കർണാടകയിൽ ഗോമാതാവിന്‍റെ പേരിൽ മന്ത്രിയുടെ സത്യപ്രതിജ്​ഞ

ബംഗളൂരു: കർണാടകയിൽ ബസവരാജ്​ ബൊമ്മൈ മന്ത്രിസഭയിൽ ഗോമാതാവിന്‍റെ പേരിലും സത്യപ്രതിജ്ഞ. മുൻ മൃഗസംരക്ഷണ മന്ത്രിയായ പ്രഭു ചവാനാണ് ഗോമാതാവി​െൻറ പേരിൽ​ സത്യപ്രതിജ്​ഞ ചെയ്​തത്. ലംബാനി സമുദായത്തി​െൻറ പരമ്പരാഗത വേഷമണിഞ്ഞാണ്​ ഇദ്ദേഹം ചടങ്ങിനെത്തിയത്​.

പുതിയ സർക്കാറിൽ 29 മന്ത്രിമാരാണ് ഇന്ന് സത്യപ്രതിജ്​ഞ ചെയ്​തത്. ഉച്ചക്ക്​ 2.15ന്​ രാജ്​ഭവനിലെ ഗ്ലാസ്​ ഹൗസിൽ നടന്ന ചടങ്ങിൽ ഗവർണർ താവർചന്ദ്​ ​െഗഹ്​ലോട്ട്​ സത്യവാചകം ചൊല്ലിക്കൊടുത്തു.

ബിലിഗി എം.എൽ.എ മുരുകേഷ്​ നിറാനി, ഹിരെകരൂർ എം.എൽ.എ ബി.സി. പാട്ടീൽ എന്നിവർ ​ൈദവനാമത്തിലും കർഷകരുടെ പേരിലും സത്യപ്രതിജ്​ഞ ചെയ്​തു. യെല്ലാപുര എം.എൽ.എ ശിവറാം ഹെബ്ബാർ, നിപ്പാനി എം.എൽ.എ ശശികല ജോലെ എന്നിവർ സ്വന്തം മണ്ഡലങ്ങളിലെ ജനങ്ങളുടെ പേരിലും സത്യപ്രതിജ്​ഞ ചെയ്​തു. അമ്മയുടെയും വിജയനഗരയിലെ ആരാധനാമൂർത്തിയായ വിരുപാക്ഷ ദേവ​െൻറയും കർണാടകയിലെ ആരാധനാ ദേവിയായ ഭുവനേശ്വരിയുടെയും പേരിലാണ്​ ​ഹൊസപേട്ട്​ എം.എൽ.എ ആനന്ദ്​ സിങ്​ സത്യപ്രതിജ്​ഞ ചെയ്​തത്​.

മുഖ്യമന്ത്രി ബസവരാജ്​ ബൊമ്മൈ, മറ്റു ഭരണപക്ഷ എം.എൽ.എമാർ തുടങ്ങിയവർ ചടങ്ങിൽ പ​െങ്കടുത്തു.