മോഹൻ ഭാഗവത്​ രാഷ്​ട്രപതിയാവണമെന്ന്​ കർണാടകയിലെ കോൺഗ്രസ്​ നേതാവ്​

ബംഗളൂരു: ആർ.എസ്.എസ് തലവൻ മോഹൻ ഭാഗവത് രാഷ്ട്രപതിയാകുന്നതിനെ പിന്തുണച്ച് കർണാടകയിലെ കോൺഗ്രസ് നേതാവും മുൻ റെയിൽവേ വുകപ്പ് മന്ത്രിയുമായ ജാഫർ ഷെരീഫ്. മോഹൻ ഭാഗവത്തി​െൻറ ദേശസ്നേഹത്തിൽ സംശയമില്ലെന്നും  അദ്ദേഹം രാഷ്ട്രപതിയാവണമെന്നും പ്രധാനമന്ത്രിക്കയച്ച കത്തിൽ ഷെരീഫ് ചൂണ്ടിക്കാട്ടി.

ഇന്ത്യയിൽ വിവിധ ചിന്താധാരകളുണ്ട്. ഇതിൽ ഒരു ചിന്തധാരയുടെ ഭാഗമാണെന്നത് കൊണ്ട് ഭാഗവത്തി​െൻറ ജനങ്ങളോടുള്ള സ്നേഹത്തിലോ ദേശസ്നേഹത്തിലോ സംശയമില്ലെന്നും ഷെരീഫ് കത്തിൽ വ്യക്തമാക്കുന്നു.

എന്നാൽ പ്രസ്താവനക്കെതിരെ കർണാടകയിലെ കോൺഗ്രസ് നേതൃത്വം രംഗത്തെത്തി. ആർ.എസ്.എസി​െൻറ പ്രത്യയശാസ്ത്രത്തെ എതിർക്കുമെന്ന് കോൺഗ്രസ് വക്താവ് ഗൗരവ് ഗോഗി പറഞ്ഞു.

ശിവസേന നേതാവ് സഞ്ജയ് റൗട്ടാണ് ആർ.എസ്.എസ് നേതാവ് മോഹൻ ഭാഗവത് രാഷ്ട്രപതിയാവണമെന്ന അഭിപ്രായ പ്രകടനം ആദ്യം നടത്തിയത്.