കർണാടക: ചൂടുപിടിച്ച് പ്രചാരണം; തെരഞ്ഞെടുപ്പിന് നാലു ദിവസം മാത്രം

ബം​ഗ​ളൂ​രു: ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പി​ന് നാ​ലു ദി​വ​സം മാ​​ത്രം ശേ​ഷി​ക്കെ, ക​ത്തി​ക്ക​യ​റി പ്ര​ചാ​ര​ണം. അ​ഴി​മ​തി​യും വി​ല​ക്ക​യ​റ്റ​വും വ​ർ​ഗീ​യ​ത​യും കാ​ർ​ഷി​ക​വി​രു​ദ്ധ ന​യ​ങ്ങ​ളും​കൊ​ണ്ട് ഭ​ര​ണ​വി​രു​ദ്ധ​വി​കാ​രം പ്ര​ക​ട​മാ​യ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ ബി.​ജെ.​പി വി​യ​ർ​ക്കു​മ്പോ​ൾ, പ​ര​മാ​വ​ധി വോ​ട്ടു​ക​ൾ അ​ടു​പ്പി​ക്കാ​ൻ കോ​ൺ​ഗ്ര​സ് പ​യ​റ്റു​ന്ന ത​ന്ത്ര​ങ്ങ​ൾ ഫ​ലം ക​ണ്ടു​തു​ട​ങ്ങു​ന്നു​വെ​ന്ന​താ​ണ് അ​വ​സാ​ന ലാ​പ്പി​ലെ സൂ​ച​ന​ക​ൾ.

മു​മ്പെ​ങ്ങു​മി​ല്ലാ​ത്ത​വി​ധം പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ രാ​വും പ​ക​ലും ക​ള​ത്തി​ലി​റ​ക്കി ആ​വേ​ശ​വും മ​ത​വി​കാ​ര​വും വോ​ട്ടാ​ക്കി മാ​റ്റാ​നാ​ണ് ബി.​ജെ.​പി ശ്ര​മം. സം​സ്ഥാ​ന​ത്ത് തു​ട​ർ​ച്ച​യാ​യി പ​ര്യ​ട​ന​ത്തി​ലു​ള്ള മോ​ദി ര​ണ്ടു ദി​വ​സ​ങ്ങ​ളി​ലാ​യി ബം​ഗ​ളൂ​രു ന​ഗ​ര​ത്തി​ൽ മാ​ത്രം 36.6 കി​ലോ​മീ​റ്റ​ർ റോ​ഡ്​ ഷോ ​ന​യി​ക്കും.

ക​ർ​ണാ​ട​ക​യി​ൽ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ലും ലോ​ക്സ​ഭ തെ​ര​ഞ്ഞെ​ടു​പ്പി​ലും കോ​ൺ​ഗ്ര​സി​ന് രാ​ഹു​ൽ ഗാ​ന്ധി​യാ​യി​രു​ന്നു പ്ര​ധാ​ന പ്ര​ചാ​ര​ക​ൻ. എ​ന്നാ​ൽ, ഇ​ത്ത​വ​ണ ചു​വ​ടു​മാ​റ്റി പ്രി​യ​ങ്ക​യെ പ്ര​തി​ഷ്ഠി​ച്ചാ​ണ് ക​രു​നീ​ക്കം. ഹി​മാ​ച​ൽ തെ​ര​ഞ്ഞെ​ടു​പ്പി​ൽ പ്രി​യ​ങ്ക ചെ​ലു​ത്തി​യ സ്വാ​ധീ​നം ക​ണ​ക്കി​ലെ​ടു​ത്താ​ണ് ക​ർ​ണാ​ട​ക​യി​ലും ഇ​തേ ത​ന്ത്രം കോ​ൺ​ഗ്ര​സ് പ​യ​റ്റി​യ​ത്. സ്ത്രീ​ക​ളു​ടെ വ​ൻ സാ​ന്നി​ധ്യം പ്രി​യ​ങ്ക​യു​ടെ റാ​ലി​ക​ളി​ൽ പ്ര​ക​ട​മാ​ണ്.

രാ​ഹു​ലി​നെ വ്യ​ക്തി​പ​ര​മാ​യി ആ​ക്ര​മി​ക്കു​ന്ന​തു​പോ​ലെ പ്രി​യ​ങ്ക​യി​​ലേ​ക്ക് രോ​ഷം തി​രി​ച്ചു​വി​ടാ​നാ​വി​ല്ലെ​ന്ന​താ​ണ് ബി.​ജെ.​പി​യു​ടെ ധ​ർ​മ​സ​ങ്ക​ടം. ‘പ്ര​ചാ​ര​ണ​ങ്ങ​ളി​ൽ സ്വ​ന്ത​ത്തെ​ക്കു​റി​ച്ച് ക​ര​യാ​തി​രി​ക്കൂ മോ​ദീ’ എ​ന്ന് മൂ​ർ​ച്ച​യോ​ടെ പ്രി​യ​ങ്ക മ​റു​വി​മ​ർ​ശ​നം ന​ട​ത്തു​ന്നു​മു​ണ്ട്.

ബി.​ജെ.​പി​യു​ടെ ‘ഹി​ന്ദു​ത്വ’ മാ​നി​ഫെ​സ്റ്റോ​യും കോ​ൺ​ഗ്ര​സി​ന്റെ ‘സെ​ക്കു​ല​ർ’ മാ​നി​ഫെ​സ്റ്റോ​യു​മാ​ണ് ഇ​പ്പോ​ൾ പ്ര​ചാ​ര​ണ​ത്തി​ലെ ചൂ​ടു​ള്ള വി​ഷ​യം. അ​മി​ത് ഷാ ​പ​​ങ്കെ​ടു​ത്ത പ​രി​പാ​ടി​ക​ളി​ലെ​ല്ലാം കോ​ൺ​ഗ്ര​സി​നെ​തി​രെ ഉ​യ​ർ​ത്തി​യ ഒ​രേ​യൊ​രു ചോ​ദ്യം സം​വ​ര​ണ​ത്തെ​ക്കു​റി​ച്ചാ​യി​രു​ന്നു.

മു​സ്‍ലിം​ക​ളി​ൽ​നി​ന്ന് എ​ടു​ത്ത് വൊ​ക്ക​ലി​ഗ​ർ​ക്കും ലിം​ഗാ​യ​ത്തു​ക​ൾ​ക്കു​മാ​യി വീ​തി​ച്ചു​ന​ൽ​കി​യ സം​വ​ര​ണ ശ​ത​മാ​നം കോ​ൺ​ഗ്ര​സ് പു​നഃ​സ്ഥാ​പി​ക്കു​മ്പോ​ൾ ആ​രി​ൽ​നി​ന്ന് തി​രി​ച്ചെ​ടു​ക്കു​മെ​ന്ന​താ​യി​രു​ന്നു വൊ​ക്ക​ലി​ഗ, ലിം​ഗാ​യ​ത്ത് മേ​ഖ​ല​ക​ളി​ൽ ന​ട​ത്തി​യ പ്ര​ചാ​ര​ണ​ങ്ങ​ളി​ൽ ബി.​ജെ.​പി​യു​ടെ ചോ​ദ്യം.

സം​വ​ര​ണ ത​ട്ട് ഉ​യ​ർ​ത്തു​മെ​ന്ന കോ​ൺ​ഗ്ര​സ് പ്ര​ക​ട​ന​പ​ത്രി​ക​യി​ൽ ആ ​ചോ​ദ്യം അ​ലി​ഞ്ഞു. ബ​ജ്റം​ഗ്ദ​ൾ നി​രോ​ധ​ന​മാ​ണ് ഇ​പ്പോ​ൾ ബി.​ജെ.​പി ഏ​റ്റു​പി​ടി​ച്ചി​രി​ക്കു​ന്ന​ത്. ബ​ജ്റം​ഗ്ദ​ളി​നെ​തി​രാ​യ നീ​ക്കം ബ​ജ്റം​ഗ്ബ​ലി​ക്കെ​തി​രാ​യ (ഹ​നു​മാ​ൻ) നീ​ക്ക​മാ​യി ചി​ത്രീ​ക​രി​ക്കാ​നാ​ണ് ശ്ര​മം.

വോ​ട്ടി​ങ് മെ​ഷീ​നി​ൽ വി​ര​ല​മ​ർ​ത്തു​മ്പോ​ൾ ഹ​നു​മാ​ൻ ചാ​ലി​സ വി​ളി​ക്കാ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ആ​ഹ്വാ​നം​ചെ​യ്യു​ന്നു. ബ​ജ്റം​ഗ്ബ​ലി​യെ ബ​ജ്റം​ഗ്ദ​ളു​മാ​യി താ​ര​ത​മ്യം​ചെ​യ്യു​ന്ന കു​ത​ന്ത്ര​ത്തെ തു​റ​ന്നെ​തി​ർ​ക്കു​ന്ന കോ​ൺ​ഗ്ര​സ് നേ​താ​ക്ക​ൾ, കൃ​ത്യ​മാ​യ ക​ണ​ക്കു​കൂ​ട്ട​ലു​ക​ളോ​ടെ​യാ​ണ് ഈ ​വി​ഷ​യം പ്ര​ക​ട​ന​പ​ത്രി​ക​യി​ൽ ഉ​ൾ​പ്പെ​ടു​ത്തി​യ​തെ​ന്നും നി​ല​പാ​ടി​ൽ​നി​ന്ന് പി​ന്നോ​ട്ടു​പോ​വി​ല്ലെ​ന്നും പ്ര​ഖ്യാ​പി​ച്ചി​ട്ടു​ണ്ട്.

ഒ​രു പ​ടി​കൂ​ടി ക​ട​ന്ന്, ക​ഴി​ഞ്ഞ നാ​ലു​വ​ർ​ഷ​ത്തി​നി​ടെ ബി.​ജെ.​പി ഭ​ര​ണ​ത്തി​നു കീ​ഴി​ൽ ചെ​റു​തും വ​ലു​തു​മാ​യി 1500 ക്ഷേ​ത്ര​ങ്ങ​ൾ ത​ക​ർ​ക്ക​പ്പെ​ട്ട​താ​യും ഇ​തി​ൽ നാ​ലെ​ണ്ണം ഹ​നു​മാ​ൻ ക്ഷേ​ത്ര​ങ്ങ​ളാ​ണെ​ന്നു​മു​ള്ള ക​ണ​ക്കും കോ​ൺ​ഗ്ര​സ് പു​റ​ത്തു​വി​ട്ടു. ത​ക​ർ​ക്ക​പ്പെ​ട്ട ഹ​നു​മാ​ൻ ക്ഷേ​ത്ര​ങ്ങ​ൾ പു​ന​ർ​നി​ർ​മി​ക്കു​മെ​ന്നും അ​ഞ്ജ​നാ​ദ്രി വി​ക​സ​ന ബോ​ർ​ഡ് രൂ​പ​വ​ത്ക​രി​ക്കു​മെ​ന്നു​മു​ള്ള പ്ര​ഖ്യാ​പ​ന​വും കോ​ൺ​ഗ്ര​സ് ന​ട​ത്തി​യി​ട്ടു​ണ്ട്.

പോ​പു​ല​ർ ഫ്ര​ണ്ടി​നെ​യും ബ​ജ്റം​ഗ്ദ​ളി​നെ​യും ഒ​രു​പോ​ലെ കൈ​കാ​ര്യം​ചെ​യ്യു​മെ​ന്ന കോ​ൺ​ഗ്ര​സ് വാ​ഗ്ദാ​നം ഒ​രേ സ​മ​യം ബി.​ജെ.​പി​യെ​യും ജെ.​ഡി-​എ​സി​നെ​യും അ​സ്വ​സ്ഥ​പ്പെ​ടു​ത്തു​ന്നു. ന്യൂ​ന​പ​ക്ഷ-​മ​തേ​ത​ര വോ​ട്ടു​ക​ൾ ന​ഷ്ട​മാ​വു​മെ​ന്ന ഭ​യ​മാ​ണ് ജെ.​ഡി-​എ​സി​ന്റെ പ്ര​തി​ക​ര​ണ​ത്തി​നു പി​ന്നി​ൽ. വൊ​ക്ക​ലി​ഗ ബെ​ൽ​റ്റാ​യ പ​ഴ​യ മൈ​സൂ​രു മേ​ഖ​ല​യി​ൽ കേ​ന്ദ്രീ​ക​രി​ച്ചാ​ണ് ദ​ൾ പ്ര​ചാ​ര​ണം.