അണഞ്ഞിട്ടില്ല ഇൗ വീടി​െൻറ വിളക്ക്​- ശ്രീനിവാസ മൂർത്തിയുടെ പുതിയ വീട്ടിലുണ്ട്​ 'മരിച്ചുപോയ ഭാര്യ'

ബംഗളൂരു: കർണാടക കൊപ്പാളിലെ വ്യവസായിയായ ശ്രീനിവാസ മൂർത്തിയുടെ പുതിയ വീടി​െൻറ ഗൃഹപ്രവേശനത്തിന്​ എത്തിയ ബന്ധുക്കൾ ആദ്യമൊന്ന്​ ഞെട്ടി. മൂന്നുവർഷം മുമ്പ്​ മരിച്ചുപോയ ശ്രീനിവാസയുടെ ഭാര്യ മാധവി അതാ ചിരിച്ച​ുകൊണ്ട്​ സ്വീകരണമുറിയിൽ. പട്ടുസാരിയും ആഭരണങ്ങളുമണിഞ്ഞ് പ്രൗഢിയോടെ പുഞ്ചിരിച്ചുകൊണ്ട് സോഫയിലിരിക്കുന്നു അവർ. തൊട്ടരികിൽ ശ്രീനിവാസയും രണ്ട്​ പെൺമക്കളും.

കാര്യമറിഞ്ഞപ്പോൾ ഞെട്ടൽ അത്​ഭുതത്തിന്​ വഴിമാറി കൊടുത്തു. മാധവിയുടെ ജീവൻ തുടിക്കുന്ന മെഴുകുപ്രതിമയായിരുന്നു അത്​. ഭാര്യയുടെ ആഗ്രഹപ്രകാരം പണിത വീട്ടിൽ പ്രിയതമയുടെ സാന്നിധ്യം എന്നെന്നും നിലനിൽക്കാൻ ശ്രീനിവാസ കണ്ടെത്തിയ വഴിയായിരുന്നു ഇത്​. ഭാര്യയെ അത്രമേൽ സ്​നേഹിച്ചിരുന്ന അയാൾ ഇതല്ലാതെ മറ്റെന്ത്​ ചെയ്യാൻ.

ഇൗമാസം എട്ടിനായിരുന്നു പുതിയ വീടി​െൻറ പാലുകാച്ചൽ. വലിയൊരു വീട് പണിയണമെന്നത്​ മാധവിയുടെ വലിയ ആഗ്രഹമായിരുന്നു. അത്​ പൂർത്തീകരിക്കാൻ രണ്ട്​ കൊല്ലം മുമ്പാണ്​ വീടുപണി ആരംഭിച്ചത്​. ഇരുപത്തിയഞ്ചോളം ആര്‍കിടെക്ടുമാരെ കണ്ട് ഭാര്യയുടെ ഓര്‍മക്കായി എന്തെങ്കിലും ചെയ്യണമെന്ന് ആവശ്യപ്പെട്ടെങ്കിലും ശ്രീനിവാസക്ക് സംതൃപ്തിക്ക് നല്‍കുന്ന ആശയമൊന്നും കിട്ടിയില്ല. ഒടുവിൽ രങ്കണ്ണനവർ എന്ന ആര്‍ക്കിടെക്റ്റ്​ ആണ്​ പുതിയ വീട്ടിലെ ലിവിങ്​ റൂമില്‍ ഭാര്യയുടെ ഒരു പ്രതിമ വച്ചാലോ എന്ന ആശയം മുന്നോട്ടു​െവച്ചത്.

തുടർന്ന്​ ബംഗളൂരുവിലെ പ്രമുഖ കളിപ്പാട്ട നിര്‍മാതാക്കളായ ഗോംബെ മാനെയുമായി ബന്ധപ്പെട്ടാണ്​ പ്രതിമ നിർമാണത്തിനുള്ള ശ്രമങ്ങൾ തുടങ്ങിയത്​. മാധവിയുടെ വിവിധ ഫോ​േട്ടാകൾ കണ്ട്​ ഒരു കൊല്ലമെടുത്താണ്​ ശ്രീധർ മൂർത്തി എന്ന കലാകാരൻ പ്രതിമ നിർമാണം പൂർത്തിയാക്കിയത്​.

മൂന്ന് വര്‍ഷം മുമ്പ്​ ജൂലൈയിൽ രണ്ട് പെണ്‍മക്കള്‍ക്കൊപ്പം തിരുപ്പതിയിലേക്ക് പോകുമ്പോഴുണ്ടായ അപകടത്തിലാണ്​ മാധവി മരിച്ചത്​. കോലാര്‍ ഹൈവേയില്‍ ​െവച്ച്​ അമിത വേഗത്തില്‍ വന്ന ട്രക്ക്​ കാറിൽ ഇടിക്കുകയായിരുന്നു. സംഭവസ്ഥലത്ത് തന്നെ മാധവി മരിച്ചു. പെണ്‍മക്കള്‍ നിസാര പരിക്കുകളോടെ രക്ഷപ്പെട്ടെങ്കിലും മാധവിയുടെ വിയോഗം കുടുംബത്തെ ആകെ തകര്‍ത്തു.

'അവളു​െട ആഗ്രഹമായിരുന്നു ഈ വീട്​​. അവളില്ലാതെ ഞങ്ങൾക്കിടവിടെ താമസിക്കുക പ്രയാസമാണ്​. ഞങ്ങൾക്കൊപ്പം അവളില്ലെങ്കിലും ഇൗ പ്രതിമ എന്നും അവളുടെ സാന്നിധ്യം ഇവിടെ ഉറപ്പാക്കും. ഇതിനടുത്തിരിക്കുമ്പോൾ ഭാര്യക്കൊപ്പം ഇരിക്കുന്നതായാണ് എനിക്ക് അനുഭവപ്പെടുന്നത്​. അതിനാൽ അവൾ എപ്പോഴും കൂടെയുണ്ടെന്ന തോന്നലുണ്ട്​'- ശ്രീനിവാസ മൂര്‍ത്തി പറയുന്നു. ശ്രീനിവാസക്ക്​ ഭാര്യയോടുള്ള സ്​നേഹം​ സമൂഹ മാധ്യമങ്ങളിലും വൈറലായി.