അടുത്ത അധ്യയന വർഷം മുതൽ കന്നഡ ഭാഷയിൽ എല്ലാ പ്രൊഫഷണൽ കോഴ്സുകളും പഠിപ്പിക്കും

ബംഗളൂരു: അടുത്ത അധ്യയന വർഷം മുതൽ കന്നഡയിൽ ഭാഷയിൽ എഞ്ചിനീയറിംഗ് ഉൾപ്പെടെയുള്ള എല്ലാ പ്രൊഫഷണൽ കോഴ്സുകളും പഠിപ്പിക്കുമെന്ന് കർണാടക ഉപമുഖ്യമന്ത്രി സി.എൻ. അശ്വത നാരായണ പറഞ്ഞു. ഉന്നത വിദ്യാഭ്യാസത്തിനായി,

പാഠ്യപദ്ധതിയുടെ ബന്ധപ്പെട്ട എല്ലാ വിവർത്തന പ്രവർത്തനങ്ങളും സർക്കാർ ആരംഭിച്ചു കഴിഞ്ഞു. 'പുതിയ വിദ്യാഭ്യാസ നയം- ഇന്ത്യൻ ഭാഷകളുടെ പഠനം' എന്ന വിഷയത്തിൽ കർണാടക സർവകലാശാലയിലെ ഓൾ ലാംഗ്വേജ് ഫാക്കൽറ്റി അസോസിയേഷൻ സംഘടിപ്പിച്ച വെബിനറിൽ സംസാരിക്കുകയായിരുന്നു അദ്ദേഹം, "ദേശീയ വിദ്യാഭ്യാസ നയം നടപ്പിലാക്കിയതിനുശേഷം പ്രാദേശിക ഭാഷ (മാതൃഭാഷ) കൂടുതൽ ശക്തിപ്പെടുത്തും.

പുതിയ വിദ്യാഭ്യാസ നയം പ്രാദേശിക ഭാഷകളിൽ പ്രൊഫഷണൽ വിദ്യാഭ്യാസം നൽകുന്നതിന് ഊന്നൽ നൽകുന്നു. സാങ്കേതികവിദ്യയും നൂതന പുരോഗതിയും അനുസരിച്ച് പ്രാദേശിക ഭാഷയായ കന്നഡയും തഴച്ചുവളരും. അത് എല്ലാ മേഖലകളിലും നിലനിൽക്കണം. കോഴ്സുകളും പാഠ്യപദ്ധതിയും നമ്മുടെ സ്വന്തം സർവകലാശാലകൾ രൂപകൽപ്പന ചെയ്യുമെന്നും ഉപമുഖ്യമന്ത്രി പറഞ്ഞു.