കർണാടകയിൽ 187 പേർക്കുകൂടി കോവിഡ്
text_fieldsബംഗളൂരു: 24 മണിക്കൂറിനിടെ കർണാടകയിൽ 187 പേർക്ക് കോവിഡ് സ്ഥിരീകരിച്ചു. ഞായറാഴ്ച വൈകീട്ട് അഞ്ചു മുതൽ തിങ്കളാഴ്ച വൈകിട്ട് 5 വരെയുള്ള കണക്കാണ് സംസ്ഥാന ആരോഗ്യ വകുപ്പ് പുറത്തുവിട്ടത്. ഇതോടെ മൊത്തം രോഗികളുടെ എണ്ണം 3,408 ആയി ഉയർന്നു. 52 പേരാണ് സംസ്ഥാനത്ത് ഇതുവരെ മരിച്ചത്.
രോഗികളിൽ 12 പേർ ഐ.സി.യുവിലാണ്. തിങ്കളാഴ്ച 110 രോഗികൾ സുഖം പ്രാപിച്ചു. ഇതുൾപ്പെെട 1,328 പേർ രോഗമുക്തി നേടി. നിലവിൽ 2,026 പേരാണ് ചികിത്സയിലുള്ളത്.
രാജ്യത്ത് ഏറ്റവും കൂടുതൽ കേസുകൾ റിപ്പോർട്ട് ചെയ്ത ദിവസമാണ് തിങ്കളാഴ്ച. കേന്ദ്ര ആരോഗ്യ മന്ത്രാലയത്തിെൻറ കണക്കനുസരിച്ച് 8,392 പേർക്കാണ് 24 മണിക്കൂറിനിടെ രോഗം സ്ഥിരീകരിച്ചത്. ഇതോടെ മൊത്തം രോഗബാധിതരുടെ എണ്ണം 1,90,535 ആയി. 5,394 കോവിഡ് മരണങ്ങളാണ് രാജ്യത്ത് ഇതുവരെ റിപ്പോർട്ട് ചെയ്തത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.