കർണാടക തെരഞ്ഞെടുപ്പ്​: സോണിയ ഗാന്ധിയും യോഗിയും സിദ്ധരാമയ്യയും ഇന്ന്​ പ്രചാരണത്തിന്​

ബംഗളൂരു: കർണാടകയിൽ നിയമസഭാ തെരഞ്ഞെടുപ്പി​​​​െൻറ പ്രചാരണ പരിപാടികൾക്ക്​ കരുത്തുപകരാൻ മുൻനിര നേതാക്കൾ ഇന്നിറങ്ങും. മുൻ കോൺഗ്രസ്​ അധ്യക്ഷ സോണിയാ ഗാന്ധി, ഉത്തർപ്രദേശ്​ മുഖ്യമന്ത്രി യോഗി ആദിഥ്യനാഥ്​, എന്നിവർ ഇന്ന്​ സംസ്ഥാനത്തെത്തി ​പ്രചാരണങ്ങൾക്ക്​ നേതൃത്വം നൽകും. കർണാടക മുഖ്യൻ സിദ്ധരാമയ്യയും ഇന്ന്​ പ്രചാരണത്തിനുണ്ടാവും. 

സോണിയാ ഗാന്ധി ഇന്ന്​ മൂന്ന്​ മണിക്ക്​ വിജയപുരയിൽ ജനങ്ങളെ കാണു​േമ്പാൾ, ബി.ജെ.പിയുടെ മുൻനിര നേതാവും തെരഞ്ഞെടുപ്പ്​ പ്രചാരണങ്ങളിലെ ശ്രദ്ധകേന്ദ്രവുമായ യോഗി ഇന്ന്​ ഭട്​കൽ, ബിണ്ടൂർ, മുദാബിദ്രെ, വിരാജ്​പേട്ട്​, സുള്ള്യ എന്നിവിടങ്ങളിൽ പ്രചാരണം നടത്തും.

ബി.ജെ.പിയുടെയും കോൺഗ്രസി​​​​െൻറയും തെരഞ്ഞെടുപ്പ്​ ആയുധമായ ടിപ്പു സുൽത്താൻ ഭരിച്ച മൈസൂരുവിലായിരിക്കും സിദ്ധരാമയ്യയുടെ ഇന്നത്തെ പ്രചാരണങ്ങൾക്ക്​ തുടക്കം. കഴിഞ്ഞ വർഷം സിദ്ധരാമയ്യ സർക്കാർ ടിപ്പുവി​​​​െൻറ ജന്മദിന വാർഷികം ആഘോഷിച്ചത്​ ബി.ജെ.പി വിവാദമാക്കിയിരുന്നു.  വോട്ട്​ബാങ്ക്​ രാഷ്​ട്രീയം കളിക്കുന്ന കോൺഗ്രസ്​ ചില സുൽത്താൻമാരുടെ ജയന്തിയാഘോഷിക്കുകയാണെന്നായിരുന്നു​​ പ്രധാനമന്ത്രി നരേന്ദ്ര മോദി ചിത്രദുർഗയിൽ റാലിക്കിടെ വിമർശിച്ചത്​​. 

225 സീറ്റുകളിലായി നടക്കുന്ന തെരഞ്ഞെടുപ്പി​​​​െൻറ ഭാഗമായി കർണാടകയിൽ ഇരുപാർട്ടികളും ശക്​തമായ പ്രചാരണത്തിലാണ്​​. റാലികൾ സംഘടിപ്പിച്ചും വിവാദ പ്രസ്​താവനകൾ നടത്തി​ കോൺഗ്രസിനെ കടന്നാക്രമിച്ചും ബി.ജെ.പി​ കർണാടകയിൽ വിജയം നേടാനുള്ള പുറപ്പാടിലാണ്​. അടുത്ത വർഷം നടക്കാനിരിക്കുന്ന ലോക്​സഭ തെരഞ്ഞെടുപ്പിൽ നിർണായകമായ സ്വാധീനം ചെലുത്തുന്ന തെരഞ്ഞെടുപ്പായതിനാൽ ഇരുപാർട്ടിക്കും വിജയം സുപ്രധാനമാണ്​​.