കായിക താരങ്ങൾക്കുള്ള​ കിറ്റ്​ എറിഞ്ഞു നൽകി​ കർണാടക മന്ത്രി; വിഡിയോ വൈറൽ video

ബംഗളൂരു: കായികതാരങ്ങൾക്കുള്ള കിറ്റ്​ സ്​റ്റേജിൽ നിന്ന്​ താഴേക്ക്​ എറഞ്ഞു കൊടുത്ത കർണാടക മന്ത്രിയുടെ നടപടി വിവാദത്തിൽ. റവന്യു മന്ത്രി ആർ.വി. ദേശ്​പാണ്ഡെയാണ്​ ദേശീയ, സംസ്​ഥാന, ജില്ലാ തലങ്ങളിലെ കായിക പ്രതിഭകൾക്ക്​ കിറ്റ്​ എറിഞ്ഞു നൽകിയത്​. കർണാടകയിലെ ഹലിയാലിൽ മന്ത്രിയുടെ മണ്ഡലത്തിലാണ് ​സംഭവം.

കായിക താരങ്ങളുടെ കൈയ്യിലേക്ക്​ മന്ത്രി ധൃതിയിൽ കിറ്റ്​ വലിച്ചെറിയുന്ന ദൃശ്യം സമൂഹമാധ്യമങ്ങളിൽ പ്രചരിക്കുന്നുണ്ട്​. ഇൻഡോർ സ്​റ്റേഡിയത്തി​​െൻറ ഉദ്​ഘാടന ചടങ്ങിലാണ്​ സംഭവം. ഉദ്​ഘാടനത്തിനും ചില അതിഥികളുടെ പ്രസംഗത്തിനും ശേഷമാണ്​ കിറ്റ്​ വിതരണം തുടങ്ങിയത്​. കിറ്റ്​ കൈപ്പറ്റാൻ ഏറെ കായിക താരങ്ങളുണ്ടായിരുന്നു. തുടർന്ന്​ അസ്വസ്​ഥത പ്രകടിപ്പിച്ച മന്ത്രി കായികതാരങ്ങളോട്​ വേദിക്കു താഴെയായി വന്നു നിൽക്കാൻ ആവശ്യപ്പെടുകയും കിറ്റ്​ എറിഞ്ഞു ​െകാടുക്കുകയുമായിരുന്നു.

കഴിഞ്ഞ ആഗസ്​റ്റിൽ പ്രളയ ബാധിതർക്ക്​ ദുരിതാശ്വാസ ക്യാമ്പിൽ കർണാടക പൊതുമരാമത്ത്​ മന്ത്രിയും മുഖ്യമന്ത്രി എച്ച്​.ഡി. കുമാരസ്വാമിയുടെ സഹോദരനുമായ എച്ച്​.ഡി. രേവണ്ണ ബിസ്​കറ്റ്​ എറിഞ്ഞുകൊടുത്തത്​ വൻ വിമർശനത്തിനിടയാക്കിയിരുന്നു.

#WATCH Karnataka Revenue Minister RV Deshpande throws sports kits from a stage at national, state and district level athletes, in Karwar's Haliyala. (31.10.18) pic.twitter.com/m82LYSh9wL

— ANI (@ANI) November 1, 2018