗളൂരുവിലാണ്​ കോവിഡ്​ മാനദണ്ഡത്തിന്‍റെ നഗ്​നമായ ലംഘനമുണ്ടായത്​. ബിയറുമായെത്തിയ ലോറി മറിഞ്ഞതിനെ തുടർന്ന്​ കുപ്പികൾ കൈക്കലാക്കാൻ ജനം തെരുവിലിറങ്ങുകയായിരുന്നു. കോവിഡ്​ മാദണ്ഡം ലംഘിച്ച്​ ജനങ്ങൾ മദ്യകുപ്പികൾക്കായി തെരുവിൽ അടികൂടുന്നതിന്‍റെ വിഡിയോയും പുറത്ത്​ വന്നതോടെ വ്യാപക വിമർശനമാണ്​ സംഭവത്തിൽ ഉയരുന്നത്​.