കർണാടക മുൻ മന്ത്രി ബി.എ. മൊയ്തീൻ നിര്യാതനായി

മംഗളൂരു: മുൻ മന്ത്രിയും മുതിർന്ന കോൺഗ്രസ് നേതാവുമായ ബി.എ. മൊയ്തീൻ (81) നിര്യാതനായി. ചൊവ്വാഴ്ച രാവിലെ മംഗളൂരു സ്വകാര്യ ആശുപത്രിയിലായിരുന്നു അന്ത്യം. 1995-1999 ജെ.എച്ച്. പട്ടീൽ മന്ത്രിസഭയിൽ ഉന്നത വിദ്യാഭ്യാസ മന്ത്രിയായിരുന്നു.

1990-2002 കാലയളവിൽ എം.എൽ.സിയായി പ്രവർത്തിച്ചു. 1978ൽ ബണ്ട്വാൾ മണ്ഡലത്തിൽ നിന്ന് നിയമസഭാംഗമായിരുന്നു. 2016ൽ ഇദ്ദേഹത്തെ ദേവരാജ് അർസ് അവാർഡ് നൽകി സംസ്ഥാന സർക്കാർ ആദരിച്ചിരുന്നു.