കർണാടക ആഭ്യന്തര മ​ന്ത്രി ബസവരാജ്​ ബൊമ്മൈക്ക്​​​​ കോവിഡ്​

ബംഗളൂരു: കർണാടക ആഭ്യന്തര മന്ത്രി ബസവരാജ്​ എസ്​. ബൊമ്മൈക്ക്​ കോവിഡ്​ സ്ഥിരീകരിച്ചു. സ്വവസതിയിൽ നിരീക്ഷണത്തിൽ കഴിയുകയാണെന്നും രോഗലക്ഷണങ്ങളില്ലെന്നും മന്ത്രി ട്വിറ്ററിലൂടെ അറിയിച്ചു.

ബസവരാജി​െൻറ വസതിയിൽ ജോലിചെയ്യുന്നയാൾ കോവിഡ്​ പോസിറ്റീവാണെന്ന്​ കണ്ടെത്തിയിരുന്നു. ഇതെ തുടർന്നാണ്​ മന്ത്രിയും പരിശോധനക്ക്​ വിധേയനായത്​.

അടുത്തിടെ ​താനുമായി സമ്പർക്കമുണ്ടായിരുന്നവർ കോവിഡ്​ പരിശോധന നടത്തുകയും ഉചിതമായ മുൻകരുതലെടുക്കുകയും ചെയ്യണമെന്നും ബസവരാജ്​ ട്വീറ്റ്​ ചെയ്​തു.

കർണാടകയിൽ ഇതുവരെ 4.68 ലക്ഷം പേർക്ക്​ കോവിഡ്​ ബാധിക്കുകയും 7,384 പേർ മരിക്കുകയും ചെയ്​തു.