Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകർണാടക തെരഞ്ഞെടുപ്പ്​: ...

കർണാടക തെരഞ്ഞെടുപ്പ്​: ജെ.ഡി.എസ്​ നിലപാട്​ നിർണായകം

text_fields
bookmark_border
kumaraswamy
cancel

ബംഗളൂരു: നിർണായകമായ തെരഞ്ഞെടുപ്പിൽ കർണാടക വിധിയെഴുതി കഴിഞ്ഞു. ഭരണവിരുദ്ധ വികാരമില്ലെന്നും കേവല ഭൂരിപക്ഷത്തോടെ അധികാരത്തിലെത്താമെന്നുമാണ്​ സിദ്ധരാമയ്യയുടെയും കോൺഗ്രസി​​​​​​​​െൻറയും പ്രതീക്ഷ. ഇതിൽ നിന്നും ഒരുപടി കൂടി കടന്ന്​ മെയ്​ 17ന്​ സത്യപ്രതിജ്ഞ ചെയ്യുമെന്ന്​ തെരഞ്ഞെടുപ്പ്​ ഫലത്തിന്​ മുമ്പ്​ ത​െന്ന യെദ്യൂരിയപ്പ പ്രഖ്യാപിച്ചു.

എന്നാൽ എക്​സിറ്റ്​പോളുകൾ നൽകുന്ന സൂചന കർണാടകയിൽ ആർക്കും കേവല ഭൂരിപക്ഷം ലഭിക്കില്ലെന്നാണ്​. പല എക്​സിറ്റ്​പോളുകളും കോൺഗ്രസ്​ ഏറ്റവും വലിയ ഒറ്റകക്ഷിയാവുമെന്ന്​ പ്രവചിക്കുന്നുണ്ടെങ്കിലും കേവല ഭൂരിപക്ഷത്തിലേക്ക്​ എത്തുമെന്ന്​ പറയുന്നില്ല. ഇയൊരു സാഹചര്യത്തിൽ ജെ.ഡി.എസി​​​​​​​​െൻറ നിലപാടാവും കർണാടകയിൽ നിർണായകമാവുക

ജെ.ഡി.എസ്​ 30-40 സീറ്റുകൾ വരെ നേടുമെന്നാണ്​ എക്​സിറ്റ്​പോളുകള​ുടെ പ്രവചനം. അങ്ങനെയെങ്കിൽ ഏറ്റവും വലിയ ഒറ്റകക്ഷിയാകുന്ന പാർട്ടിക്ക്​ ജെ.ഡി.എസി​​​​​​​​െൻറ പിന്തുണയില്ലാതെ കർണാടക ഭരിക്കാനാവില്ല. തെരഞ്ഞെടുപ്പി​​​​​​​​െൻറ ആദ്യ ഘട്ടങ്ങളിൽ കോൺഗ്രസിനെ കടന്നാക്രമിച്ച്​ ജെ.ഡി.എസിനോട്​ മൃദുസമീപനമാണ്​ പ്രധാനമന്ത്രി നരേന്ദ്രമോദി പിന്തുടർന്നിരുന്നത്​. എന്നാൽ രണ്ടാംഘട്ടത്തിൽ ജെ.ഡി.എസിനെതിരെയും മോദി വിമർശനങ്ങൾ ഉന്നയിച്ചിരുന്നു.

ഇതുവരെ ഏത്​ മുന്നണിയെ പിന്തുണക്കുമെന്ന കാര്യത്തിൽ ജെ.ഡി.എസ്​ മനസ്​ തുറന്നിട്ടില്ല. ദേവഗൗഡയെ പോലുള്ള പാർട്ടിയിലെ മുതിർന്ന നേതാക്കൾ ബി.ജെ.പിക്ക്​ എതിരായ നിലപാടാണ്​ സ്വീകരിക്കുന്നത്​. അതേ സമയം, എച്ച്​.ഡി കുമാരസ്വാമി പിന്തുണ സംബന്ധിച്ച്​ മനസുതുറക്കാത്തത്​ ഇരു മുന്നണികളുടെയും നെഞ്ചിടിപ്പേറ്റുന്നുണ്ട്​.

Show Full Article
TAGS:Karnataka election B. S. Yeddyurappa siddaramaiah india news malayalam news 
News Summary - Karnataka Elections: JD(S) May Emerge Tie-Breaker Between Congress and BJP, Say Exit Polls-India news
Next Story