ശിരോവസ്ത്ര വിവാദം: കോളജിൽ ദേശീയപതാക ഉയർത്തുന്ന കൊടിമരത്തിൽ കാവിക്കൊടി ഉയർത്തി

ബം​ഗ​ളൂ​രു: ശി​രോ​വ​സ്ത്ര വി​വാ​ദ​ത്തി​ൽ ക​ർ​ണാ​ട​ക​യി​ലെ കാ​മ്പ​സു​ക​ളി​ൽ സംഘ് പരിവാർ അനുകൂല വിദ്യാർഥി സംഘടനകൾ നടത്തുന്ന സ​മ​ര​ങ്ങ​ൾ സം​ഘ​ർ​ഷ​ങ്ങ​ളി​ലേ​ക്ക്​ നീ​ങ്ങി​. ശി​വ​മൊ​ഗ്ഗ ഗ​വ. ഫ​സ്റ്റ്​ ഗ്രേ​ഡ്​ കോ​ള​ജി​ലെ ദേ​ശീ​യ​പ​താ​ക ഉയർത്തുന്ന കൊ​ടി​മ​ര​ത്തി​ൽ ക​യ​റിയ വി​ദ്യാ​ർ​ഥി​ക​ൾ ​കാ​വി​ക്കൊ​ടി നാ​ട്ടി​യ​ത്​ സം​ഘ​ർ​ഷ​ത്തി​നും ക​ല്ലേ​റി​നും വ​ഴി​വെ​ച്ചു.

നഗരത്തിലെ ബാപ്പുജിനഗറിൽ സ്ഥിതി ചെയ്യുന്ന കോളജിൽ നിന്നുള്ള സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. ​കൊടിമരത്തിൽ വിദ്യാർഥി കയറി കാവിക്കൊടി ഉയർത്തുന്നതും താഴെ​ കൂട്ടംകൂടി നിൽക്കുന്ന നൂറുകണക്കിന് വിദ്യാർഥികൾ ​ജയ്ശ്രീറാം വിളിച്ച് പ്രോത്സാഹിപ്പിക്കുന്നതും കാണാം.

സംസ്ഥാനത്ത് സംഘർഷാന്തരീക്ഷം ഉടലെടുത്തതോടെ സ്കൂ​ളു​ക​ൾ​ക്കും കോ​ള​ജു​ക​ൾ​ക്കും​ സ​ർ​ക്കാ​ർ മൂ​ന്നു ദി​വ​സ​ത്തെ അ​വ​ധി പ്ര​ഖ്യാ​പി​ച്ചു. വി​ദ്യാ​ർ​ഥി​ക​ളും അ​ധ്യാ​പ​ക​രും മാ​നേ​ജ്​​മെ​ന്‍റും ക​ർ​ണാ​ട​ക​യി​ലെ ജ​ന​ങ്ങ​ളും വി​ഷ​യ​ത്തി​ൽ സം​യ​മ​നം പാ​ലി​ക്ക​ണ​മെ​ന്ന്​ മു​ഖ്യ​മ​ന്ത്രി ബ​സ​വ​രാ​ജ്​ ബൊ​മ്മൈ അ​ഭ്യ​ർ​ഥി​ച്ചു.

ശി​രോ​വ​സ്ത്രം മൗ​ലി​കാ​വ​കാ​ശ​മാ​ണെ​ന്ന്​ ചൂ​ണ്ടി​ക്കാ​ട്ടി വി​ദ്യാ​ർ​ഥി​നി​ക​ൾ ന​ൽ​കി​യ ഹ​ര​ജി​ക​ൾ ക​ർ​ണാ​ട​ക ഹൈ​കോ​ട​തി പ​രി​ഗ​ണി​ക്ക​വെ​യാ​ണ്​ കാ​മ്പ​സു​ക​ളി​ൽ പ്ര​തി​​ഷേ​ധം ക​ല്ലേ​റി​ലും ലാ​ത്തി​ച്ചാ​ർ​ജി​ലും ക​ലാ​ശി​ച്ച​ത്. ക​ല്ലേ​റി​ൽ വി​ദ്യാ​ർ​ഥി​ക​ൾ​ക്ക്​ പ​രി​ക്കേ​റ്റു. ശി​വ​മൊ​ഗ്ഗ​യി​ലും ബാ​ഗ​ൽ​കോ​ട്ടി​ലും നാ​ലു വി​ദ്യാ​ർ​ഥി​ക​ളെ വീ​തം പൊ​ലീ​സ്​ ക​സ്റ്റ​ഡി​യി​ലെ​ടു​ത്തു.

മാ​ണ്ഡ്യ പി.​ഇ.​എ​സ്​ കോ​ള​ജി​ൽ ശി​രോ​വ​സ്ത്രം ധ​രി​ച്ചെ​ത്തി​യ വി​ദ്യാ​ർ​ഥി​നി​യെ കാ​വി​ഷാ​ൾ ധ​രി​ച്ച വി​ദ്യാ​ർ​ഥി​ക​ൾ വ​ള​ഞ്ഞ്​ 'ജ​യ്​ ശ്രീ​റാം' വി​ളി​ച്ച​തോ​ടെ പെ​ൺ​കു​ട്ടി 'അ​ല്ലാ​ഹു അ​ക്​​ബ​ർ' എ​ന്ന്​ പ്ര​തി​ക​രി​ച്ചു. തു​ട​ർ​ന്ന് പ്രി​ൻ​സി​പ്പ​ലും മ​റ്റ്​ അ​ധ്യാ​പ​ക​രും ചേ​ർ​ന്ന്​ വി​ദ്യാ​ർ​ഥി​നി​ക്ക്​ സം​ര​ക്ഷ​ണം ന​ൽ​കി ക്ലാ​സി​ലേ​ക്ക്​ മാ​റ്റി.

ശി​വ​മൊ​ഗ്ഗ ബാ​പു​ജി ന​ഗ​ർ ഗ​വ. പി.​യു കോ​ള​ജ്​ പ​രി​സ​ര​ത്ത്​ ജ​ന​ക്കൂ​ട്ട​ത്തെ പി​രി​ച്ചു​വി​ടാ​ൻ പൊ​ലീ​സ്​ ന​ട​ത്തി​യ ലാ​ത്തി​ച്ചാ​ർ​ജി​ൽ വി​ദ്യാ​ർ​ഥി​ക​ൾ​ക്കും പ​രി​ക്കേ​റ്റു. ശി​രോ​വ​സ്​​ത്രം ധ​രി​ച്ചെ​ത്തി​യ വി​ദ്യാ​ർ​ഥി​നി​ക​ളും കാ​വി​ഷാ​ൾ ധ​രി​ച്ച വി​ദ്യാ​ർ​ഥി​ക​ളും ത​മ്മി​ലുള്ള വാ​ക്കേ​റ്റം ക​ല്ലേ​റി​ൽ ക​ലാ​ശി​ക്കു​ക​യാ​യി​രു​ന്നു. മൂ​ന്ന്​ വി​ദ്യാ​ർ​ഥി​ക​ൾ​ക്ക്​ പ​രി​​ക്കേ​റ്റു. പൊ​ലീ​സ്​ സ്ഥ​ല​ത്തെ​ത്തി സ്ഥി​തി ശാ​ന്ത​മാ​ക്കി. സം​ഘ​ർ​ഷ​ത്തെ തു​ട​ർ​ന്ന്​ ശി​വ​മൊ​ഗ്ഗ ന​ഗ​ര​പ​രി​ധി​യി​ൽ ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ നി​രോ​ധ​നാ​ജ്ഞ പ്ര​ഖ്യാ​പി​ച്ചു.

ബാ​ഗ​ൽ​കോ​ട്ട്​ ബ​ന​ഹ​ട്ടി ഗ​വ. പി.​യു കോ​ള​ജി​ൽ വി​ദ്യാ​ർ​ഥി​ക​ൾ ത​മ്മി​ലെ പ്ര​തി​ഷേ​ധം സം​ഘ​ർ​ഷ​ത്തി​ലേ​ക്ക്​ നീ​ങ്ങി. വി​ദ്യാ​ർ​ഥി​ക​ൾ ചേ​രി തി​രി​ഞ്ഞ്​ ക​ല്ലെ​റി​ഞ്ഞു. സം​ഘ​ർ​ഷം വ്യാ​പി​ച്ച​തോ​ടെ പൊ​ലീ​സ്​ ലാ​ത്തി​വീ​ശി. കോ​ള​ജി​ന്​ ഒ​രു ദി​വ​സ​ത്തെ അ​വ​ധി പ്ര​ഖ്യാ​പി​ച്ചു. ഉ​ഡു​പ്പി എം.​ജി.​എം കോ​ള​ജി​ൽ നൂ​റോ​ളം വി​ദ്യാ​ർ​ഥി​ക​ൾ കാ​വി ത​ല​പ്പാ​വും ഷാ​ളും അ​ണി​ഞ്ഞെ​ത്തി മു​സ്​​ലിം വി​ദ്യാ​ർ​ഥി​ക​ളു​മാ​യി വാ​ക്കേ​റ്റ​മു​ണ്ടാ​യി.

കാ​മ്പ​സ്​ സം​ഘ​ർ​ഷ​ത്തി​ലേ​ക്ക്​ നീ​ങ്ങി​യ​തോ​ടെ പൊ​ലീ​സ്​ ഇ​ട​പെ​ട്ടു. കോ​ള​ജി​ന്​ അ​ധി​കൃ​ത​ർ അ​വ​ധി പ്ര​ഖ്യാ​പി​ച്ചു. ചി​ക്ക​മ​ഗ​ളൂ​രു ഐ.​ഡി.​എ​സ്.​ജി കോ​ള​ജി​ലും സം​ഘ​ർ​ഷാ​വ​സ്ഥ​യു​ണ്ടാ​യി. വി​ജ​യ​പു​ര ജി​ല്ല​യി​ലെ ഇ​ന്ദി ശാ​ന്തേ​ശ്വ​ർ പി.​യു കോ​ള​ജി​ൽ ശി​രോ​വ​സ്​​ത്രം ധ​രി​ച്ച വി​ദ്യാ​ർ​ഥി​നി​ക​ളെ​യും കാ​വി​ഷാ​ൾ ധ​രി​ച്ച​വ​രെ​യും കോ​ള​ജ്​ ഗേ​റ്റി​ൽ അ​ധി​കൃ​ത​ർ ത​ട​ഞ്ഞു.