ബംഗളൂരു ദുരന്തം; മരിച്ചവരുടെ കുടുംബങ്ങൾക്കുള്ള നഷ്ടപരിഹാരം 25 ലക്ഷമാക്കി വർധിപ്പിച്ച് സിദ്ധരാമയ്യ

ബംഗളൂരു: ചിന്നസ്വാമി സ്റ്റേഡിയത്തിൽ തിക്കിലും തിരക്കിലും മരിച്ചവരുടെ കുടുംബങ്ങൾക്കുള്ള നഷ്ടപരിഹാര തുക ഉയർത്തി കർണാടക സർക്കാർ. നേരത്തെ പ്രഖ്യാപിച്ച തുക പത്ത് ലക്ഷമായിരുന്നു. എന്നാൽ ഇപ്പോൾ 25 ലക്ഷമായി ഉയർത്തിയിരിക്കുകയാണ് കർണാടക മുഖ്യമന്ത്രി സിദ്ധരാമയ്യ.

ഈ വർഷത്തെ ഐ.പി.‌എൽ ജേതാക്കളായ റോയൽ ചലഞ്ചേഴ്‌സ് ബംഗളൂരുവിനെ അനുമോദിക്കുന്നതിനായി ജൂൺ നാലിന് ബംഗളൂരുവിലെ ചിന്നസ്വാമി സ്റ്റേഡിയത്തിന് പുറത്ത് നടന്ന ചടങ്ങിനിടെയുണ്ടായ തിക്കിലും തിരക്കിലുംപെട്ട് 11 പേർ മരിക്കുകയും 56 പേർക്ക് പരിക്കേൽക്കുകയും ചെയ്തു.

35,000 ആ​ളു​ക​ളെ ഉ​ൾ​ക്കൊ​ള്ളാ​ൻ ശേ​ഷി​യു​ള്ള സ്റ്റേ​ഡി​യ​ത്തി​ലേ​ക്ക് ര​ണ്ട​ര ല​ക്ഷം​പേ​ർ എ​ത്തി​യ​താ​ണ് ദു​ര​ന്ത​ത്തി​ന് ഇ​ട​യാ​ക്കി​യ​ത്. ജനക്കൂട്ടത്തെ പൂർണമായും നിയന്ത്രിക്കാൻ കഴിയാതെ വന്നതോടെ ദുരന്തത്തിലേക്ക് വഴിമാറുകയായിരുന്നു.

സംഭവത്തിൽ ക​ർ​ണാ​ട​ക സ​ർ​ക്കാ​ർ കർശന നടപടിയെടുത്തു. റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു (ആ​ർ.​സി.​ബി) മാ​ർ​ക്ക​റ്റി​ങ് ആ​ൻ​ഡ് റ​വ​ന്യൂ മേ​ധാ​വി നി​ഖി​ൽ സോ​സാ​ലെ, ഇ​വ​ന്റ് മാ​നേ​ജ്‌​മെ​ന്റ് സ്ഥാ​പ​ന​മാ​യ ഡി‌.​എ​ൻ‌.​എ എ​ന്റ​ർ​ടെ​യി​ൻ​മെ​ന്റ് പ്രൈ​വ​റ്റ് ലി​മി​റ്റ​ഡി​ലെ മൂ​ന്നു ജീ​വ​ന​ക്കാ​ർ എ​ന്നി​വ​രെ അ​റ​സ്റ്റ് ചെ​യ്തു. ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ രാ​ഷ്ട്രീ​യ​കാ​ര്യ സെ​ക്ര​ട്ട​റി സ്ഥാ​ന​ത്തു​നി​ന്ന് കെ. ​ഗോ​വി​ന്ദ​രാ​ജ് എം.​എ​ൽ.​സി​യെ അ​ടി​യ​ന്ത​ര പ്രാ​ബ​ല്യ​ത്തോ​ടെ നീ​ക്കി. ദാ​രു​ണ​മാ​യ ദു​ര​ന്ത​ത്തി​ൽ സം​ഭ​വി​ച്ച ഗു​രു​ത​ര ഇ​ന്റ​ലി​ജ​ൻ​സ് വീ​ഴ്ച ചൂ​ണ്ടി​ക്കാ​ട്ടി അ​ഡീ. ഡ​യ​റ​ക്ട​ർ ജ​ന​റ​ൽ ഓ​ഫ് പൊ​ലീ​സ് (ഇ​ന്റ​ലി​ജ​ൻ​സ്) ഹേ​മ​ന്ത് നിം​ബാ​ൽ​ക്ക​റെ സ്ഥ​ലം മാ​റ്റി.